The Phnom Penh Post Search

Search form




Logo of Phnom Penh Post newspaper Phnom Penh Post - ពិព័រណ៍​ក្រុង​ហូជីមិញ​បើក​ក្នុង​រយៈ​ពេល ៤ ថ្ងៃ​នៅ​កម្ពុជា

ពិព័រណ៍​ក្រុង​ហូជីមិញ​បើក​ក្នុង​រយៈ​ពេល ៤ ថ្ងៃ​នៅ​កម្ពុជា

ពិព័រណ៍​ក្រុង​ហូជីមិញ​បើក​ក្នុង​រយៈ​ពេល ៤ ថ្ងៃ​នៅ​កម្ពុជា

ភ្នំពេញៈ ពិព័រណ៍​ពាណិជ្ជកម្ម ទីក្រុង​ហូជីមិញ ឆ្នាំ​២០១៤ ដែល​ត្រូវ​បាន​បើក​ដំណើរការ​កាល​ពី​យប់​ថ្ងៃ​ពុធ​មាន​ក្រុមហ៊ុន វៀតណាម ចំនួន ១១០ ដោយ​មាន​ស្តង់​សរុប ២០៧។

ផលិតផល​ដែល​តាំង​បង្ហាញ​មាន​ផលិតផល​ចំណី​អាហារ​សម្លៀក​បំពាក់​របស់​ប្រើ​ប្រាស់ គ្រឿង​សម្អាង​សម្ភារ​ផ្ទះ​បាយ និង​សម្ភារ​សំណង់។ ពិព័រណ៍​នេះ​នឹង​បញ្ចប់​នៅ​ថ្ងៃ​សៅរិ៍​សប្តាហ៍​នេះ។

នេះ​ជា​លើក ទី៥ ហើយ​នៃ​ពិព័រណ៍ ក្រុង​ហូជីមិញ របស់ វៀតណាម នៅ កម្ពុជា។

លោក កឹម ស៊ីថន រដ្ឋ​លេខាធិការ​នៃ ក្រសួង​ពាណិជ្ជកម្ម ថ្លែង​ក្នុង​ពិធី​បើក​សម្ពោធ​ពិព័រណ៍​ពាណិជ្ជកម្ម ទីក្រុង​ហូជីមីញ ឆ្នាំ​២០១៤ នេះ​ថា៖ «ប្រទេស​វៀតណាម ត្រូវ​បាន​ចាត់​ទុក​ជា​ដៃ​គូ​ពាណិជ្ជកម្ម​ទ្វេ​ភាគី​ដ៏​មាន​សារៈ​សំខាន់​នៅ​ក្នុង​តំបន់​របស់ កម្ពុជា»។

លោក​បន្ត​ថា ពាណិជ្ជកម្ម​ទ្វេ​ភាគី កម្ពុជា-វៀតណាម កើន​ពី ២,៨ ពាន់​លាន​ដុល្លារ​ក្នុង ឆ្នាំ​២០១១ ដល់ ៣,៣ ពាន់​លាន​ដុល្លារ​នៅ ២០១២ និង ៣,៤ ពាន់​លាន​ដុល្លារ​ក្នុង ឆ្នាំ​២០១៣។

លោក​ស្រី Nguyen Thi Hong អនុ​ប្រធាន​គណៈកម្មការ​ប្រជាជន ក្រុង​ហូជីមិញ ឲ្យ​ដឹង​ថា ព្រឹត្តិការណ៍​ប្រចាំ​ឆ្នាំ​នេះ​ជា​ឱកាស​ផ្សារ​ភ្ជាប់​ពាណិជ្ជករ កម្ពុជា និង វៀតណាម។

គិត​ត្រឹម ឆ្នាំ​២០១៣ ទឹក​ប្រាក់​វិនិយោគ​សរុប​របស់ វៀតណាម នៅ កម្ពុជា មាន​ជាង ៣ ពាន់​លាន​ដុល្លារ​ដែល​មាន ១២៨ គម្រោង​កំពុង​អនុវត្ត។ វៀតណាម ឈរ​លំដាប់ ទី៥ ក្នុង​ចំណោម​ប្រទេស​វិនិយោគ​នៅ​កម្ពុជា៕

អត្ថបទគួរចាប់អារម្មណ៍