The Phnom Penh Post Search

Search form




Logo of Phnom Penh Post newspaper Phnom Penh Post - នាយករដ្ឋមន្ត្រី​កាណាដា​ ច្រានចោល​ការចោទប្រកាន់​ករណី​អាលុយមីញ៉ូម

នាយករដ្ឋមន្ត្រី​កាណាដា​ ច្រានចោល​ការចោទប្រកាន់​ករណី​អាលុយមីញ៉ូម

Content image - Phnom Penh Post
លោក Trudeau ថ្លែង​ក្នុង​វេទិកា​មួយ​កាលពី​ខែ​វិច្ឆិកា​។ រូបថត AFP

នាយករដ្ឋមន្ត្រី​កាណាដា​ ច្រានចោល​ការចោទប្រកាន់​ករណី​អាលុយមីញ៉ូម

ក្រុងអូតាវ៉ាៈ លោក Justin Trudeau នាយករដ្ឋមន្ដ្រី​ប្រទេស​ កាណាដា កាលពី​ថ្ងៃ​ពុធ​បាន​បដិសេធ​ការចោទ​ប្រកាន់ថា លោក​បាន​លះបង់​ឧស្សាហកម្ម​អាលុយមីញ៉ូម​របស់​ប្រទេស​កាណាដា ដើម្បី​សម្រេចបាន​កិច្ចព្រមព្រៀង​ពាណិជ្ជកម្ម​សេរី​អាមេរិក​ខាងជើង​ថ្មី​មួយ​។

កិច្ចព្រមព្រៀង​ថ្មី​នេះ​ដែល​បាន​ចុះហត្ថលេខា​កាលពី​ថ្ងៃ​អង្គារ​នៅ​ទីក្រុង​ម៉ិកស៊ិក​ចែង​ថា ៧០ ​ភាគរយ​នៃ​ដែកថែប និង​អាលុយមីញ៉ូម​ដែល​ប្រើប្រាស់​ក្នុង​រថយន្ត​នៅ​អាមេរិក​ខាងជើង​ត្រូវតែ​ផលិត​នៅក្នុង​ប្រទេស​​ កាណាដា អាមេរិក ឬ​ម៉ិកស៊ិក​។

កិច្ចព្រមព្រៀង​អាមេរិក ម៉ិកស៊ិក កាណាដា (USMCA) ដែល​កែសម្រួល​នេះ​បញ្ជាក់ថា ដែកថែប​នោះ​ត្រូវតែ​ជា​ដែក​ដែល​ត្រូវបាន​រំលាយ​នៅ​អាមេរិកខាងជើង​។

ប៉ុន្តែ​នោះ​មិនមែន​ជា​ករណី​សម្រាប់​អាលុយមីញ៉ូម​នោះទេ ដែល​អាច​បើកចំហ​ទ្វារ​ដើម្បី​ការប្រើប្រាស់​ដែក​របស់​ប្រទេស​ចិន​ដែល​កែច្នៃ​ឡើងវិញ​នៅ​ប្រទេស​ម៉ិកស៊ិក​។ នេះ​បើ​យោង​តាម​ឧស្សាហកម្ម​ប្រទេស​កាណាដា និង​អ្នកប្រឆាំង​មួយចំនួន​នៅ​ក្រុង​អូតាវ៉ា​។

កិច្ចព្រមព្រៀង​ថ្មី​នេះ​បញ្ជាក់ថា លក្ខខណ្ឌ​តម្រូវ​សម្រាប់​អាលុយមីញ៉ូម​នឹង​ត្រូវបាន​ពិចារណា​ក្នុង​ពេល ១០ ​ឆ្នាំ​ក្រោយ​។

លោក Yves-Francois Blanchet មេដឹកនាំ​គណបក្ស​ឯករាជ្យ Bloc Quebecois នៅ​សភា បាន​រិះគន់​លោក Trudeau ពីបទ​យល់ព្រម​ចំពោះ​លក្ខខណ្ឌ​នេះ ដោយ​ថ្លែងថា «​រយៈពេល​ ១០ ​ឆ្នាំ​ក្រោយ​ប្រទេស​កាណាដា​ត្រូវ​បាន​ហាមឃាត់​មិន​ឲ្យ​ការពារ​អាលុយមីញ៉ូម ដូច​ដែកថែប​ដែរ​»​។

ប៉ុន្តែ​លោក Trudeau បាន​ប្រាប់​តំណាងរាស្ដ្រ​ថា​៖ «​កិច្ចព្រមព្រៀង​ថ្មី​នេះ​តំណាង​ឲ្យ​ផលចំណេញ​សម្រាប់​កម្មករ​ក្នុង​វិស័យ​អាលុយមីញ៉ូម​» ​ដោយសារ​លក្ខខណ្ឌ​តម្រូវ​អាលុយមីញ៉ូម​ក្នុង​ស្រុក ៧០ ​ភាគរយ​ មិនត្រូវ​បានផ្ដល់​សិទ្ធិអំណាច​នៅ​ឡើយ​ក្នុង​កិច្ចព្រមព្រៀង NAFTA ឆ្នាំ​ ១៩៩៤ ដែល​ត្រូវបាន​ជំនួស​ដោយ​កិច្ចព្រមព្រៀង USMCA នេះ​។

លោក​បាន​កត់សម្គាល់​ថា រដ្ឋាភិបាល​របស់​លោក​កាលពី​ខែ​ឧសភា​បាន​ចរចា​ការលុបចោល​ពន្ធ​នាំចូល​ពិន័យ​ដែល​លោក​ប្រធានាធិបតី​អាមេរិក​បាន​ដាក់​លើ​អាលុយមីញ៉ូម​របស់​កាណាដា និង​ម៉ិកស៊ិក​។

