The Phnom Penh Post Search

Search form




Logo of Phnom Penh Post newspaper Phnom Penh Post - រដ្ឋមន្ត្រី​ហិរញ្ញវត្ថុ​ថៃ ជំរុញ​គណៈរដ្ឋ​មន្ត្រី​​យល់ព្រម​លើ​ការ​ចាក់​បញ្ចូលសាច់​ប្រាក់ ២០០​ ពាន់​លានបាត​

រដ្ឋមន្ត្រី​ហិរញ្ញវត្ថុ​ថៃ ជំរុញ​គណៈរដ្ឋ​មន្ត្រី​​យល់ព្រម​លើ​ការ​ចាក់​បញ្ចូលសាច់​ប្រាក់ ២០០​ ពាន់​លានបាត​

Content image - Phnom Penh Post
រដ្ឋមន្ត្រី​ហិរញ្ញវត្ថុ​ថៃ​ លោក​ Arkhom Termpittayapaisith។ រូបថត The Nation

រដ្ឋមន្ត្រី​ហិរញ្ញវត្ថុ​ថៃ ជំរុញ​គណៈរដ្ឋ​មន្ត្រី​​យល់ព្រម​លើ​ការ​ចាក់​បញ្ចូលសាច់​ប្រាក់ ២០០​ ពាន់​លានបាត​

រដ្ឋមន្ត្រី​​​ហិរញ្ញវត្ថុ​ថៃ​​បាន​​ស្នើ​ដល់​គណៈរដ្ឋមន្ត្រី​​​​​យល់ព្រម​ចំពោះ​ការ​ចាក់​បញ្ចូល​សាច់​ប្រាក់​​ ២០០ ​ពាន់​លាន​​បាត (ជាង ​៦,៦​ ពាន់​លាន​ដុល្លារ) ​​​ទៅ​ក្នុ​ងសេដ្ឋកិច្ច​​ដើម្បី​គាំទ្រ​​​អាជីវកម្ម​​និង​ប្រជាជន​ដែល​បាន​រងផល​ប៉ះពាល់​​ដោយសារ​​ការ​ឆ្លង​កូវីដ​ ១៩ ​ថ្មី​​។

រដ្ឋមន្ត្រី​ហិរញ្ញវត្ថុ​ថៃ​លោក​ Arkhom Termpittayapaisith បាននិយាយ​​បន្ទាប់​ពី​ជំនួប​​ជាមួយ​​នាយក​រដ្ឋមន្ត្រៃ​ថៃ លោក ប្រាយុធ​ ចាន់-អូចា​ កាល​ពីថ្ងៃ​ចន្ទថា៖ «​​​រដ្ឋាភិបាល​មិន​​ត្រូវ​ការ​ខ្ចី​ប្រាក់​​ច្រើន​​ ពេល​ដែល​យើង​អាច​ប្រើប្រាស់​អ្វី​ដែល​នៅសល់​​នៃ​កម្ចី​​គ្រា​អាសន្ន​​ចំនួន​​ ១​ ពាន់ពាន់​លាន​បាត​ពី​ឆ្នាំ​មុន»។

ទីស្តីការ​គណៈរដ្ឋមន្ត្រី​​កំណត់​ដាក់​​ដំណើរការ​​​នូវ​កញ្ចប់​​ជំនួយ​ថ្មី​​នៅថ្ងៃ​អង្គារ​​ ដើម្បី​ជួយ​​អាជីវកម្ម​​និង​បុគ្គលិក​​ដែល​រង​ការ​វាយ​ប្រហារ​ដោយ​​​ការ​ផ្ទុះឡើង​​​ជុំ​ទី២។

​ដូច​ការ​អំពាវនាវ​​​សម្រាប់ការ​ផ្តល់​ប្រាក់​​​ ៤ ០០០ ​បាត​ ​ដល់​អ្នក​ដែល​រ​ង់ផល​ប៉ះពាល់​សម្រាប់​រយៈពេល​ពី​ខែ ​លោក​ Arkhom បាន​និយាយ​ថា ​លោក​មិន​បាន​ដឹង​ពី​វិធី​ ដើម្បី​បញ្ជាក់​​អំពី​​ការ​ផ្តល់​នោះ​ទេ។​​ លោកក៏មិន​បាន​បញ្ជាក់​អះអាង​​​ថា​តើ​​រដ្ឋាភិបា​ល​នឹង​​អនុវត្ត​ជា​ថ្មី​​​​ចំពោះ​ការ​ចែក​ប្រាក់​​រយៈពេល​៣​ខែ​​ចំនួន​ ៥ ០០០​ បាត ​​ដូច​កាល​ពី​ឆ្នាំ​មុន​ឬ​ទេ។

