.jpg)
លោក ហ៊ន់ សុរចនា ប្រធាននាយកប្រតិបត្តិ (រូបកណ្តាល) ក្នុងពិធីសម្ពោធដាក់ឱ្យប្រើប្រាស់ជាផ្លូវការនូវបណ្ណធនាគារព្រីនស៍។ រូបថត ហុង មិនា
ដើម្បីឆ្លើយតបតម្រូវការទីផ្សារឌីជីថល និងផ្គាប់ចិត្តអតិថិជនរបស់ខ្លួន ធនាគារព្រីសន៍ បានសម្ពោធដាក់ឱ្យដំណើរការជាផ្លូវការរួមគ្នានូវបណ្ណឥណទាន និងបណ្ណឥណពន្ធ ២ ប្រភេទ Mastercard និង Visa ដើម្បីបង្កើនបទពិសោធនៃការទូទាត់ជូនអតិថិជនរបស់ខ្លួន និងជាសញ្ញាបើកផ្លូវនៃការទូទាត់ដោយគ្មានសាច់ប្រាក់ សម្រាប់ពេលអនាគត។
ការផ្លាស់ប្តូរដ៏ធំនេះនឹងពង្រឹងមូលដ្ឋានរបស់ខ្លួននៅក្នុងវិស័យធនាគារឌីជីថល ដែលនឹងបើកផ្លូវដល់ការទូទាត់ដោយគ្មានសាច់ប្រាក់នៅទូទាំងប្រទេស។
ធនាគារព្រីនស៍ ដែលជាធនាគារពាណិជ្ជក្មេងជាងគេបានវិវត្តខ្លួនយ៉ាងឆាប់រហ័សក្នុងវិស័យធនាគារនៅកម្ពុជាដោយប្រតិបត្តិការនៅលើទីផ្សារត្រឹមរយៈពេលជិត ២ ឆ្នាំប៉ុណ្ណោះ ប៉ុន្តែអាចដាក់ឱ្យប្រើប្រាស់ប្រព័ន្ធឌីជីថលយ៉ាងទូលំទូលាយដូចជា Prince Bank App ជាពិសេសដាក់ដំណើរការនូវកាត ២ ប្រភេទរួមគ្នាគឺ Mastercard និង Visa ដែលជាជំហានថ្មីមួយទៀតក្នុងការចាប់យកអតិថិជនក្នុងទីផ្សារធនាគារ។
បណ្ណធនាគារព្រីនស៍ ម៉ាស្ទ័រកាត និងវីសា
ប្រធាននាយកប្រតិបត្តិធនាគារ ព្រីនស៍ លោក Honn Sorachna មាន ប្រសាសន៍ថា“ ធនាគារព្រីនស៍ គឺជាធនាគារដំបូងបង្អស់ដែលបើកដំណើរការបណ្ណឥណទាន និងបណ្ណឥណពន្ធ Visa និង Mastercard ក្នុងរយៈពេលមិនដល់ ២ ឆ្នាំបន្ទាប់ពីបានក្លាយជាធនាគារពាណិជ្ជពេញលេញ។ លោកថា «យើងទន្ទឹងរង់ចាំផ្តល់សេវាកម្មដែលធ្វើឱ្យបទពិសោធធនាគាររបស់អតិថិជនកាន់តែមានភាពរលូន និងងាយស្រួលដោយផ្តល់នូវ debit and credit cards នៅក្នុងប្រភេទផ្សេងៗគ្នាដូចជាកាត Standard, Classic, ឬ កាត Platinum»។
ធនាគារព្រីនស៍ ដែលត្រូវបានបង្កើតឡើងនៅឆ្នាំ ២០១៨ បានណែនាំបណ្ណឥណទាន និងបណ្ណឥណពន្ធ ដែលត្រូវដាក់ឱ្យប្រើប្រាស់ចែកចេញជា ៨ ប្រភេទរួមមាន Mastercard Debit/Credit Standard, Mastercard Debit/Credit Platinum និង Visa Debit/Credit Classic, Visa Debit/Credit Platinum ដើម្បីបំពេញតម្រូវការទូទាត់តាមប្រព័ន្ធឌីជីថលដែលមានការវិវត្តឥតឈប់ឈរនៃការប្រើប្រាស់។
