The Phnom Penh Post Search

Search form




Logo of Phnom Penh Post newspaper Phnom Penh Post - ពិព័រណ៍​ត្បូង​លើក​ទី៥​នឹង​បង្កើនការ​ទាក់​ទាញ​យ៉ាង​ខ្លាំង

ពិព័រណ៍​ត្បូង​លើក​ទី៥​នឹង​បង្កើនការ​ទាក់​ទាញ​យ៉ាង​ខ្លាំង

ពិព័រណ៍​ត្បូង​លើក​ទី៥​នឹង​បង្កើនការ​ទាក់​ទាញ​យ៉ាង​ខ្លាំង

ភ្នំពេញៈ មន្រ្តី​រដ្ឋាភិបាល​ព្យាករ​ពី​ការ​កើន​ឡើង​នៃ​ភ្ញៀវ​មក​ទស្សនា​និង​ទូ​ដាក់​តាំង​គ្រឿង​អលង្ការ​ដែល​គួរ ទាក់​ទាញ នៅ​ពេល​ពិព័រណ៍​ពាណិជ្ជកម្ម​គ្រឿង​អលង្ការ និង​ត្បូង​មាន​តម្លៃ​កម្ពុជា​លើក​ទី​៥ បើក​ដំណើរ​ការ​នៅ​ថ្ងៃ​ព្រហស្បតិ៍​នៅ​រាជធានី​ភ្នំពេញ។

ពិព័រណ៍​នេះ​នឹង​ត្រូវ​បាន​រៀបចំ​នៅ​ក្នុង​សាល​សន្និបាត​និង​មជ្ឈមណ្ឌល​តាំង​ពិព័រណ៍​កោះពេជ្រ ដែល​ជា​ព្រឹត្តិការណ៍​មាន​រយៈ​ពេល​៤​ថ្ងៃ​ទាក់​ទាញ​អ្នក​ទិញ​និង​ពាណិជ្ជករ​ជា​ច្រើន​មក​ភ្នំពេញ​ដោយ​សារ​តែ​កំណើន​នៅ​ក្នុង​ឧស្សាហកម្ម​ត្បូង​មាន​តម្លៃ​របស់​ប្រទេស​កម្ពុជា។

លោក កែប វុធថា នៅ​ការិយាល័យ​ពិព័រណ៍​ពាណិជ្ជកម្ម​នៅ​ក្រសួង​ពាណិជ្ជកម្ម​និយាយ​ថា ពិព័រណ៍​នេះ​នឹង​មាន​ទាំង​ឈ្មួញ​ក្នុង​ស្រុក និង​បរទេស​ចូល​រួម។

ប៉ុន្តែ​ព្រឹត្តិការណ៍ នេះ​នឹង​ផ្តោត​លើ​កម្ពុជា​ដោយ​កម្ពុជា​មាន​ក្រុមហ៊ុន​ចំនួន​៤៨​ក្នុង​ចំណោម​ក្រុមហ៊ុន​ចំនួន​៧០​ដែល​បាន​ចុះ​ហត្ថលេខា។

មន្រ្តី​ម្នាក់​នៅ​នាយកដ្ឋាន​លើក​កម្ពស់​ពាណិជ្ជកម្ម​សុំ​មិន​បញ្ចេញ​ឈ្មោះ​បាន​និយាយ​ថា​ព្រឹត្តិ​ការណ៍​នេះ​នឹង​ផ្ដល់​វេទិកា​សម្រាប់​ពាណិជ្ជកម្ម​ក្នុង​ស្រុក។

មន្រ្តី​នេះ​បាន​បន្ត​ថា៖ «ពិពរ័ណ៍​ពាណិជ្ជកម្ម​គ្រឿង​អលង្ការ និង​ត្បូង​មាន​តម្លៃ​កម្ពុជា​ជា​ព្រឹត្តិ​ការណ៍​មាន​កម្រិត​ស្ដង់ដារ​ខ្ពស់ ហើយ​ព្រឹត្តិ​ការណ៍​នេះ​ត្រូវ​បាន​គេ​ចាត់​ទុក​ថា​ស្ថិត​ក្នុង​កម្រិត ស្ដង់ដារ​អន្តរជាតិ​»។ ក្នុង​រយៈ​ពេល​ប៉ុន្មាន​ឆ្នាំ​ថ្មីៗ​នេះ​កម្ពុជា​បាន​ព្យាយាម​ដាក់​ខ្លួន​ឯង​ក្នុង​ឋានៈ​ជា​អ្នក​រក​ស៊ី​នៅ​ក្នុង ឧស្សាហកម្ម​នេះ។

ក្រុមហ៊ុន Intertek មក​ពី​ក្រុង​ឡុងដ៍ ជា​ក្រុមហ៊ុន​ត្រួត​ពិនិត្យ​គុណភាព​ត្បូង​ដ៏​កម្រ បាន​បង្កើត​មន្ទីរ​ពិសោធ​លើក​ដំបូង​នៅ​កម្ពុជា កាល​ពី​ឆ្នាំ​២០១១​ដើម្បី​ជួយ​ធ្វើ​និយតកម្ម​ពាណិជ្ជកម្ម ហើយ​កាល​ពី​ខែ​មីនា​ការ​កសាង​រោងចក្រ​ច្នៃ​ពេជ្រ​កម្ពុជា​និង​មជ្ឈមណ្ឌល​បណ្ដុះ​បណ្ដាល ត្រូវ​បាន​ចាប់​ផ្ដើម​នៅ​ក្នុង​តំបន់​សេដ្ឋកិច្ច​ពិសេស​ភ្នំពេញ៕ PB

អត្ថបទគួរចាប់អារម្មណ៍