The Phnom Penh Post Search

Search form

Logo of Phnom Penh Post newspaper Phnom Penh Post - ប្រាក់​ចំណេញ​សុទ្ធ​របស់ក្រុមហ៊ុន Tata Motors ថយចុះ​នៅត្រីមាសទី ១

ប្រាក់​ចំណេញ​សុទ្ធ​របស់ក្រុមហ៊ុន Tata Motors ថយចុះ​នៅត្រីមាសទី ១

Content image - Phnom Penh Post

ប្រាក់​ចំណេញ​សុទ្ធ​របស់ក្រុមហ៊ុន Tata Motors ថយចុះ​នៅត្រីមាសទី ១

ក្រុង​ម៉ុម​បៃៈ ក្រុម​ហ៊ុន​ផលិត​រថ​យន្ត​ Tata Motors របស់​ប្រទេស​ឥណ្ឌា កាល​ពី​ថ្ងៃ​ពុធ​ បាន​រាយ​ការណ៍​ការថយ​ចុះ​ប្រាក់​ចំណេញសុទ្ធ​​គួរ​ឲ្យ​ភ្ញាក់​ផ្អើល​នៅ​ ​ត្រី​មាស​ទី​មួយ​ឆ្នាំ​នេះ ដោយ​ធ្លាក់ចុះ​ ៥០ ភាគ​រយ​ ​ដោយសារ​ការ​វិនិយោគ​ម្ដង​ម្តាល​ដ៏​ច្រើន និង​ការ​ធ្លាក់​ចុះ​ការ​លក់​។

​ក្រុម​ហ៊ុន​ដែល​មាន​មូលដ្ឋាន​នៅ​ទី​ក្រុង​ម៉ុមបៃ​​មួយនេះ​បាន​ឲ្យ​ដឹង​ថា​ ប្រាក់​ចំណេញ​សុទ្ធ​​​រួម​បញ្ចូល​គ្នា​​ក្នុង​រយៈ​ពេល​ ៣ ខែ​ គិត​ត្រឹម​ថ្ងៃទី ១ ​ខែ​មីនា បាន​ថយ​ចុះ​មក​​នៅ​ត្រឹម​ ២១,២៥​ពាន់​​លាន​រូពី (​៣១០,​៥៣ លា​នដុល្លារ​) ធៀប​នឹង ៤៣,៣៦ ពាន់​លាន​រូពី​កាល​ពី​ឆ្នាំ​មុន។

​​ក្រុម​អ្នក​វិភាគ​បាន​ព្យា​ករ​ថា ​ក្រុម​ហ៊ុន​ Tata Motors​ នឹង​កត់​ត្រា​ប្រាក់​ចំណេញ​សុទ្ធ​ ៥៥០ លាន​ដុល្លារ ប៉ុន្តែ​ក្រុម​អ្នក​វិភាគ​ទាំង​នោះ​ មិន​បាន​ដឹង​ពី​ការ​វិនិយោគ​ច្រើន​ពាន់​លាន​ដុល្លារ​ ដែល​ក្រុម​ហ៊ុននេះ​​​ថា​ជា​មូលហេតុ​ដែល​បង្ក​ឲ្យ​ធ្លាក់ចុះ​ប្រាក់​ចំណេញ​នោះ​ទេ។

​លោក Guenter Butschek អគ្គនាយក​ក្រុមហ៊ុន Tata Motors ​បាន​​ឲ្យដឹង​​ក្នុង​សេច​ក្ដី​ប្រកាស​ព័ត៌​មាន​មួយ​ថា​៖ «​ឆ្នាំ​សារពើ​ពន្ធ​ ២០១៨ គឺជាឆ្នាំ​​ដ៏ល្អ​បំផុត​មួយ​សម្រាប់​ក្រុម​ហ៊ុន​ Tata Motors ជា​មួយ​នឹង​​ការ​បំបែក​កំណត់​ត្រា​​ប្រតិ​បត្តិ​ការលក់ ចំណែក​ទីផ្សា​រ​កើន​ឡើង​ ហើយ​អាជីវកម្ម​​តែ​ឯក​ឯង (មិន​រាប់បញ្ចូល​ក្រុមហ៊ុន​បុត្រ​សម្ព័ន្ធ) ​​ទទួល​បាន​ប្រាក់​ចំណេញ​ មុន​ពេល​ការ​ចំណាយ​ម្ត​ង​ម្តាល»។

​ក្រុម​ហ៊ុន Tata Motors ​បាន​ឲ្យ​ដឹង​ថា ខ្លួន​បាន​វិនិយោគ ​៤,​៥ ​ពាន់​លាន​ដុល្លារ​ក្នុង​ការ​អភិវឌ្ឍ​បច្ចេកវិទ្យា​ដែល​មិន​បាន​បញ្ជាក់​ សម្រាប់​ការ​ផលិត​រថយន្ត​ Jaguar Land Rover ឈាន​មុខ​គេ​របស់​ខ្លួន។

​ក្រុម​ហ៊ុន​បាន​បន្ថែម​ថា ប្រាក់​ចំណូល​រួម​បញ្ចូល​គ្នា​​នៅ​ត្រីមាស​ទី ៤ បាន​កើន​ឡើង​ដល់​ ៩១២,​៧៩ ពាន់​លាន​រូពី​ ធៀប​នឹង​ ៧៨៧,​៤៧ ពាន់​លាន​រូពី​កាល​ពី​ឆ្នាំ​មុន៕ AFP/LA

