The Phnom Penh Post Search

Search form




Logo of Phnom Penh Post newspaper Phnom Penh Post - ទេសចរ​ចិន​បាន​ជំរុញ​ឲ្យ​មាន​កំណើន​ទេសចរណ៍​ កម្ពុជា

ទេសចរ​ចិន​បាន​ជំរុញ​ឲ្យ​មាន​កំណើន​ទេសចរណ៍​ កម្ពុជា

ទេសចរ​ចិន​បាន​ជំរុញ​ឲ្យ​មាន​កំណើន​ទេសចរណ៍​ កម្ពុជា

ភ្នំពេញៈ ចំនួន​ក្រុមហ៊ុន​អាកាសចរណ៍ និង​ភ្ញៀវទេសចរ​ចិន​បន្ត​ជំរុញ​ដល់​វិស័យ​អាកាសចរណ៍​ដែល​កំពុង​កើនឡើង​របស់​កម្ពុជា​ដែល​បាន​ជាប់​ចំណាត់ថ្នាក់​ជា​ទីផ្សារ​កំពុង​រីកចម្រើន​លឿន​បំផុត​នៅក្នុង​តំបន់​អាស៊ីអាគ្នេយ៍​ក្នុង​រយៈពេល​ ៣​ ឆ្នាំ​កន្លងមក​។

កាលពី​ម្សិលមិញ​ មជ្ឈមណ្ឌល​អាកាសចរណ៍​មាន​មូលដ្ឋាន​នៅ​ប្រទេស ​អូស្ដ្រាលី​ បាន​ចេញ​របាយការណ៍​ពីរ​ផ្នែក​លើក​ដំបូង​ស្ដីពី​ទីផ្សារ​អាកាសចរណ៍​កម្ពុជា​។ របាយការណ៍​នេះ​បាន​បង្ហាញ​ថា ការ​ចរាចរ​អ្នក​ដំណើរ​កើនឡើង​១៣​ភាគរយ​ដល់​ជាង​ ៥,៧​ លាន​នាក់​ទូទាំង​ព្រលាន​យន្តហោះ​ធំៗ​បី​ កាលពី​ឆ្នាំ​២០១៤​។

របាយការណ៍​សរសេរ​ថា​៖ «​ប្រទេស​កម្ពុជា​ពេល​នេះ​ទទួល​បាន​កំណើន​អ្នក​ដំណើរ​រហូត​ដល់​ពីរ​ខ្ទង់​ក្នុង​រយៈពេល​ ៥​ ឆ្នាំ​ជាប់ៗ​គ្នា ដែល​គួរ​ឲ្យ​ចាប់​អារម្មណ៍ ប៉ុន្តែ​សមិទ្ធផល​ត្រូវ​បាន​គេ​ដឹង​តិចតួច​»​។

របាយការណ៍​បន្ត​ថា​៖ «​នៅពេល​នេះ​ការ​ធ្វើ​ចរាចរ​របស់​អ្នក​ដំណើរ​នៅក្នុង​ប្រទេស​កម្ពុជា​បាន​កើនឡើង​ ៤​ ដង​ចាប់​តាំងពី​ឆ្នាំ​ ២០០០ ហើយ​បាន​កើនឡើង​ជាង​ពីរ​ដង​ចាប់​តាំងពី​ឆ្នាំ ​២០០៩​»​។

កំណើន​លេខ​ពីរ​ខ្ទង់​ប្រកប​ដោយ​ស្ថិរភាព​របស់​កម្ពុជា​កំពុង​ត្រូវ​បាន​ជំរុញ​ដោយ​ទេសចរ​ចិន​ដែល​ក្នុង​រយៈពេល​៥​ឆ្នាំ​កន្លងមក​បាន​កើនឡើង​ជាង​ ៦០ ​ភាគរយ និង​បាន​ធ្វើឲ្យ​មាន​ក្រុមហ៊ុន​អាកាសចរ​ណ៍​ថ្មីៗ និង​ក្រុមហ៊ុន​អាកាសចរណ៍​ដែល​មាន​ស្រាប់​ឲ្យ​ចូល​មក​ក្នុង​ទីផ្សារ​កំពុង​កើនឡើង​នេះ​។

