The Phnom Penh Post Search

Search form




Logo of Phnom Penh Post newspaper Phnom Penh Post - ប្រាក់ចំណូល​របស់​ក្រុមហ៊ុន Baidu ខ្ពស់ជាង​ការព្យាករ

ប្រាក់ចំណូល​របស់​ក្រុមហ៊ុន Baidu ខ្ពស់ជាង​ការព្យាករ

Content image - Phnom Penh Post
ស្រ្តីម្នាក់ដើរកាត់ការិយាល័យកណ្ដាល Baidu នៅទីក្រុងប៉េកាំង។ AFP

ប្រាក់ចំណូល​របស់​ក្រុមហ៊ុន Baidu ខ្ពស់ជាង​ការព្យាករ

ក្រុងស៊ាងហៃៈ ប្រាក់ចំណេញ​របស់​ក្រុមហ៊ុន Baidu ដែលជា​ក្រុមហ៊ុន​ម៉ាស៊ីន​រុករក​អ៊ីនធឺណិត​ប្រទេស​ចិន​មាន​ភាពល្អប្រសើរ​ជាង​ការរំពឹងទុក​នៅ​ត្រីមាស​ចុងក្រោយ ប៉ុន្តែ​នៅតែ​បង្ហាញ​ការខាតបង់​សុទ្ធ ភាគច្រើន​ដោយ​ការវិនិយោគ​មូលធន​ដែល​ដំណើរការ​មិនល្អ​។

ក្រុមហ៊ុន​អ៊ីនធឺណិត​នាំមុខគេ​ដែល​មាន​មូលដ្ឋាន​នៅ​ទីក្រុង​ប៉េកាំង​មួយ​នេះ​បាន​ឲ្យ​ដឹងថា ប្រាក់ចំណូល​សរុប​របស់​ខ្លួន​នៅ​ត្រីមាស​ទី​ ៣ គិត​ត្រឹម​ថ្ងៃទី​ ៣០ ខែ​កញ្ញា​ មាន​ចំនួន ២៨,១ ​ពាន់​លាន​យន់ (៤ ពាន់​លាន​ដុល្លារ​) ធ្លាក់​បន្តិច​ធៀប​នឹង​ឆ្នាំ​ ២០១៧ ប៉ុន្តែ​ខ្ពស់ជាង​ការព្យាករ​ដែលថា​មាន​ ២៧,៥ ​ពាន់​យន់ ​ក្នុង​ការស្ទង់មតិ​ក្នុង​ចំណោម​ក្រុមអ្នកវិភាគ​ដែល​ធ្វើឡើង​ដោយ​ទីភ្នាក់ងារ​ព័ត៌មាន Bloomberg​។

លទ្ធផល​នេះ​ត្រូវបាន​ប្រកាស​បន្ទាប់ពី​ទីផ្សារ​អាមេរិក​បាន​បិទ​ការជួញដូរ​ដែល​បណ្ដាល​ឲ្យ​តម្លៃ​ភាគហ៊ុន​របស់​ក្រុមហ៊ុន​ចុះបញ្ជី​នៅ​ផ្សារហ៊ុន Nasdaq មួយ​នេះ​កើនឡើង​ជាង​ ៦ ភាគរយ​​ នៅពេល​ក្រៅ​ម៉ោង​ការជួញដូរ​ធម្មតា​។

ក្រុមហ៊ុន​បាន​រាយការណ៍​ការខាតបង់​សុទ្ធ​ចំនួន ៦,៣៧ ពាន់​លានយន់​ ក្នុង​រយៈពេល​ ៣ ​ខែ​នេះ​ធៀប​នឹង​អំឡុងពេល​ដូចគ្នា​កាលពី​ឆ្នាំ​ ២០១៨ ដែល​ភាគច្រើន​ដោយសារ​ការខាតបង់​មិនមែន​សាច់ប្រាក់​» ដែលមាន​ចំនួន ៨,៩ ​ពាន់​លាន​យន់​ លើ​ការវិនិយោគ​ភាគហ៊ុន​។

ក្រុមហ៊ុន Baidu ជាធម្មតា​បាន​ពឹង​ផ្អែកលើ​ការផ្សព្វផ្សាយ​ពាណិជ្ជកម្ម​សម្រាប់​ប្រាក់ចំណូល​របស់​ខ្លួន​ភាគច្រើន​។

ប៉ុន្តែ​វិស័យ​ផ្សព្វផ្សាយ​ពាណិជ្ជកម្ម​មួយ​នេះ ងាយ​ទទួលរង​គ្រោះជា​ពិសេស​ដល់​ការធ្លាក់ចុះ​សេដ្ឋកិច្ច​ដូចជា​ការធ្លាក់​ដែល​ប្រទេស ​ចិន​ កំពុង​ទទួលរង​នៅពេល​បច្ចុប្បន្ន​ដែល​បង្កើន​ការបារម្ភ​សម្រាប់​ប្រាក់ចំណេញ​នៅពេល​អនាគត​របស់​ក្រុមហ៊ុន Baidu ។

