.jpg)
ធនាគារ អេស ប៊ី អាយ លី ហួរ ម.ក គឺជាការវិនិយោគទុនរួមគ្នារវាងក្រុមហ៊ុន លីហួរ គ្រុប និងក្រុមហ៊ុន អេស ប៊ី អាយ ហូលឌីង កាលពីថ្ងៃទី ៣ ខែមីនា ឆ្នាំ ២០២១ បានបើកសាខាថ្មីជាផ្លូវការ ដែលស្ថិតនៅក្នុងតំបន់ពាណិជ្ជកម្ម ដោយបានចំណាយពេលប្រមាណជាង ៥ ខែក្នុងការរចនាអគារនេះឡើង។ អគារសា្នក់ការសាខាចំការមនថ្មីនេះគឺស្ថិតនៅលើអគារលេខ ១១៨ មហាវិថីព្រះនរោត្តម សង្កាត់ទន្លេបាសាក់ ខណ្ឌចំការមន រាជធានីភ្នំពេញ។
ធនាគារ អេស ប៊ី អាយ លី ហួរ ម.ក គឺជាធនាគារពាណិជ្ជមួយក្នុងចំណោមធនាគារដែលមានការវិវត្តលឿនបំផុតនៅក្នុងព្រះរាជាណាចក្រកម្ពុជាបានបើកបម្រើសេវាកម្មហិរញ្ញវត្ថុជូនអតិថិជន បន្ទាប់ពីទទួលបានអាជ្ញាប័ណ្ណពីធនាគារជាតិនៃកម្ពុជាកាលពីខែមីនា ឆ្នាំ ២០២០។
បើទោះបីជាទទួលរងនូវផលប៉ះពាល់ជាសកលពីជំងឺឆ្លងកូវីដ១៩យ៉ាងណាក្តី ក៏ធនាគារ អេស ប៊ី អាយ លី ហួរ ម.ក នៅតែបន្តរីកចម្រើនទៅមុខ ស្របទៅតាមតម្រូវការរបស់ប្រជាពលរដ្ឋទាំងនៅក្នុងតំបន់ទីប្រជុំជន និងតំបន់ជនបទ ដែលមានប្រាក់ចំណូលទាប និងមធ្យម។ ដោយគិតមកត្រឹមចុងខែកុម្ភៈ ឆ្នាំ ២០២១ ធនាគារ អេស ប៊ី អាយ លី ហួរ ម.ក បានផ្តល់ការងារជូនដល់ប្រជាពលរដ្ឋកម្ពុជាមានចំនួនជាង ១ ៥០០ កន្លែង គ្របដណ្តប់ ២៥ ខេត្ត/ក្រុង រាជធានី តាមរយៈសាខាទាំង ៤៥។
លើសពីនេះទៅទៀត ធនាគារអេស ប៊ី អាយ លី ហួរ ម.ក នឹងខិតខំស្វែងរកប្រភពទុនទាំងនៅក្រៅស្រុក និងក្នុងស្រុក ដើម្បីផ្តល់សេវាកម្មផ្នែកហិរញ្ញវត្ថុល្អបំផុតជូនដល់ប្រជាពលរដ្ឋក៏ដូចជាទាក់ទាញការវិនិយោគរយៈពេលយូរអង្វែង ក្នុងការលើកកម្ពស់វិស័យសេដ្ឋកិច្ច និងស្ថិរភាពនយោបាយ សម្រាប់ព្រះរាជាណាចក្រកម្ពុជា។
ជាមួយបទពិសោធធនាគារ និងសេវាកម្មបម្រើអតិថិជនជាង ២០ ឆ្នាំ លើការដឹកនាំក្រុមការងារផ្នែកលក់ និងប្រតិបត្តិការធនាគារ លោកស្រី ហ៊ាង បូតេ ដែលជាប្រធានសាខា ចំការមន បានលើកឡើងថា សាខាធនាគារបែបឌីជីថល និងធនាគារដែលឈានមុខគេបានត្រៀមខ្លួនរួចជាស្រេចដើម្បីបម្រើអតិថិជន ហើយប្រធានសាខានឹងផ្តល់នូវដំណោះស្រាយល្អបំផុតនៃសេវាកម្មហិរញ្ញវត្ថុ៕
សម្រាប់សេវាកម្មលម្អិតសូមទំនាក់ទំនង៖
លោកស្រី ហ៊ាង បូតេ ប្រធានសាខា
ទូរស័ព្ទៈ ០១២ ៦០០ ៤៣៣ / ០១៥ ៨៨៥ ១២៤
អ៊ីម៉ែលៈ beaute.heang@sbilhbank.com.kh
សាខាចំការមន
អគារលេខ ១១៨ មហាវិថីព្រះនរោត្តម សង្កាត់ទន្លេបាសាក់ ខណ្ឌចំការមន រាជធានីភ្នំពេញ។
ទូរស័ព្ទ: +855 23 980 888 / អ៊ីម៉ែល: info@sbilhbank.com.kh