កាណាដា​ជា​ប្រទេស​ផ្គត់ផ្គង់​អាលុយមីញ៉ូម​ឈានមុខ​គេ​ដល់​អាមេរិក ហើយ​រោងចក្រ​ ៨ ​ក្នុង​ចំណោម​រោងចក្រ​ផលិត​អាលុយមីញ៉ូម ៩ មាន​មូលដ្ឋាន​នៅ​ទីក្រុង Quebec​។

ឧស្សាហកម្ម​អាលុយមីញ៉ូម​នេះ​ក៏​ជំទាស់​នឹង​ច្បាប់ពាណិជ្ជកម្ម​ថ្មី​នេះ​ផងដែរ​៕ LA

អត្ថបទគួរចាប់អារម្មណ៍

  • ជនជាតិ​ភាគតិច និង​សង្គម​ស៊ីវិល​ប្ដឹង​ជំទប់​ឃុំ និង​អភិបាលរង​ខេត្ត ​រឿង​ចេញ​បណ្ណ​សម្គាល់​ដី​ជាន់​លើ​ដី​ព្រៃ

    មណ្ឌលគិរី: ពលរដ្ឋ​សហគមន៍​ជនជាតិ​ដើម​ភាគតិច និង​សង្គម​ស៊ីវិល​ចំនួន ៦ ​នាក់​ បាន​ដាក់​ពាក្យបណ្ដឹង​ចំនួន ២ ​ដាច់​ ដោយឡែក​ពី​គ្នា​ប្ដឹង​មនុស្ស ៤ ​នាក់ ​ទៅ​តុលាការខេត្ត​ក្នុង​នោះ​មាន​ជំទប់​ទី​ ១ ​ឃុំ​ប៊ូស្រា​ម្នាក់ និង​អភិបាលរង​ខេត្តមណ្ឌលគិរី​ម្នាក់​ដោយ​ចោទ​ពាក់ព័ន្ធ​ការចេញ​បណ្ណ​សម្គាល់​ម្ចាស់​ដីធ្លី​ជាន់​លើដី​គម្រប​ព្រៃឈើ និង​បទ​ចោទ​ពាក់ព័ន្ធ​លួច​គាស់​យក​ថ្ម​ធម្មជាតិ​

  • កាណាដា​ពិន័យ VW ១៥០ ​លាន​ដុល្លារ

    ក្រុងតូរ៉ុនតូៈ តុលាការ​ក្នុង​ទីក្រុង​តូរ៉ុនតូ​កាលពី​ថ្ងៃ​ពុធ​បាន​បញ្ជា​ឲ្យ​ក្រុមហ៊ុន Volkswagen (VW) បង់ប្រាក់​ពិន័យ ១៩៦,៥ លាន​ដុល្លារ​កាណាដា (១៥០ ​លាន​ដុល្លារ​អាមេរិក​) បន្ទាប់ពី​ក្រុមហ៊ុន​ផលិត​រថយន្ត​មួយ​នេះ​បាន​សារភាព​កំហុស​ចំពោះ​ការរំលោភច្បាប់​បរិស្ថាន​ក្នុង​រឿងអាស្រូវ​បោក​បន្លំ​ការបញ្ចេញ​កាបូន​។

  • សហជីព​បារាំង​​ព្យាយាម​បន្ត​ការ​តវ៉ា​ប្រឆាំង​ការ​កែ​ទម្រង់​ប្រាក់​សោធននិវត្តន៍​​ ដើម្បី​ដាក់​សម្ពាធ​លើ​រដ្ឋាភិបាល​​

    ក្រុង​ប៉ារីស៖ ក្រុម​សហជីព​បារាំង​កាល​ពី​ថ្ងៃ​ពុធ​ បាន​បន្ត​ធ្វើ​​កូដកម្ម​ជា​ច្រើន​ ដោយ​​មាន​​បំណង​បង្កើន​សម្ពាធ​​​​ទៅ​លើ​រដ្ឋាភិបាល​មុន​នឹង​រដ្ឋាភិបាល​នេះ​ ធ្វើ​ការ​បង្ហាញ​ការ​កែ​ទម្រង់​ប្រាក់​សោធននិវត្តន៍​ចុង​ក្រោយ ​ដែល​បាន​​​ជំរុញ​ឲ្យ​មាន​ការ​តវ៉ា​ពី​បញ្ហា​ការងារ​ធំ​បំផុត​នៅ​បារាំង​ជា​ច្រើន​ទសវត្សរ៍​នោះ​​។ ​

  • លាភ ​រដ្ឋា ​និង ​ផាន់ ​គ្រាន់ ​ប៉ះ​ថៃ​ចំណូល​ថ្មី​

    ភ្នំពេញ៖ ​អ្នក​លេង​កណ្តាប់​ដៃ​របស់​កម្ពុជា​ចំនួន ​២ ​នាក់ គឺ ​លាភ ​រដ្ឋា និង​ ផាន់ ​គ្រាន់​ ​នឹង​​ត្រូវ​បង្ហាញ​ខ្លួន​រួមគ្នា នៅ​​លើ​សង្វៀន​ SEATV នា​រសៀល​ថ្ងៃ​សៅរ៍​ស្អែក​នេះ ​ដោយ​ពួក​គេ​ត្រូវ​ជួប​ជាមួយ​​កីឡាករ​ថៃ​​ចំណូល​ថ្មី​ មិន​ធ្លាប់​មក​ប្រកួត​ក្នុង​សង្វៀន​នៅ​​ប្រទេស ​កម្ពុជា ​នោះ​ទេ​​។