The Phnom Penh Post Search

Search form

Logo of Phnom Penh Post newspaper Phnom Penh Post - មន្ត្រី​រដ្ឋាភិបាល​កម្ពុជា​ប្តេជ្ញា​​​ទប់​ស្កាត់​​​ការ​លាង​លុយ




មន្ត្រី​រដ្ឋាភិបាល​កម្ពុជា​ប្តេជ្ញា​​​ទប់​ស្កាត់​​​ការ​លាង​លុយ

មន្ត្រី​រដ្ឋាភិបាល​កម្ពុជា​ប្តេជ្ញា​​​ទប់​ស្កាត់​​​ការ​លាង​លុយ

ភ្នំពេញៈ មន្ត្រី​ជាន់​ខ្ពស់​កម្ពុជា​កាល​ពី​ថ្ងៃ​ពុធ​បញ្ជាក់​ពី​ការ​ប្តេជ្ញា​ប្រឆាំង​នឹង​ការ​លាង​លុយ​កខ្វក់ និង​ហិរញ្ញវត្ថុ​ភារវករ។

លោក​ ឯក ថា មន្ត្រី​អ្នក​នាំ​ពាក្យ​ទីស្តី​ការ​គណៈ​រដ្ឋ​មន្ត្រី​ឲ្យ​ដឹងថា​លោក​ឧបនាយក​រដ្ឋមន្ត្រី សុខ អាន​បាន​ធានា​ដល់​គណៈ​ប្រតិភូ​នៃ​ក្រុម​បណ្តា​ប្រទេស​អាស៊ី​បាស៊ីហ្វិក​ប្រឆាំង​នឹង​ការ​លាង​លុយ​កខ្វក់​(APG)​ដឹក​នាំ​ដោយ​នាយក​ប្រតិបត្តិ​ជាន់​ខ្ពស់​លោក David Shannon ថា កម្ពុជា​បាន​ប្តេជ្ញា​យ៉ាង​ម៉ឺងម៉ាត់​ចំពោះ​ការ​ទប់​ស្កាត់​ការ​លាង​លុយ​តាម​រយៈ ការ​បង្កក​ទ្រព្យ​ភារវករ ការ​រឹប​អូស​យក​មូលនិធិ​ពាក់​ព័ន្ធ​លុយ​កខ្វក់​។

កម្ពុជា​ជា​សមាជិក​មួយ​របស់ APG​។ ធនាគារ​ជាតិ​នៃ​កម្ពុជា​បាន​ចុះ​ហត្ថលេខា​លើ​ផែន​ការ​សកម្ម​ជាមួយ​នឹង APG កាល​ពី​ខែ​មិថុនា ឆ្នាំ​២០១១។ នេះ​បើ​តាម​លោក​ឯក ថា។

APG ក៏ជា​ក្រុម​ការងារ​ហិរញ្ញវត្ថុ​ពិសេស​(FATF) ដែល​ជា​ស្ថាប័ន​តំបន់​មួយ​នៅ​អាស៊ី-ប៉ាស៊ីហ្វិក​។

វា​ក៏​ជា​អង្គការ​អន្តរជាតិ​ស្វយ័ត​មួយ​ត្រូវ​បាន​បង្កើត​ឡើង​ក្នុង​ឆ្នាំ​២០០៧​នៅ​បាងកក​ប្រទេស​ថៃ​។

ធនាគារ​ជាតិ​នៃ​កម្ពុជា​បាន​កំពុង​តែ​ធ្វើ​សេចក្តី​ព្រាង​ច្បាប់​ឲ្យ​បាន​ពេញ​លក្ខណៈ​ដើម្បី​ដោះ​ស្រាយ​បញ្ញា​នេះ​។

លោក ឯក ថា បាន​ឲ្យ​ដឹង​ថា លោក​ឧប​នាយក​រដ្ឋ​មន្ត្រី​សុខ អាន​បាន​ស្នើ​ឲ្យ​ក្រុម​បច្ចេក​ទេស​របស់ APG គួរ​ធ្វើ​ការ​រួម​ជាមួយ​ធនាគារ​ជាតិ​នៃ​កម្ពុជា​ក្នុង​ការ​ធ្វើ​សេចក្តី​ព្រាង​ច្បាប់​មុន​បញ្ជូន​ទៅ​ក្រុម​ប្រឹក្សា​ច្បាប់ សេដ្ឋកិច្ច សង្គម និង​វប្បធម៌​(ECOSOCC)​សម្រាប់​ការ​ពិនិត្យ​មុន​ពេល​ដាក់​ជូន​កិច្ច​ប្រជុំ​ពេញ​អង្គ​គណៈ រដ្ឋមន្ត្រី​។

លោក សុខ អាន បាន​ថ្លែង​ថា ៖​«​យើង​នឹង​ធ្វើ​ឲ្យ​អស់​ពី​លទ្ធភាព​របស់​យើង​ដើម្បី​ទទួល​បាន​សេចក្តី​ព្រាង​ច្បាប់​ដែល​ត្រូវ​នឹង​អនុម័ត​នាចុង​ខែ​មិថុនា ឆ្នាំ​ក្រោយ​នេះ»​។ នេះ​បើ​តាម​លោក ឯក ថា៕ CC

អត្ថបទគួរចាប់អារម្មណ៍