The Phnom Penh Post Search

Search form




Logo of Phnom Penh Post newspaper Phnom Penh Post - និស្សិត​កម្ពុជា​ពីរ​នាក់​ជាប់​ចំណាត់​ថ្នាក់​លេខ ២​ នៅ​ក្នុង​ការ​ប្រកួត​ភាគ​ហ៊ុន​

និស្សិត​កម្ពុជា​ពីរ​នាក់​ជាប់​ចំណាត់​ថ្នាក់​លេខ ២​ នៅ​ក្នុង​ការ​ប្រកួត​ភាគ​ហ៊ុន​

និស្សិត​កម្ពុជា​ពីរ​នាក់​ជាប់​ចំណាត់​ថ្នាក់​លេខ ២​ នៅ​ក្នុង​ការ​ប្រកួត​ភាគ​ហ៊ុន​

ភ្នំពេញៈ និស្សិត​កម្ពុជា​ពីរ​រូប​បាន​ជាប់​ចំ​ណាត់​ថ្នាក់​លេខ ២​ នៅ​ក្នុង​ការ​ប្រកួត​ប្រជែង​ផ្ដាច់ព្រ័ត្រ​អំពី​ការ​ជួញដូរ​ភាគ​ហ៊ុន​អាស៊ី​អាគ្នេយ៍។​

ការ​បញ្ចប់​នៃ​ការ​ប្រកួត​ប្រជែង​ជួញ ដូរ​ភាគហ៊ុន​អាស៊ាន​របស់​ធនាគារ​ CIMB​ Bank ត្រូវ​បាន​ធ្វើ​នៅ​ផ្សារ​ហ៊ុន​ថៃ​កាល​ពី​ម្សិល​មិញ​។​

ក្រុម​ «​Dark Rangers» ​បង្កើត​ឡើង​ដោយ​និស្សិត ឈីម ​លីម៉េង​ និង​និស្សិត កែក​ សុវណ្ណារ៉ុង ​មក​ពី​សាកល​វិទ្យាល័យ​ ហ្សាមែន ​បាន​ជាប់​ចំណាត់​ថ្នាក់​លេខ​ពីរ​ និង​បាន​ទទួល​ប្រាក់​រង្វាន់​ជា​សាច់​ប្រាក់​សុទ្ធ​៨​ពាន់​ដុល្លារ​។​

លោក ​ស៊ាង សុខ​លាង ​អ្នក​នាំ​ពាក្យ​ធនាគារ ​CIMB ​B​ank ​នៅ​កម្ពុជា​បាន​ថ្លែង​តាម​អ៊ី​មែល​ថា​៖ «​ពួក​គេ​បាន​ឈ្នះ​លើ​ក្រុម​មក​ពី​ប្រទេស​សិង្ហ​បុរី​ ឥណ្ឌូនេស៊ី ​និង​ថៃ បើ​ទោះ​បី​វា​ជា​លើក​ដំបូង​ដែល​កម្ពុជា​បាន​ចូលរួម​ក្នុង​ការ​ប្រកួត​ប្រជែង​នេះ​ក៏​ដោយ​ ហើយ​បើ​ទោះ​បី​ផ្សារ​ភាគហ៊ុន​កម្ពុជា​ជា​ទីផ្សារ​ថ្មី​ និង​មិន​សូវ​មាន​សកម្មភាព​ក៏ដោយ​»​។​

ការប្រកួត​ប្រជែង​ភាគហ៊ុន​របស់ ​CIMB A​SEAN ​គឺ​ជា​កម្មវិធី​គំរូ​(មិនមែន​ជា​កា​រជួញ​ដូរ​ភាគហ៊ុន​ពិត​ប្រាកដ​)​ក្នុង​ការ​ជួញដូរ​ភាគហ៊ុន​ឆ្លង​កាត់​ព្រំដែន​ដែល​ផ្ដល់​ឱកាស​ដល់​និស្សិត​ដើម្បី​ភ្នាល់​មូល​និធិ​មិន​ពិត​នៅ​លើ​ផ្សារ​មូលបត្រ​អាស៊ាន ​និង​ទី​ផ្សារ​ហិរញ្ញវត្ថុ​។​

លោក ​លី​ម៉េង​ និង សុវ​ណ្ណារ៉ុង ​បាន​យក​ឈ្នះ​លើ​៣១​ក្រុម​ដើម្បី​យក​ឈ្នះ​នៅ​ជុំ​ប្រកួត​ប្រជែង​ភាគ​ហ៊ុន​ថ្នាក់​ជាតិ​កម្ពុជា​កាល​ពីខែ​ធ្នូ​។ ​បេក្ខ​ជន​ពីរ​រូប​នេះ​បាន​ប្រែ​ក្លាយ​មូល​និធិ​ក្លែងក្លាយ​ចំនួ​ន​ ៨០ ០០០​ ដុល្លារ​អា​មេរិក​របស់​ពួក​គេ​ទៅ​ជា​ ១៥១ ០០០​ ដុល្លារ​ដែល​បង្កើន​មូល​ធន​បាន​៩០​ភាគ​រយ​។​

ប្រធាន​ក្រុម​ផ្នែក​ប្រតិបត្តិការ​ធនធាន​ CIMB ​Gro​up ឲ្យ​ដឹង​ថា​៖ «​វា​មិនមែន​ជា​ស្នាដៃ​ដ៏​ធំ​ទេ​ក្នុង​ការ​ក្លាយ​ជា​ជើង​ឯក​ថ្នាក់​ជាតិ​នោះ គឺ​មក​ពី​ជើង​ឯក​ប្រ​ចាំ​តំបន់​តិច​ពេក​»៕

អត្ថបទគួរចាប់អារម្មណ៍