The Phnom Penh Post Search

Search form




Logo of Phnom Penh Post newspaper Phnom Penh Post - ធនាគារ ABA ដាក់​ឲ្យ​ដំណើរ​ការ​សេវា​ PayWay ដើម្បី​ពង្រីក​អាជីវកម្ម​តាម​អនឡាញ​ក្នុង​ប្រទេស​កម្ពុជា

ធនាគារ ABA ដាក់​ឲ្យ​ដំណើរ​ការ​សេវា​ PayWay ដើម្បី​ពង្រីក​អាជីវកម្ម​តាម​អនឡាញ​ក្នុង​ប្រទេស​កម្ពុជា

Content image - Phnom Penh Post

ធនាគារ ABA ដាក់​ឲ្យ​ដំណើរ​ការ​សេវា​ PayWay ដើម្បី​ពង្រីក​អាជីវកម្ម​តាម​អនឡាញ​ក្នុង​ប្រទេស​កម្ពុជា

ធនាគារ ABA សមាជិក​ពេញ​សិទ្ធិ​នៃ​សម្ព័ន្ធ​ធនាគារ​ជាតិ​កាណាដា​បាន​ដាក់​ឲ្យ​ដំណើរ​ការ​មធ្យោ​បាយ​ទូទាត់​តាម​​អន​ឡាញ​ដ៏​ទំនើប ដើម្បី​ជា​ជំនួយ​និង​ផ្ដល់​ភាព​ងាយ​ស្រួល​ដល់​ម្ចាស់​អាជីវ​កម្ម​ទាំង​អស់។ សេវា​កម្ម​ថ្មី​មាន​ឈ្មោះ​ថា PayWay។

ដោយ​ត្រូវ​បាន​បង្កើត​ឡើង​សម្រាប់​តម្រូវ​ការ​របស់​អាជីវ​កម្ម​ក្នុង​ស្រុក​ សេវា PayWay ផ្តល់​សុវត្ថិភាព, ងាយ​ស្រួល​ដំឡើង​ជា​មួយ​វិបសាយ​ ឬ​ប្រព័ន្ធ​លក់​ដូរ​របស់​អតិថិជន និង​ងាយ​ស្រួល​ក្នុង​ការ​ប្រើ​ប្រាស់ ដែល​ជួយ​សម្រួល​យ៉ាង​ច្រើន​ដល់​ម្ចាស់​អាជីវ​កម្ម​ក្នុង​ការ​លក់​ដូរ​ផលិត​ផល ឬ​សេវា​កម្ម​នានា​តាម​អនឡាញ និង​ការ​ទទួល​បាន​ការ​ទូទាត់ភ្លាមៗ។ 

បច្ចុប្បន្ន​នេះ សេវា PayWay អនុញ្ញាត​ឲ្យ​អាជីវករ​កម្ពុជា​ទទួល​យក​ការទូទាត់​តាម​រយៈ ម៉ាស្ទ័រកាត​ ឬកាត​វីសា​ដោយ​ផ្ទាល់​ចូល​ទៅ​កាន់​គណនី​ធនាគារ​ផ្ទាល់​តែ​ម្តង។ នា​ពេល​អនាគត​ខាង​មុខ យើង​នឹង​បង្កើន​ជម្រើស​បន្ថែម​សម្រាប់​ទម្រង់​នៃ​ការ​ទូទាត់។

សេវា​ថ្មី​នេះ​ផ្តល់​អត្រាតម្លៃ​ជា​ទី​ពេញ​ចិត្ត និង​ក្លាយ​ជា​ជម្រើស​ដ៏​ប្រសើរ​បំផុត​សម្រាប់​ប្រភេទ​អាជីវកម្ម​នានា​ដូច​ជាសណ្ឋាគារ,​ ហាង​លក់​ទំនិញ​តាម​អនឡាញ, សេវា​ដឹក​ជញ្ជូន​អាហារ, សេវាកម្ម​ធ្វើ​ដំណើរ​តាម​អនឡាញ, ភោជនីយដ្ឋាន, រោង​កុន​ ​និង​អាជីវកម្ម​ដទៃ​ទៀត។

ការ​ដាក់​ឲ្យ​ដំណើរ​ការ​សេវា PayWay នេះ​ស្រប​នឹង​យុទ្ធ​សាស្រ្ត​របស់​ធនាគារ ABA ដែល​ប្តេជ្ញា​ផ្តល់ជូន​ដំណោះ​ស្រាយ​ហិរញ្ញ​វត្ថុដ៏ទំនើប​បំផុត ដែល​សម​ស្រប​តាម​កំណើន​នៃ​ភាពរីក​ចម្រើន​នៃ​ពាណិជ្ជ​កម្ម​តាម​អន​ឡាញ​ក្នុង​ប្រទេស​កម្ពុជា។

លោក Zokhir Rasulov នាយក​ផ្នែក​ធនាគារ​ឌីជីថល​របស់​ធនាគារ ABA បាន​មាន​ប្រសាសន៍​ថា៖ “នៅ​ធនាគារ ABA យើង​តែង​តែ​សង្កេតមើលលើ​បរិបទ​ផ្លាស់​ប្តូរ​របស់​ទីផ្សារ​ក្នុង​ស្រុក។ ដោយ​កំណើន​នៃការ​ប្រើ​ប្រាស់អ៊ីនធឺណិត និង​ការ​និយម​ប្រើ​ប្រាស់​សម្ភារៈអេឡិច​ត្រូនិច​មាន​ការ​កើន​ឡើង ធ្វើ​ឲ្យ​ទម្លាប់នៃការ​ទិញ​ទំនិញ​ក៏​មាន​ការ​ផ្លាស់ ប្តូរ​ដែរ។

