The Phnom Penh Post Search

Search form




Logo of Phnom Penh Post newspaper Phnom Penh Post - ភរិយា​លោក ចម ប្រសិទ្ធ​ត្រូវ​តែងតាំង​ជា​ឧកញ៉ា

ភរិយា​លោក ចម ប្រសិទ្ធ​ត្រូវ​តែងតាំង​ជា​ឧកញ៉ា

ភរិយា​លោក ចម ប្រសិទ្ធ​ត្រូវ​តែងតាំង​ជា​ឧកញ៉ា

130909_13
លោក ស្រី ទេព បុប្ផាប្រសិទ្ធ ភរិយា របស់លោក ចម ប្រសិទ្ធ ត្រូវតែងតាំងជាឧកញ៉ា ហេង ជីវ័ន

ភ្នំពេញៈ លោកស្រី​ទេព បុប្ផាប្រសិទ្ធ ជា​អ្នកជំនួញ និង​ជា​ភរិយា​លោក​រដ្ឋមន្រ្តី​ក្រសួង​ពាណិជ្ជកម្ម​ចម ប្រសិទ្ធ​ត្រូវ​បាន​តែងតាំង​ជា​ឧកញ៉ា។

យោងតាម​សៀវភៅ​រាជកិច្ច​បោះពុម្ព​ផ្សាយ​ថ្ងៃ​ទី​១៩​ខែ​សីហា លោកស្រី ទេព បុប្ផាប្រសិទ្ធ ទទួល​បាន​មុខងារ​ជា​ឧកញ៉ា​ពី​ព្រះមហាក្សត្រ​កាលពី​ថ្ងៃ​ទី​ ១១​ ខែ​កក្កដា។

លោក កែម ​ឡី​ អ្នកវិភាគ​ឯករាជ្យ​ស្វាគមន៍​ដល់​ការ​តែងតាំង​នេះ ប៉ុន្តែ​លោក​ដាស់តឿន​ថា​រដ្ឋាភិបាល​ត្រូវ​តែ​ត្រួតពិនិត្យ ហើយ​អង្កេត​លើ​ប្រវត្តិរូប​របស់​បុគ្គល​ដែល​បាន​តែងតាំង​នេះ។​ លោក​បន្ត​ថា ​រាល់​ការ​តែងតាំង​ជា ​ឧកញ៉ា ​អ្នកឧកញ៉ា​ លុះ​ណា​តែ​មនុស្ស​នោះ​ត្រូវ​តែ​ចំណាយ​ជាង ​១០០ ០០០ ​ដុល្លារ ​ឲ្យ​រដ្ឋាភិបាល​ឬ​ជួយ​កសាង​ហេដ្ឋារចនាសម្ព័ន្ធ​មួយ​ចំនួន​សម្រាប់​ជាតិ។

លោក​បាន​បន្ត​ថា​៖ «​ប្រសិនបើ​យើង​មាន​គោលការណ៍​ក្នុង​ការ​កំណត់​តែងតាំង​គឺ​ល្អ​ ប៉ុន្តែ ​អ្វី​ដែល​សំខាន់​ គឺ​ត្រូវ​ធ្វើ​វា​ឲ្យ​មាន​យុត្តិធម៌​ចំពោះ​មនុស្ស​ដែល​ត្រូវ​បាន​តែងតាំង​នោះ។​ ងារ​ជា​ឧកញ៉ា​ទទួល​បាន​ការ​គោរព​យ៉ាង​ខ្ពស់​នៅក្នុង​សង្គម​»។

លោក​បន្ត​ថា​៖ «​ប្រសិន​បើ​យើង​គ្រាន់​តែ​សម្លឹង​មើល​ប្រាក់​របស់​ពួកគេ​គឺ​មិន​គ្រប់គ្រាន់​ទេ យើង​គួរ​សម្លឹង​មើល​ហើយ​ត្រួតពិនិត្យ​លើ​សីលធម៌ ឬ​ប្រវត្តិរូប​របស់​ពួកគេ​ថា​តើ​ពួកគេ​បាន​បង្ក​បញ្ហា​ណាមួយ​ទេ​ដល់​សង្គម​ឬ​អំពើ​ពុករលួយ។​ ចំពោះ​បញ្ហា​នេះ​យើង​គួរ​បង្កើត​គណៈកម្មាធិការ​សម្រាប់​ការ​តែងតាំង​នេះ​ដើម្បី​អង្កេត​មនុស្ស​ទាំងនេះ​»។