សមត្ថភាព​ដឹក​អ្នក​ដំណើរ​ទាំងអស់​រហូត​ដល់​៧៥​ភាគរយ​ក្នុង​ទិសដៅ​ហោះហើរ​រវាង​កម្ពុជា និង​ចិន ត្រូវ​បាន​គ្របដណ្តប់​ដោយ​វិនិយោគិន​របស់​ក្រុមហ៊ុន​អាកាសចរណ៍​ចិន​។

ជាក់ស្តែង​ក្រុមហ៊ុន​អាកាសចរណ៍ Sky Angkor Airlines បាន​ចាប់ផ្ដើម​ជើងហោះហើរ​រវាង​ក្រុង​ព្រះសីហនុ និង​ទីក្រុង Hang Zhou ប្រទេស​ចិន​នៅក្នុង​ខេត្ត Zhejiang កាល​ពី​ថ្ងៃ​ទី ​២២​ ខែ​មករា​។

ខណៈ​ខេត្ត​ សៀមរាប និង​ទីក្រុង​ភ្នំពេញ​ត្រូវ​បាន​គេ​មើល​ឃើញ​ថា ជា​ទិសដៅ​សក្តានុពល​សម្រាប់​ភ្ញៀវ​ទេសចរ​ចិន ក្រុមហ៊ុន​អាកាសចរណ៍ ​SAA ដែល​ជា​ការ​វិនិយោគ​រួម​រវាង​អ្នកវិនិយោគ​កម្ពុជា និង​កូរ៉េ​នឹង​ក្លាយ​ជា​ក្រុមហ៊ុន​អាកាសចរណ៍​លើក​ដំបូង​ដែល​ហោះហើរ​សាកល្បង​ផ្លូវហោះហើរ​ក្រុង​ព្រះសីហនុ​ប្រទេស​ ចិន​។

ក្រុមហ៊ុន​អាកាសចរណ៍ SAA បាន​ចាប់ផ្តើម​ដំណើរការ​ជើងហោះហើរ​លើក​ដំបូង​ពី​ទីក្រុង​ ហាងចូវ (Hangzhou) នៃ​ខេត្ត​ហ្សេនជាំង (zhejiang) ប្រទេស​ចិន​មក​កាន់​ខេត្ត​ព្រះសីហនុ​កាលពី​ថ្ងៃ​ព្រហស្បតិ៍​សប្តាហ៍​មុន​។

បើ​យោងតាម​របាយការណ៍​របស់​ក្រុមហ៊ុន​អាកាសយានដ្ឋាន​កម្ពុជា កាលពី​ឆ្នាំ​២០១៤ អាកាសយានដ្ឋាន​អន្តរជាតិ​សីហនុ ទទួល​បាន អ្នក​ដំណើរ​ឆ្លងកាត់​ជាង​ ៤៣ ០០០ នាក់ កើន​២​ដង​បើ​ធៀប​នឹង​តួលេខ ​កាលពី​ឆ្នាំ​២០១៣​។

លោក ខែក នរិនដា ប្រធាន​ផ្នែក​ទំនាក់ទំនង​សាធារណៈ​នៃ​ព្រលាន​យន្តហោះ​អន្តរជាតិ​ភ្នំពេញ​បាន​ថ្លែង​កាលពី​ម្សិលមិញ​ថា៖​ «វា​មាន​តម្រូវការ​ជា​ចាំបាច់​ក្នុង​ការ​បង្កើន​គម្រោង​អភិវឌ្ឍន៍​ហេដ្ឋារចនាសម្ព័ន្ធ​បន្ថែម​ទៀត​នៅ​ខេត្ត​ព្រះសីហនុ និង​បន្ត​ផ្សព្វផ្សាយ​គោលដៅ​ទេសចរណ៍​មួយ​នេះ»៕PB

អត្ថបទគួរចាប់អារម្មណ៍