អត្ថបទគួរចាប់អារម្មណ៍

  • អាជ្ញាធរ​ហាម​កប់​សព ឬ​ធ្វើ​ម៉ុង​នៅ​តាម​ជើងភ្នំ​ស្វាយ

    បន្ទាយមានជ័យៈ អាជ្ញាធរ​ខេត្ត​បន្ទាយមានជ័យ​បាន​ចេញ​បម្រាម​មិន​ឲ្យ​មាន​ការ​សាងសង់​ផ្នូរ​កប់​សព ធ្វើ​ចេតិយ​ ឬ​ធ្វើ​ម៉ុង​នៅ​តាម​ជើងភ្នំ​ស្វាយ​ក្នុង​ក្រុង​សិរីសោភ័ណ​ទៀត​ឡើយ ដោយសារ​តែ​វា​ធ្វើឲ្យ​ខូច​ដល់​សោភណភាព​ភ្នំ​ធម្មជាតិ​ដែល​ជា​ទី​ទៅ​កម្សាន្ត​សម្រាប់​ភ្ញៀវទេសចរ​ជាតិ និង​អន្តរជាតិ​។ ការសម្រេច​នេះ​ត្រូវ​បាន​ធ្វើ​ឡើង​នៅក្នុង​កិច្ចប្រជុំ​មួយ​នៅ​សាលាខេត្ត​កាលពី​ថ្ងៃទី​ ១៤ ខែ​សីហា​ឆ្នាំ​ ២០១៨​។

  • ចិន​នឹង​បញ្ជូន​ក្រុម​អ្នកចរចា​ទៅ​អាមេរិក

    ក្រុងប៉េកាំងៈ ក្រសួង​ពាណិជ្ជកម្ម​ចិន​បាន​ឲ្យ​ដឹង​កាលពី​ថ្ងៃ​ព្រហស្បតិ៍​ថា ចិន​នឹង​បញ្ជូន​អ្នកចរចា​ជាន់​ខ្ពស់​ទៅ​សហរដ្ឋអាមេរិក​នៅ​ចុង​ខែ​សីហា​នេះ ដើម្បី​បន្ត​ការចរចា​ពាណិជ្ជកម្ម​ឡើង​វិញ ដែល​ជា​កិច្ចប្រជុំ​សាធារណៈ​លើកដំបូង​ក្នុង​រយៈពេល​ជាច្រើន​សប្ដាហ៍​ទាក់ទង​នឹង​ប្រធានបទ​នេះ ខណៈ​ជម្លោះ​ពាណិជ្ជកម្ម​មាន សភាព​កាន់តែ​ខ្លាំង​ឡើង​។

  • បរទេស​ និង​ខ្មែរ​ ៥៣ ​នាក់​ត្រូវ​បាន​ចាប់​ខ្លួន​ពាក់ព័ន្ធ​នឹង​គ្រឿងញៀន

    ព្រះសីហនុៈ ជនបរទេស និង​ខ្មែរ​ចំនួន​ ៥៣ ​នាក់​ត្រូវ​បាន​ចាប់ខ្លួន​កាលពី​ម្សិលមិញ​នៅក្នុង​សង្កាត់​លេខ​ ៤ ក្រុង​ព្រះសីហនុ​ពេល​កំពុង​ប្រព្រឹត្ត​បទល្មើស ជួញដូរ និង​ប្រើប្រាស់​គ្រឿងញៀន​នៅក្នុង​រង្គសាល​ស្កាយឡាញ​ ១ ​កន្លែង​។

  • CPP ការពារ​លទ្ធផល​បោះឆ្នោត ហើយ​ថា​រាល់​ការរិះគន់​គឺជា​ការប្រមាថ​ប្រជាជន​កម្ពុជា​យ៉ាង​ធ្ងន់ធ្ងរ

    ភ្នំពេញៈ បន្ទាប់ពី​ទទួល​បាន​ជ័យជម្នះ​ក្ដោប​ក្ដាប់​យក​អាសនៈ​ទាំង​ ១២៥ នៅក្នុង​រដ្ឋសភា មន្ត្រី​ជាន់ខ្ពស់​នៃ​គណបក្ស​ប្រជាជន​កម្ពុជា​កាលពី​ម្សិលមិញ​បាន​ចេញ​មុខ​នៅ​ចំពោះ​ប្រព័ន្ធ​ផ្សព្វផ្សាយ​ជាតិ និង​អន្តរជាតិ​ដើម្បី​ការពារ​ជ័យជម្នះ​ដែល​ទទួល​បាន​ពី​ការបោះឆ្នោត​កាលពី​ថ្ងៃទី​ ២៩ ខែ​កក្កដា​កន្លង​មក​នេះ ហើយ​ក៏​បាន​វាយបក​ធ្ងន់ៗ​ប្រឆាំង​បណ្ដា​ប្រទេស​ប្រជាធិបតេយ្យ​ខ្លះ និង​អតីត​គណបក្ស​ប្រឆាំង​ដែល​រិះគន់​ខ្លួន​ថា​បាន «​ប្រមាថ​យ៉ាងធ្ងន់ធ្ងរ​» ដល់​ឆន្ទៈ​ប្រជាជន​កម្ពុជា ហើយ «​ឧបាយកល​ដ៏ពិសពុល​» របស់​ពួកគេ​បាន​ទទួល​បរាជ័យ​ជា​អ្វី​ដែល​អតីត​មន្ត្រី​ជាន់ខ្ពស់​គណបក្ស​ប្រឆាំង និង​អ្នកវិភាគ​ជំទាស់​។