ថ្នាក់ដឹកនាំជាន់ខ្ពស់របស់ធនាគារតំណាងឱ្យ Mastercard និង Visa ភ្ញៀវកិត្តិយសពិសេសៗ និងប្រព័ន្ធផ្សព្វផ្សាយជាច្រើនបានចូលរួមក្នុងពិធីសម្ពោធនៅថ្ងៃទី ៣០ ខែកញ្ញា ដែលបានធ្វើឡើងនៅក្នុងសណ្ឋាគារឈានមុខគេមួយនៅក្នុងរាជធានីភ្នំពេញ ក្រោមការអនុលោមយ៉ាងតឹងរ៉ឹងនៃតម្រូវការគម្លាតសង្គមអំឡុងពេលកូវីដ១៩។
ប្រធាននាយកប្រតិបត្តិ និងថ្នាក់ដឹកនាំជាន់ខ្ពស់របស់ធនាគារទទួលបណ្ណសរសើរ។
លោក Sorachna មានប្រសាសន៍ថា “ធនាគាព្រីនស៍ មានសេចក្តីសោមនស្សរីករាយដែលបានសហការជាមួយម៉ាស្ទ័រកាត និងវីសាក្នុងការផ្តល់នូវការទូទាត់គ្មានសាច់ប្រាក់ដែលសមនឹងគោលដៅរបស់យើងដើម្បីក្លាយជាធនាគារឌីជីថលដែលរីកចម្រើន និងរីកចម្រើនលឿនបំផុតនៅក្នុងប្រទេសកម្ពុជា។
ក្នុងឱកាសបើកសម្ពោធនេះ ធនាគារព្រីនស៍ បានធ្វើយុទ្ធនាការពិសេសចំនួន ២ ដែលផ្តល់ជូនអ្នកកាន់កាត ព្រីនស៍ម៉ាស្ទ័រ និងកាតវីសាទទួលបានបញ្ចុះតម្លៃរហូតដល់ ៥០ ភាគរយជារៀងរាល់ថ្ងៃរាល់ការទិញសំបុត្រកុនប្រភេទ 2D / 3D / VIP នៅគ្រប់សាខាទាំងអស់នៃរោងភាពយន្ត Major Cineplex និងយុទ្ធនាការទទួលសាច់ប្រាក់មកវិញជាដើមដោយក្នុងនោះ ការទូទាត់តាម Mastercard នឹងទទួលបានសាច់ប្រាក់ចំនួន ១ ដុល្លារជាមួយនឹងការចំណាយអប្បបរមា ១០ ដុល្លារក្នុងវិក្កយបត្រតែមួយសម្រាប់រាល់ការទិញនៅតាមម៉ាស៊ីនឆូតកាត។ ចំនួនទឹកប្រាក់ដែលឱ្យត្រឡប់មកវិញនឹងត្រូវបញ្ចូលទៅក្នុងគណនីរបស់អ្នកកាន់បណ្ណនៅសប្តាហ៍ដំបូងនៃខែបន្ទាប់។ លើសពីនេះអតិថិជនអាចប្រើកាតរបស់ពួកគេដើម្បីទូទាត់ថ្លៃទំនិញ និងសេវាកម្មនៅហាងទំនិញជាង ៤៥ ០០០ កន្លែងនៅទូទាំងប្រទេសហើយនៅហាងទំនិញ ៣១ លានកន្លែងនៅទូទាំងពិភពលោកដែលមានរូបសញ្ញាម៉ាស្ទ័រ និងវីសា។
ថ្នាក់ដឹកនាំជាន់ខ្ពស់ និងភ្ញៀវកិត្តិយសចូលរួមកម្មវិធីសម្ពោធបណ្ណធនាគារព្រីនស៍ ។
បច្ចុប្បន្ន ធនាគារព្រីនស៍មាន ៣១ សាខា គ្របដណ្តប់ ២២ ខេត្ត/ក្រុង និងមានម៉ាស៊ីន ATM 49 និងមានបុគ្គលិកជាង ១ ០០០ នាក់ ខណៈធនាគារក៏គ្រោងពង្រីកសាខា និងដាក់ម៉ាស៊ីន ATM បន្ថែមទៀតនៅឆ្នាំបន្តបន្ទាប់។
សម្រាប់ពាក្យស្នើសុំ Mastercard និង Visa អាចស្នើសុំបាននៅតាមបណ្តាសាខារបស់ធនាគារព្រីនស៍ ឬស្នើសុំដោយផ្ទាល់តាមរយៈកម្មវិធី Prince Bank App ដែល មាននៅលើ App Store និង Play Store។ សម្រាប់ព័ត៌មានបន្ថែមសូមចូលទៅកាន់គេហទំព័រ www.princebank.com.kh ឬទំនាក់ទំនងលេខ ១៨០០-២០-៨៨៨៨ (ឥតគិតថ្លៃ)៕