ទោះ​បី​យ៉ាង​នេះ​ក្តី លោក​លើក​ឡើង​ថា ​បច្ចុប្បន្ន ​កម្ពុជា​មាន​អ្នក​ដែល​ទទួល​បាន​ងារ​ជា​ឧកញ៉ា​ចំនួន​ ៥០០ ​រូប​។

លោក​បន្ថែម​ថា ​រដ្ឋាភិបាល​គួរ​ត្រួតពិនិត្យ​ឲ្យ​បាន​ហ្មត់ចត់​ជាមួយ​បញ្ជី​មុខងារ​នេះ​«​វា​នឹង​ក្លាយ​ជា​គ្មាន​តម្លៃ​នៅ​ពេល​ដែល​យើង​បាន​តែងតាំង​ច្រើន​ពេក​។ ​ខ្ញុំ​គិត​ថា ​ជាមួយ​នឹង​មុខងារ​នេះ ​យើង​មាន​មនុស្ស​ជាច្រើន​អាច​ទទួល​បាន​ដោយ​មិន​បាច់​ប្រើ​លុយ​សម្រាប់​សង្គម ​ប៉ុន្តែ ​ពួកគេ​មាន​សុភវិនិច្ឆ័យ​ហើយ​លះបង់​ជីវិត​របស់​ខ្លួន​ចំពោះ​ប្រទេស​ជាតិ​ ដូចជា​ លោក​ ជា​ វិជ្ជា ​លោក ម៉ម សូណង់ដូ ​លោកស្រី ​ទេព ​វន្នី ។​ល​។​ ខ្ញុំ​គិត​ថា ​ពួកគេ​អាច​ទទួល​បាន​មុខងារ​នេះ ​ប៉ុន្តែ​យើង​មិន​មើល​ឃើញ​ពួកគេ​ទេ​»។

លោក​បាន​លើក​ឡើង​ថា ​មុខងារ​នេះ​ មិន​គ្រាន់​តែ​ផ្ដល់​ជូន​ឲ្យ​អ្នក​មាន​ទ្រព្យសម្បត្តិ​ប៉ុណ្ណោះ​ទេ ​ប៉ុន្តែ ​គេ​ត្រូវ​ផ្ដល់​ជូន​អ្នក​ណា​ដែល​សម​នឹង​ទទួល​ហើយ​មាន​ភាព​ស្មោះត្រង់​ចំពោះ​ប្រទេស​ជាតិ មិនមែន​គិត​តែ​ប្រាក់​ប៉ុណ្ណោះ​ទេ។

លោក​ កែម ឡី បាន​បញ្ជាក់​ថា​៖ «​ដោយសារ​នៅ​ពេល​ណា ​យើង​តែងតាំង​មនុស្ស​ទាំងនេះ​ពួកគេ​គឺជា​គំរូ​សម្រាប់​មនុស្ស​ដទៃ​ទៀត​នៅក្នុង​ប្រទេស ​ដូច្នេះ ​ពួកគេ​គួរតែ​ធ្វើអ្វី​ៗ​ជា​អំពើ​ល្អ​ដល់​ប្រទេស​ជាតិ ​ដើម្បី​ធ្វើឲ្យ​មនុស្ស​ជំនាន់​ក្រោយ​យក​តម្រាប់​តាម​»។

លោក​បាន​បន្ថែម​ទៀត​ថា​៖ «​វា​ជា​បញ្ហា​ដ៏​ធំ​ក្នុង​សង្គម​ខ្មែរ​នូវ​អ្វី​ដែល​យើង​ហៅថា​ ជម្លោះ​ផលប្រយោជន៍​នៅ​ពេល​ពួកគេ​ជា​មនុស្ស​មាន​អំណាច​នៅក្នុង​រដ្ឋាភិបាល​ហើយ​ភរិយា​របស់​ពួកគេ​ទទួល​មុខ​តំណែង​ខ្ពស់​នៅក្នុង​សង្គម​ឬ​ធ្វើ​ជំនួញ​»៕ PB

អត្ថបទគួរចាប់អារម្មណ៍