ភ្នំពេញៈ ទំហំពាណិជ្ជកម្មទ្វេភាគីរវាងកម្ពុជា និងចក្រភពអង់គ្លេស (UK) កើនឡើងដល់ជាង ១,២ ពាន់លានដុល្លារកាលពីឆ្នាំ ២០១៧ ដែលមានកំណើន ៧ ភាគរយធៀបនឹងឆ្នាំមុន។ នេះបើតាមរបាយការណ៍បានពីស្ថានទូត UK ប្រចាំនៅកម្ពុជាកាលពីម្សិលមិញ។
របាយការណ៍បង្ហាញថា UK គឺជាទីផ្សារសម្រាប់ការនាំចេញឈានមុខគេទី ៤ របស់ប្រទេសកម្ពុជា បន្ទាប់ពីសហភាពអឺរ៉ុប (EU) អាមេរិក និងទីផ្សារអាស៊ាន ហើយជាប់ចំណាត់ថ្នាក់លេខ ២ ទាក់ទងនឹងពាណិជ្ជកម្មទ្វេភាគី។ អង់គ្លេសក៏ជាប្រទេសវិនិយោគឈានមុខគេទី ៦ របស់កម្ពុជាផងដែរ។ នេះបើតាមរបាយការណ៍។
កម្ពុជាបាននាំចេញទៅ UK កាលពីឆ្នាំ ២០១៧ កើនឡើង ៥ ភាគរយដល់ ១,១៦ ពាន់លានដុល្លារធៀបនឹងឆ្នាំ ២០១៦ ខណៈកម្ពុជាបាននាំចូលពី UK មានតម្លៃ ៤៨ លានដុល្លារកើនឡើង ១១២ ភាគរយ។ នេះបើយោងតាមរបាយការណ៍។
ផលិតផលសំខាន់របស់កម្ពុជាដែលនាំចេញទៅ UK គឺសម្លៀកបំពាក់៕ LA