ញូវយ៉កៈ ផ្សារភាគហ៊ុនអាមេរិកបានងើបឡើងត្រៀមស្វាគមន៍ការឈ្នះឆ្នោតរបស់ Joe Biden ដោយសន្ទស្សន៍ផ្សារហ៊ុននៅបុរី New York បានកើនឡើងនៅល្ងាចថ្ងៃអាទិត្យ មុនការជួញដូរនៅដើមសប្តាហ៍។
ត្រឹមម៉ោង ០០១៥ GMT ម៉ោងតម្លៃក្នុងកិច្ចសន្យាសម្រាប់ខែធ្នូលើផ្សាហ៊ុន Dow Jones បានកើនឡើង ០,៩៩ ភាគរយនៅលើផ្សារហ៊ុន Nasdaq កើនឡើងចំនួន ១,២៨ ភាគរយ និង S&P 500 កើនឡើងចំនួន ១,០២ ភាគរយ។
តម្លៃក្នុងកិច្ចសន្យាជាទូទៅបានផ្តល់នូវទិសដៅដែលទីផ្សារហិរញ្ញវត្ថុទទួលបាន ពេលដែលការជួញដូរបានបើកទ្វារ។
ផ្សារហ៊ុន Wall Street កាលពីថ្ងៃសុក្រកន្លងទៅបានបិទបញ្ចប់ប្រចាំសប្តាហ៍ក្នុងតម្លៃល្អបំផុតក្នុងរយៈពេលជាច្រើនខែ ពេលដែលលោក Biden ខិតកាន់តែកៀកទៅនឹងជ័យជម្នះក្នុងការបោះឆ្នោតតទល់ជាមួយលោក ដូណាល់ ត្រាំ។
ផ្សារហ៊ុន S&P 500 បានបិទបញ្ចប់ការជួញដូរដោយកើនឡើង ៧,៣ ភាគរយ សម្រាប់សប្តាហ៍កន្លងទៅជាការកើនឡើងល្អបំផុតចាប់ពីខែមេសា។
ការជួបជុំថ្មីៗនេះបានធ្វើឲ្យមានការសន្និដ្ឋានចំពោះ Biden ដែលឈ្នះនៅសេតវិមាន និងគណបក្សប្រជាធិបតេយ្យគ្រប់គ្រងសភាជាន់ទាប ខណៈពេលដែលគណបក្សសាធារណរដ្ឋត្រូវបានមើលឃើញថា គ្រប់គ្រងព្រឹទ្ធសភា។
ការបែកបាក់គ្នានៅទីក្រុងវ៉ាស៊ីនតោនទំនងជានឹងរារាំងដល់ការបង្កើនពន្ធដ៏សំខាន់លើក្រុមហ៊ុនធំៗ និងបុគ្គលអ្នកមានក៏ដូចជាគោលនយោបាយផ្សេងទៀតដែលអ្នកវិនិយោគធ្លាប់ភ័យខ្លាច។
ទីផ្សារបានលេចចេញនូវភាពច្របូកច្របល់ដោយលោក ត្រាំ បដិសេធមិនទទួលស្គាល់ការបរាជ័យក្នុងការបោះឆ្នោត និងព្យាយាមសាបព្រោះការសង្ស័យអំពីលទ្ធផលនៃការបោះឆ្នោត។
លោក Nigel Green ប្រធានក្រុមហ៊ុនប្រឹក្សាយោបល់ហិរញ្ញវត្ថុ deVere បាននិយាយថា៖ «លោក Biden នឹងផ្តល់នូវការរុញច្រានចំពោះផ្សារហ៊ុនទូទាំង សកលលោក និងសេដ្ឋកិច្ចអាមេរិក និងពិភពលោក»។
លោក Green បញ្ជាក់ថា៖ «បើទោះបីជាជ័យជម្នះរបស់លោក Biden នាំទៅដល់ការកើនឡើងថ្លៃបន្តិចមែននៅទីផ្សារ ជ័យជម្នះរបស់គាត់ក៏នឹងលុបបំបាត់នូវភាពមិនប្រាកដប្រជា ដែលពួកគេមិនពេញចិត្ត»។
លោក ត្រាំ មានផែនការដាក់ពាក្យប្តឹងនៅក្នុងសប្តាហ៍ខាងមុខប្រឆាំងទៅនឹងលទ្ធផលបោះឆ្នោត។ យោងតាមមេធាវីរបស់គាត់លោក Rudy Giuliani ដែលបាននិយាយកាលពីថ្ងៃអាទិត្យថា គាត់មានភ័ស្តុតាងច្រើនអំពីករណី «ក្លែងបន្លំ»។
យុទ្ធនាការរបស់ ត្រាំ បានបង្កើតបញ្ហាប្រឈមផ្នែកច្បាប់រួចទៅហើយនៅក្នុងរដ្ឋជាច្រើនប៉ុន្តែមិនមានភ័ស្តុតាងណាមួយបង្ហាញពីភាពមិនប្រក្រតីដែលរីករាលដាលណាមួយដែលនឹងប៉ះពាល់ដល់លទ្ធផលនោះទេ។
លោក Biden បានប្តេជ្ញាតែងតាំងខុទ្ទកាល័យសេតវិមានដែលបង្ហាញពីភាពចម្រុះនៃប្រទេស បើទោះបីជាគាត់អាចមានបញ្ហាក្នុងការទទួលបានការយល់ព្រមសម្រាប់ការតែងតាំងដែលកំពុងមានសម្ទុះទៅមុខនេះ ប្រសិនបើគណបក្សសាធារណរដ្ឋនៅតែបន្តគ្រប់គ្រងព្រឹទ្ធសភានោះ។
ប្រសិនបើសភាដែលផុតអាណត្តិខកខានមិនបានអនុម័តកញ្ចប់ជំរុញសេដ្ឋកិច្ចលើកទី ២ នៅក្នុងសប្តាហ៍ចុងក្រោយនៃតំណែងប្រធានាធិបតី ត្រាំ នោះការទទួលបានកិច្ចព្រមព្រៀងដែលត្រូវបានអនុម័តទំនងជារឿងដំបូងដែលលោក Biden ត្រូវដោះស្រាយ។
លោក Green បាននិយាយថា៖ «Biden នឹងត្រូវធ្វើការជាមួយព្រឹទ្ធសភាដឹកនាំដោយគណបក្សសាធារណរដ្ឋដើម្បីទទួលបានការជំរុញសារពើពន្ធដើម្បីជំរុញសេដ្ឋកិច្ច»។
លោកបន្ថែមថា៖ «គាត់ប្រហែលតស៊ូដើម្បីទទួលបានកញ្ចប់ជំរុញសេដ្ឋកិច្ច ៣ ពាន់ពាន់លានដុល្លារ ដែលចង់បានដោយគណបក្សប្រជាធិបតេយ្យ ប៉ុន្តែកញ្ចប់ខ្លះទំនងជាអាច»។
លោក Jerome Powell ប្រធានធនាគារកណ្តាលអាមេរិកបាននិយាយថា មហន្តរាយនៃកូវីដ ១៩ នៅតែខ្លាំងចំពោះការងើបឡើងវិញនៃសេដ្ឋកិច្ចអាមេរិក និងបន្តរហូតដល់វាត្រូវបានលុបបំបាត់៕ RR