ក្រុមហ៊ុន Baidu កំពុង​ព្យាយាម​ជំរុញ​ខ្លួន​ឲ្យ​ក្លាយ​ជា​អ្នក​នាំមុខគេ​ផ្នែក​បច្ចេកវិទ្យា​ទំនើប​៕ LA

អត្ថបទគួរចាប់អារម្មណ៍

  • ជនជាតិ​ភាគតិច និង​សង្គម​ស៊ីវិល​ប្ដឹង​ជំទប់​ឃុំ និង​អភិបាលរង​ខេត្ត ​រឿង​ចេញ​បណ្ណ​សម្គាល់​ដី​ជាន់​លើ​ដី​ព្រៃ

    មណ្ឌលគិរី: ពលរដ្ឋ​សហគមន៍​ជនជាតិ​ដើម​ភាគតិច និង​សង្គម​ស៊ីវិល​ចំនួន ៦ ​នាក់​ បាន​ដាក់​ពាក្យបណ្ដឹង​ចំនួន ២ ​ដាច់​ ដោយឡែក​ពី​គ្នា​ប្ដឹង​មនុស្ស ៤ ​នាក់ ​ទៅ​តុលាការខេត្ត​ក្នុង​នោះ​មាន​ជំទប់​ទី​ ១ ​ឃុំ​ប៊ូស្រា​ម្នាក់ និង​អភិបាលរង​ខេត្តមណ្ឌលគិរី​ម្នាក់​ដោយ​ចោទ​ពាក់ព័ន្ធ​ការចេញ​បណ្ណ​សម្គាល់​ម្ចាស់​ដីធ្លី​ជាន់​លើដី​គម្រប​ព្រៃឈើ និង​បទ​ចោទ​ពាក់ព័ន្ធ​លួច​គាស់​យក​ថ្ម​ធម្មជាតិ​

  • កាណាដា​ពិន័យ VW ១៥០ ​លាន​ដុល្លារ

    ក្រុងតូរ៉ុនតូៈ តុលាការ​ក្នុង​ទីក្រុង​តូរ៉ុនតូ​កាលពី​ថ្ងៃ​ពុធ​បាន​បញ្ជា​ឲ្យ​ក្រុមហ៊ុន Volkswagen (VW) បង់ប្រាក់​ពិន័យ ១៩៦,៥ លាន​ដុល្លារ​កាណាដា (១៥០ ​លាន​ដុល្លារ​អាមេរិក​) បន្ទាប់ពី​ក្រុមហ៊ុន​ផលិត​រថយន្ត​មួយ​នេះ​បាន​សារភាព​កំហុស​ចំពោះ​ការរំលោភច្បាប់​បរិស្ថាន​ក្នុង​រឿងអាស្រូវ​បោក​បន្លំ​ការបញ្ចេញ​កាបូន​។

  • សហជីព​បារាំង​​ព្យាយាម​បន្ត​ការ​តវ៉ា​ប្រឆាំង​ការ​កែ​ទម្រង់​ប្រាក់​សោធននិវត្តន៍​​ ដើម្បី​ដាក់​សម្ពាធ​លើ​រដ្ឋាភិបាល​​

    ក្រុង​ប៉ារីស៖ ក្រុម​សហជីព​បារាំង​កាល​ពី​ថ្ងៃ​ពុធ​ បាន​បន្ត​ធ្វើ​​កូដកម្ម​ជា​ច្រើន​ ដោយ​​មាន​​បំណង​បង្កើន​សម្ពាធ​​​​ទៅ​លើ​រដ្ឋាភិបាល​មុន​នឹង​រដ្ឋាភិបាល​នេះ​ ធ្វើ​ការ​បង្ហាញ​ការ​កែ​ទម្រង់​ប្រាក់​សោធននិវត្តន៍​ចុង​ក្រោយ ​ដែល​បាន​​​ជំរុញ​ឲ្យ​មាន​ការ​តវ៉ា​ពី​បញ្ហា​ការងារ​ធំ​បំផុត​នៅ​បារាំង​ជា​ច្រើន​ទសវត្សរ៍​នោះ​​។ ​

  • លាភ ​រដ្ឋា ​និង ​ផាន់ ​គ្រាន់ ​ប៉ះ​ថៃ​ចំណូល​ថ្មី​

    ភ្នំពេញ៖ ​អ្នក​លេង​កណ្តាប់​ដៃ​របស់​កម្ពុជា​ចំនួន ​២ ​នាក់ គឺ ​លាភ ​រដ្ឋា និង​ ផាន់ ​គ្រាន់​ ​នឹង​​ត្រូវ​បង្ហាញ​ខ្លួន​រួមគ្នា នៅ​​លើ​សង្វៀន​ SEATV នា​រសៀល​ថ្ងៃ​សៅរ៍​ស្អែក​នេះ ​ដោយ​ពួក​គេ​ត្រូវ​ជួប​ជាមួយ​​កីឡាករ​ថៃ​​ចំណូល​ថ្មី​ មិន​ធ្លាប់​មក​ប្រកួត​ក្នុង​សង្វៀន​នៅ​​ប្រទេស ​កម្ពុជា ​នោះ​ទេ​​។