The Phnom Penh Post Search

Search form




Logo of Phnom Penh Post newspaper Phnom Penh Post - ប្រាក់​ចំណេញ Toyota ធ្លាក់​ជាង ២០%

ប្រាក់​ចំណេញ Toyota ធ្លាក់​ជាង ២០%

Content image - Phnom Penh Post
រថយន្ត Toyota Prius ស៊េរី ២០១៨ ដាក់​លក់​ក្នុង​ទីក្រុង​ Daly រដ្ឋ​កាលីហ្វ័រនីញ៉ា​​។ រូប AFP

ប្រាក់​ចំណេញ Toyota ធ្លាក់​ជាង ២០%

ក្រុង​តូក្យូៈ ក្រុមហ៊ុន​ផលិត​​រថយន្ត Toyota របស់​ប្រទេស ជប៉ុន បាន​ឲ្យ​ដឹង​កាល​ពី​ថ្ងៃ​ពុធ​ថា ប្រាក់​ចំណេញ​​សុទ្ធ​​ប្រចាំ​ឆ្នាំ​សារពើពន្ធ​របស់​ខ្លួន​​បាន​ធ្លាក់ចុះ​ប្រហែល ២៥ ភាគរយ ទោះ​បី​ជា​ការ​​លក់​កើន​ឡើង​ខ្ពស់​ក៏​ដោយ​ ដោយសារ​​​ការ​ខាតបង់​​លើ​ការ​វិនិយោគ​ ប៉ុន្តែ​​ក្រុមហ៊ុន​​​ព្យាករ​ថា ​នឹង​កើន​ឡើង​​វិញ​នៅ​ឆ្នាំ​ខាង​មុខ​។​

ក្រុមហ៊ុន​ផលិត​រថយន្ត​ Camry និង​កូន​កាត់ Prius មួយ​នេះ​បាន​ឲ្យ​ដឹង​ថា​ ប្រាក់​ចំណេញ​សុទ្ធ​មាន​ចំនួន ១,​៨៨ ពាន់​ពាន់​លាន​យ៉េន (​១៧ ​ពាន់​លាន​ដុល្លារ​) ក្នុង​ឆ្នាំ​សារពើពន្ធ​​គិត​ត្រឹម​ថ្ងៃ​ទី​ ​៣១ ​ខែ ​មីនា ឆ្នាំ ២០១៩ ​នេះ​ ធ្លាក់ចុះ​ ២៤,​៥ ​ភាគរយ ​ធៀប​​នឹង​ឆ្នាំ ​២០១៨។​

ក្រុមហ៊ុន​ Toyota បាន​​ព្យាករ​ថា ប្រាក់​ចំណេញ​សុទ្ធ​របស់​ខ្លួន​នឹង​កើន​ឡើង​ ១៩,​៥ ​ភាគរយ​ ​នៅ​រយៈពេល​ ​១ ​ឆ្នាំ ​ខាង​មុខ​ដល់​ ២,​២៥ ​ពាន់​ពាន់​លាន​យ៉េន។​

ប្រាក់​ចំណេញ​របស់​​ក្រុមហ៊ុន Toyota សម្រាប់​ឆ្នាំ​សារពើពន្ធ​ដែល​ទើប​នឹង​បញ្ចប់​នេះ​ ​​បាន​ធ្លាក់ចុះ​ប្រហែល ​២៩៤ ​ពាន់​លាន​យ៉េន ​​​ក្នុង​កំណត់ត្រា​ការ​ខាតបង់​លើ​ផលបត្រ​វិនិយោគ​របស់​ខ្លួន​។​​

ការ​លក់​កើន​ឡើង​ ២,៩ ​ភាគរយ​ដល់​កម្រិត​ខ្ពស់​បំផុត​ ៣០,​២៣ ​ពាន់​ពាន់​លាន​​យ៉េន កាល​ពី​ឆ្នាំ​ទៅ ដែល​ទទួល​បាន​​ប្រាក់​ចំណេញ​ប្រតិបត្តិការ​​ចំនួន ២,​៤៧ ​ពាន់​ពាន់​លានយ៉េន ដែល​កើន​​ឡើង ​២,​៨ ​ភាគរយ ធៀប​នឹង​ឆ្នាំ ២០១៧។

សម្រាប់​ឆ្នាំ​បច្ចុប្បន្ន​ដល់​ខែ ​មីនា ​ឆ្នាំ ​២០២០ ​ក្រុមហ៊ុន Toyota រំពឹង​ថា ​ប្រាក់​ចំណេញ​​ប្រតិបត្តិការ​នឹង​​កើន​ឡើង​ ៣,៣​ ភាគរយ​ដល់​ ២,​៥៥ ​ពាន់​ពាន់​លាន​យ៉េន ជាមួយ​នឹង​ការ​ព្យាករ​​ថា ការ​លក់​​​នឹង​ធ្លាក់ចុះ​​ ០,៧ ​ភាគរយ ​មក​នៅ​ត្រឹម ​៣០ ពាន់​ពាន់​​លាន​យ៉េន​។​

