ភ្នំពេញ៖ ទីភ្នាក់ងារអភិវឌ្ឍន៍បារាំង (AFD) បានផ្ដល់ជំនួយឥតសំណងចំនួន ៣០០ ០០០ អឺរ៉ូ ដល់ប្រទេសកម្ពុជា ក្នុងការធ្វើគំរូសេណារីយោផ្លាស់ប្តូរថាមពលរហូតដល់ឆ្នាំ ២០៥០។ នេះបើយោងតាមសេចក្ដីប្រកាសព័ត៌មានដែលបានចេញផ្សាយកាលពីថ្ងៃទី ១ ខែមេសា។
AFD បានគាំទ្រក្រសួងសេដ្ឋកិច្ច និងហិរញ្ញវត្ថុ (MEF) និងបណ្ដាក្រសួងមានសមត្ថកិច្ចផ្សេងទៀត ដើម្បីអភិវឌ្ឍឧបករណ៍គំរូដំណើរការថាមពលរយៈពេលវែង ដើម្បីប្រតិបត្តិការយុទ្ធសាស្ដ្រ វិភាគកម្រិតគោលនយោបាយគាំទ្រការធ្វើសេចក្ដីសម្រេចចិត្តនេះ និងការសន្ទនាគោលនយោបាយពហុភាគីពាក់ព័ន្ធនៅក្នុងវិស័យថាមពល។
បើយោងតាម AFD គម្រោងនេះត្រូវបានដាក់ឲ្យដំណើរការកាលពីខែមករា ឆ្នាំ ២០២១ ដោយមានការគាំទ្រពី 2050 Facility ដើម្បីគាំទ្រដំណើរការអភិវឌ្ឍកាបូនកម្រិតទាបរយៈពេលវែង ដែល AFD ផ្ដល់ហិរញ្ញប្បទានដល់កម្មវិធីមានឈ្មោះថា៖ «ឧបករណ៍គំរូវិស័យថាមពលសម្រាប់ក្រសួងសេដ្ឋកិច្ច និងហិរញ្ញវត្ថុ របស់រាជរដ្ឋាភិបាលកម្ពុជា»។
សេចក្ដីប្រកាសព័ត៌មាននេះបានឲ្យដឹងថា គម្រោងនេះនឹងអភិវឌ្ឍឧបករណ៍គំរូវិស័យថាមពលដែលមានមូលដ្ឋាន Excel អ្នកប្រើប្រាស់មិនប៉ះពាល់ដល់បរិស្ថានសមត្ថភាពនៃការប្រមូលផ្ដុំទិន្នន័យដែលមានស្រាប់ និងការសិក្សាក្នុងការផ្គត់ផ្គង់ថាមពលគំរូ និងល្បឿននៃតម្រូវការនៅក្នុងគ្រប់ប្រភេទថាមពលសំខាន់ៗ ដែលមានយ៉ាងហោចណាស់វិស័យប្រើប្រាស់ជាក់ស្ដែងចំនួន ១០។
សេចក្ដីប្រកាសព័ត៌មាននេះកត់សម្គាល់ថា ការរចនា និងគំរូសេណារីយោផ្លាស់ប្តូរថាមពលរយៈពេលវែងចំនួន ៤ រហូតដល់ឆ្នាំ ២០៥០ គឺ គោលនយោបាយបច្ចុប្បន្ន ការអភិវឌ្ឍចំណាយតិចតួច ការអភិវឌ្ឍប្រកបដោយស្ថិរភាព និងតុល្យភាព។
វាក៏ជាការអមដំណើរក្នុងការកៀរគរឧបករណ៍គំរូ និងការវិភាគសេណារីយោក្នុងការសម្រេចចិត្ត និងដំណើរការសន្ទនាគោលនយោបាយ តាមរយៈការបណ្ដុះបណ្ដាលបច្ចេកទេស និងការបង្កើនសមត្ថភាព ព្រមទាំងតាមរយៈកិច្ចប្រជុំក្រុមការងារពិគ្រោះយោបល់ និងការអភិវឌ្ឍអនុស្សរណៈគោលនយោបាយ។
វាបានកត់សម្គាល់ថា តាមរយៈ 2050 Facility AFD បានចុះកិច្ចព្រមព្រៀងអនុស្សរណៈនៃការយោគយល់ (MoU) ជាមួយនាយកដ្ឋានគោលនយោបាយរបស់ក្រសួងសេដ្ឋកិច្ច និងហិរញ្ញវត្ថុកាលពីថ្ងៃទី ២៤ ខែកក្កដា ឆ្នាំ ២០២០។ សេដ្ឋកិច្ចកម្ពុជាភាគច្រើនជំរុញដោយវិស័យឧស្សាហកម្ម ដែលកំពុងរីកចម្រើនយ៉ាងរហ័ស ខណៈដែលជីវម៉ាស់នៅតែជាប្រភពថាមពលដ៏សំខាន់របស់ប្រទេសកម្ពុជា ដែលមានតម្រូវការសម្រាប់អគ្គិសនីកំពុងកើនឡើង ដែលក្រុមអ្នកវិភាគព្យាករកំណើនជាមធ្យមចំនួន ១៥ ភាគរយ ក្នុងមួយឆ្នាំរហូតដល់ឆ្នាំ ២០៤០៕LA