.jpg)
ចំការកៅស៊ូមួយកន្លែងនៅក្នុងស្រុកចំការលើ ខេត្តកំពង់ចាម។ រូបថត សំ រិទ្ធ
ភ្នំពេញៈ មន្ដ្រីជាន់ខ្ពស់របស់អង្គការស្បៀងអាហារ និងកសិកម្ម បានលើកឡើងថា វិស័យកៅស៊ូក្នុងតំបន់កំពុងប្រឈមនឹងការធ្លាក់ចុះតម្លៃ និងផលិតភាព ដែលចាំបាច់ត្រូវសិក្សាដើម្បីលើកកម្ពស់ដំណាំកសិឧស្សាហកម្មនេះ។ ការលើកឡើងនេះធ្វើឡើង ក្នុងជំនួបជាមួយរដ្ឋមន្ដ្រីក្រសួងកសិកម្មកម្ពុជាកាលពីថ្ងៃពុធ។
លោក Pierre Marie Bosc មន្ដ្រីជាន់ខ្ពស់របស់អង្គការស្បៀងអាហារ និងកសិកម្មបានឲ្យដឹងថា កសិករកៅស៊ូនៅពេលនេះ ត្រូវប្រឈមនឹងបញ្ហាដោយសារការធ្លាក់ចុះតម្លៃ និងការប្រែប្រួលអាកាសធាតុ។
លោកបានថ្លែងថា៖ «ដូច្នេះគម្រោងក្នុងតំបន់នៃវិស័យកៅស៊ូ ក្នុងចំណោមប្រទេស កម្ពុជា ថៃ និងវៀតណាម នឹងពឹងផ្អែកលើការសិក្សា លទ្ធផលវិភាគនៅក្នុងការដាំដុះកៅស៊ូរបស់ប្រទេសនីមួយៗ ដើម្បីប្រៀបធៀបលើការវាយតម្លៃស្ថានការណ៍ និងប្រសិទ្ធភាពនៃការដាំដុះកៅស៊ូ ការប្រមូលផល និងការធ្វើឲ្យប្រសើរ»៕
