The Phnom Penh Post Search

Search form

Logo of Phnom Penh Post newspaper Phnom Penh Post - នាំចេញ​កៅស៊ូ​កើន​៣២%

នាំចេញ​កៅស៊ូ​កើន​៣២%

នាំចេញ​កៅស៊ូ​កើន​៣២%

ភ្នំពេញៈ ​ការ​នាំ​ចេញ​កៅ​ស៊ូ​ក្រែប​របស់​កម្ពុជា​ទៅ​កាន់​ទីផ្សារ​ពិភព​លោក​​នៅ​​​ឆមាស​ទី​១ ​ឆ្នាំ​២០១៣ ​បាន​កើន​ឡើង​ជិត​​៣២​ភាគ​​​រយ​ បើ​​ធៀប​​​រយៈ​ពេល​ដូច​គ្នា​កាល​ពីឆ្នាំ​២០១២​។ ​

​តួលេខ​នាំ​ចេញ​នាំ​ចូល​របស់​ក្រសួង​ពាណិជ្ជ​កម្ម​​​បាន​បង្ហាញ​ ថា​ ការ​នំា​ចេញ​កៅ​ស៊ូ​ក្រែប​មាន ​​២៩​ ៧៩៩​,២២​ ​​តោន​ក្នុង​រយៈ​ពេល​កន្លះ​ឆ្នាំ​ ដោយ​មាន​កំណើន​ ៣១,​៧៥​​ ភាគ​រយ​ ធៀប​នៅ​នឹង​ ៦ខែ​​ ​ឆ្នាំ​ ២០១២​។

តួលេ​ខ​នោះ​ក៏​បាន​បង្ហាញ​ពី​កំ​ណើន​​ដ៏​ស្តួច​ស្តើង​នៃ​ចំណូល​បាន​មក​​ពី​​ការ​លក់​​ជ័រកៅស៊ូ​​ ដោយ​មាន​​កំណើន​ជិត​​៤​ភាគ​រយ​​​​ពី​៧៣ ​៥៨០ ​១២៨ ​ដុល្លារ​ដល់ ​៧៦ ​៤៨៤ ​៦០១​ ​​​ដុល្លារ​។

អ្នក​នាំ​ចេញ​កៅ​ស៊ូ​ ​​និយាយ​ថា ​តម្រូវ​ការ​​កៅស៊ូ​នៅ​ទីផ្សារ​ពិភព​លោក​នៅ​តែ​​មាន​សញ្ញា​វិជ្ជ​មាន។

លោក ​ហេង ​ស្រេង​ អគ្គ​នាយក​ក្រុម​ហ៊ុន​ឡុង​ស្រេង​អន្តរ​ជាតិ ​និង​​ជា​ម្ចាស់​នៃ​ចម្ការ​​កៅ​ស៊ូ​​បឹង​កេត​នៅ​ខេត្ត​កំពង់​ចាម ​បាន​និយាយ​ថា​ មូល​ហេតុ​នៃ​ការ​​កើន​ឡើង​​ការ​នាំ​ចេញ​កៅ​ស៊ូ​កើត​ចេញ​ពី​​សម​ត្ថ-​ភាព​​​​ផលិត​​កម្ម​កៅ​ស៊ូ ​និង​សមត្ថភាព​​​កែ​ច្នៃ​​បាន​កើន​ឡើង​នៅ​ប្រទេស​​​​កម្ពុជា​។ ​

លោក​បន្ត​​ថា៖​ «​យើង​​ឃើញ​​ដើម​កៅ​ស៊ូ​​កាន់​តែ​ច្រើន​​ដល់​ពេល​ចៀរ​ជ័រ​។ ​ក្នុង​ពេល​នេះ​​តម្រូវ​ការ​កៅ​ស៊ូច្រើ​នណា​ស់​ សូម្បី​​រោង​ចក្រ​របស់ខ្ញុំ​រកកៅ​ស៊ូ​លក់​គ្មាន​ផង​​»។

មក​ដល់​ដំណាច់​ឆ្នាំ​ ២០១២ ​កម្ពុជា​​មាន​ផ្ទៃ​ដី​ដាំ​ដុះ​កៅស៊ូ​កើន​​ដល់ ​​២៨០ ៣៥៥ ​ហិក​តា​ ​គឺ​កើន​ឡើង​ ៣១,៥ ​ភាគ​រយ ​បើ​ធៀប​នឹង​ឆ្នាំ​២០១១៕

អត្ថបទគួរចាប់អារម្មណ៍