លោក​ Satoru Takada អ្នក​វិភាគ​​ប្រចាំ​ក្រុមហ៊ុន​​​ស្រាវជ្រាវ​ និង​ពិគ្រោះ​យោបល់​ TIW មាន​មូលដ្ឋាន​នៅ​ទីក្រុង​តូក្យូ ឲ្យ​ដឹង​ថា៖ «​​ក្រុមហ៊ុន Toyota បាន​ដំណើរការ​ដោយ​រលូន​​​ជា​​​បន្ត​​បន្ទាប់ ធៀប​នឹង​ដៃគូ​ប្រកួត​ប្រជែង​របស់​ខ្លួន​»។​

លោក​ថ្លែង​ថា​៖ «​​ក្រុមហ៊ុន​នេះ​បាន​បង្ហាញ​ភាគ​ច្រើន​នូវ​​ប្រតិបត្តិការ​សម​ហេតុផល​ជុំវិញ​ពិភព​លោក​នៅ​ពេល​ទីផ្សារ​ពិភព​លោក​​កំពុង​ធ្លាក់ចុះ​»។​

ប៉ុន្តែ​​លោក​ Takada មិន​មាន​សុទិដ្ឋិនិយម​ខ្លាំង​ពេក​ទេ​អំពី​ចក្ខុវិស័យ​របស់​​ឧស្សាហកម្ម​រថយន្ត៕​ AFP/LA​

អត្ថបទគួរចាប់អារម្មណ៍

  • អាមេរិក​ផ្តល់​ជំនួយ ​៤២ ​ម៉ឺន​ដុល្លារ​ទៀត ​ដើម្បី​ស្រាវជ្រាវ​សំណល់​គ្រាប់​បែក​ចង្កោម

    ភ្នំពេញៈ រដ្ឋាភិបាល​អាមេរិក​បាន​សម្រេច​ផ្ដល់​ជំនួយ​ជាង​ ៤២​ ម៉ឺន​ដុល្លារ​បន្ថែម​ទៀត ដល់​មជ្ឈមណ្ឌល​កំចាត់​មីន​កម្ពុជា ហៅ​កាត់​ថា CMAC ដើម្បី​ស្រាវជ្រាវ​​សំណល់​គ្រាប់​បែក​ចង្កោម​ដែល​

  • ប្រាក់ចំណេញ​សុទ្ធ Qantas ធ្លាក់ ៦,៥ ​ភាគរយ

    ក្រុងស៊ីដនីៈ ក្រុមហ៊ុន​អាកាសចរណ៍ Qantas Airways កាលពី​ថ្ងៃ​ព្រហស្បតិ៍​បាន​ចេញ​ផ្សាយ​ការធ្លាក់ចុះ​ប្រាក់​ចំណេញ​សុទ្ធ​ប្រចាំ​ឆ្នាំ ៦,៥ ភាគរយ ដោយសារ​ការធ្លាក់ចុះ​ប្រាក់​ចំណេញ​ក្នុង​គ្រា​ដែល​ប្រេង​ឆៅ​មាន​តម្លៃ​កាន់តែ​ខ្ពស់ និង​ការធ្លាក់​ថ្លៃ​ប្រាក់​ដុល្លារ​អូស្ត្រាលី​កាន់តែ​ខ្លាំង​។

  • តោខៀវ​ឲ្យ Roma ខ្ចី​ជើង​ខ្សែការពារ Zappacosta

    ក្រុងមីឡានៈ ក្លិប Roma បានប្រកាស​កាលពី​ថ្ងៃ​ពុធ​ថា ខ្សែការពារ Davide Zappacosta នៅ​ក្លិប Chelsea បាន​ចូលរួម​ក្លិប Roma ក្នុង​លក្ខខណ្ឌ​ខ្ចី​ជើង ៦ ​ខែ ប៉ុន្តែ​អាច​បន្ត​រហូតដល់​ចុងរដូវកាល​នេះ​ក៏បាន​ដែរ​។ ​

  • កូរ៉េ​ខាងជើង​មិន​ចរចា​ពី​បញ្ហា​នុយក្លេអ៊ែរ​ទេ បើសិន​ US ​នៅតែ​បន្ត​វិធានការ​យោធា​បង្ក​អារិភាព​នោះ

    ក្រុងសេអ៊ូលៈ កូរ៉េ​ខាងជើង​បាន​ថ្លែង​កាលពី​ថ្ងៃ​ព្រហស្បតិ៍​ថា​ខ្លួន​ «​មិន​ចាប់អារម្មណ៍​» ​នៅក្នុង​ការចរចា​នោះទេ លុះណា​តែ​ក្រុង​វ៉ាស៊ីនតោន​ឈប់​ «​វិធានការ​យោធា​បង្ក​អរិភាព​កាន់តែ​ខ្លាំង​ឡើង​ជាមួយ​ខ្លួន​នោះ​» ខណៈ​ប្រេសិត​ពិសេស​ជាន់ខ្ពស់​អាមេរិក​ម្នាក់​បាន​ទស្សនកិច្ច​ទៅកាន់​ក្រុង​សេអ៊ូល​ដោយ​ផ្តោត​ទៅ​លើ​ការធ្វើឲ្យ​កិច្ចចរចា​ពី​បញ្ហា​នុយក្លេអ៊ែរ​ជាមួយ​ក្រុង​ព្យុងយ៉ាង ដំណើរការ​ឡើងវិញ​។