ដូច្នេះ​ហើយ​យើង​បាន​អភិវឌ្ឍ​ និង​ដាក់ឲ្យ​ដំណើរ​ការ​សេវា PayWay នេះ​ឡើង​ដើម្បី​ជា​ដំណោះ​ស្រាយ​ឆ្លើយ​តប​ទៅ​នឹង​ការ​កើន​ឡើងនៃ ​ពាណិជ្ជ​កម្ម​តាម​អនឡាញ​នៅ​ក្នុង​ទីផ្សារ​និង​ជួយ​សម្រួល​ដល់​ការ​ទូទាត់​នៃ ប្រភេទ​ពាណិជ្ជកម្ម​ទាំង​នេះ។

លោក​ក៏បាន​បន្ថែម​ទៀត​ថា៖ “សេវា PayWay ផ្តល់ ជូន​នូវបទ​ពិសោធ​នៃ​ជម្រើស​ទូទាត់​ដែល​មាន​ភាព​ងាយ​ស្រួល​ហើយ​ងាយ​បំផុត​ក្នុង​ការ​សហការ​ជា​មួយ​នឹង​វិប​សាយ​ដែល​មាន​ស្រាប់​របស់​ពាណិជ្ជករ ឬ​ក៏​កម្មវិធី​ទូរស័ព្ទ​សម្រាប់​ប្រតិបត្តិការ iOS ឬក៏ Android។”

ជាមួយ PayWay ដែល​ជា​មធ្យោបាយ​ទូទាត់​ដ៏​ទំនើប​ឈាន​មុខ​គេ​ ម្ចាស់​អាជីវកម្ម​​​នឹង​ទទួល​បាន​ព័ត៌​មាន​គ្រប់​ពេល​វេលា​ពី​រាល់​ប្រតិបត្តិការ​លក់​ដូរ​នៅក្នុង​វិបសាយ​ឬ​កម្ម​វិធី​ទូរស័ព្ទ​ដៃ​របស់​ពួក​គាត់ ហើយ​ពួក​គាត់​ក៏​អាច​ធ្វើ​ប្រតិបត្តិការ​ផ្សេងៗ​ជា​ច្រើន​ទៀត ពី​គ្រប់​ទី​កន្លែង និង​គ្រប់​ពេល​វេលា​តាម​រយៈ​កុំព្យូទ័រ ឬ​ទូរស័ព្ទ​ដៃ​របស់​ខ្លួន​បាន​ផង​ដែរ ឲ្យតែមានភ្ជាប់សេវា​អ៊ីន​ធឺណិត។

សម្រាប់​ព័ត៌មាន​បន្ថែម​អំពី​ទម្រង់​បែប​បទ​នៃ​មធ្យោបាយ​ទូទាត់ PayWay សូម​ចូល​ទៅ​កាន់​វិបសាយ​ផ្លូវ​ការ​របស់​យើង payway.ababank.com

អំពីធនាគារABA 
ធនាគារ​ ABA គឺជា​គ្រឹះស្ថាន​ហិរញ្ញវត្ថុ​ឈានមុខ​គេ​មួយ​ក្នុង​ចំណោម​គ្រឹះស្ថាន​ហិរញ្ញវត្ថុ​ដទៃ​ទៀត​ដែល​ត្រូវ​បាន​បង្កើត​ឡើងនៅ​កម្ពុជា ក្នុង​ឆ្នាំ​1996 មានឈ្មោះ​ថា​ធនាគារ​វឌ្ឍនៈ​អាស៊ី​ចំកាត់។

បច្ចុប្បន្ន​នេះ ធនាគារ ABA ផ្តល់​នូវ​វិសាល​គម​នៃ​សេវាកម្ម​ជូន​អតិថិជន​ដូច​ជា អាជីវកម្ម​ខ្នាត​តូច និង​មធ្យម មីក្រូអាជីវកម្ម និង​បុគ្គល។ ដោយ​មាន​សាខា​សរុប 49 ម៉ាស៊ីន​ដាក់​សាច់ប្រាក់ 62 និង​ទូ​អេ​ធី​អឹ​ម 187 (​គិត​ត្រឹម​ថ្ងៃ​ទី 1 ខែកក្កដា ឆ្នាំ 2017) ធនាគារ ABA ផ្តល់​ជូន​អតិថិជន​នូវ​ដំណោះស្រាយ​ហិរញ្ញវត្ថុ​ដ៏​ទំនើប និង​សេវា​ធនាគារ​បែប​ឌីជីថល​ឈានមុខ​គេ។ គិត​ត្រឹម​ថ្ងៃ​ទី​30 ខែមិថុនា ឆ្នាំ​2017 ធនាគារ ABA មានទ្រព្យ​សកម្ម​សរុប​ចំនួន 1.33 ពាន់​លាន​ដុល្លារ ដែល​ធ្វើ​ឲ្យ ABA ក្លាយជា​ធនាគារ​ធំ​ឈរ​លេខ​រៀង​ទី​4 ក្នុង​ប្រទេស​កម្ពុជា។

ភាគ​ហ៊ុ​និក​ដ៏​ធំ​របស់​ ABA គឺ​ធនាគារជាតិ​កា​ណា​ដា​​ (www.nbc.ca)​ ដែល​ជា​ធនាគារ​ធំ​ទី​ 6 ក្នុង​ប្រទេស​កា​ណា​ដា​មាន​ទីតាំង​ក្នុង​ទីក្រុង​កេ​បិ​ច​ ស្ថិតជា​ជម្រើស​ដ៏​ប្រសើរ​បំផុត​របស់​ដៃគូ​អាជីវកម្ម​ខ្នាត​តូច និង​មធ្យម។

អត្ថបទគួរចាប់អារម្មណ៍