ក្រោយ​គម្រោង​​​​​របស់​ក្រសួង​ហិរញ្ញវត្ថុ​ ធនាគារ​រដ្ឋខ្លះ​ ដូច​ជាធនាគារ​សន្សំ​រដ្ឋាភិបាល (GSB) ធនាគារ​កិសកម្ម​​និង​សហករ​កសិកម្ម (BAAC) និងធនាគារ​អភិវឌ្ឍន៍​​សហគ្រាស​តូច​និ​ងមធ្យមនៃ​ប្រទេស​ និង​ផ្តល់នូវ​​សន្ទនីយភាព​​ដល់​អតិថិជន​របស់ខ្លួន។

​លោកស្រី​​ Kulaya Tantitemit អគ្គនាយក​​ស្តី​ទី​​នៃ​​ការិយាល័យ​គោល​នយោបាយ​​​​សារពើពន្ធ​​បាន​និយាយ​កាល​ពី​ថ្ងៃ​ចន្ទ​ថា​ ការ​គាំទ្រ​នេះ​​នឹង​រួម​បញ្ចូល​​ការ​កាត់​អត្រា​ការ​ប្រាក់​​និង​ការ​ផ្អាក​​ការ​សង​បំណុល​។

លោក​ស្រី​​បាន​លើក​ឡើង​ថា ​ក្រសួង​​​មាន​ទឹកប្រាក់​​រហូត​ដល់​ទៅ​ ២០០​ ពាន់​លាន​បាតរួច​ហើយ ​ដោយ​បន្ថែម​ថា ​ធនាគារ​រដ្ឋ​​បាន​ផ្តល់​នូវ​​​ការ​ជួយ​​ស្រដៀង​គ្នា​នេះ ​បន្ទាប់​ពី​​ការ​ផ្ទុះ​ឡើង​នៅ​ជុំទី១។​

​ការ​ពន្យា​ការ​សង​បំណុល​​របស់​ធនាគារ​ GSB បាន​បញ្ច​ប់​ត្រឹម​ចុង​ឆ្នាំ​មុន ​ខណៈ​ធនាគារ​ BAAC ក៏​នឹង​បញ្ចប់ការផ្អាកការសងបំណុល​​ក្នុង​ខែ​​​មិថុនា ​ឆ្នាំ​នេះ​។

ប្រភព​ក្នុង​ទីផ្សារ​ហិរញ្ញវត្ថុ​​បាន​និយាយ​ថា ធនាគារ​កណ្តាល​​​និង​ធនាគារ​ពាណិជ្ជ​​ក៏​ត្រូវ​រំពឹង​ថាផ្តល់​ជូន​​អ្នក​ជាប់​បំណុល​នូវ​វិធានការ​​ជួយ​សង្គ្រោះ​ដែរ​ ដូច​ជា​ ពន្យារយៈពេល​សង​បំណុល​​ ​កាត់បន្ថយ​អត្រាការប្រាក់​​ ឬ​អនុញ្ញាត​បង់​ផ្នែក​ណាមួយ។ ​ក្នុង​ការ​ផ្ទុះ​ឡើង​ក្នុង​ជុំដំបូង​​កាល​ពី​ឆ្នាំ​មុន ​ធនាគារ​ទាំង​ឡាយ​បាន​ផ្តល់​​​​​នូវ​ការ​ផ្អាក​ការសង់បំណុល​​​​ ហើយ​អតិថិជន​ជា​ច្រើនបាន​បន្ត​សង​បំណុល​វិញ​ក្នុង​ពេល​ថ្មីៗនេះ បើទោះបី​ជា​ អតិថិជន​ខ្លះ​​​ស្នើសុំ​ផ្អាក​​​​បំណុល​របស់​ពួកគេ​៕ The Nation (Thailand)-ANN/ RR

អត្ថបទគួរចាប់អារម្មណ៍

  • ខេត្តបាក់និញៈ សួនឧស្សាហ​កម្ម​ Yen Phong 1 Industrial Park នៅខេត្ត Bac Ninh ភាគខាងជើង​បាន​ក្លាយជា​​សួនឧស្សាហ​កម្មលើក​ដំបូង​នៅក្នុងប្រទេស​វៀតណាម ដែលទទួល​បាន​​បណ្ដាញ​ទូរគមនា​គមន៍​ 5G ដោយ​បច្ចេកវិទ្យាថ្មីនេះ​​ បានដាក់​​ឲ្យដំណើរការ​នៅទីតាំងនោះ​ដោយ​ក្រុមហ៊ុន Viettel កាល​ពីថ្ងៃព្រហស្បតិ៍។​​

  • ភ្នំពេញៈ កម្ពុជា​នាំចេញ​ទំនិញ​ទៅ​ទីផ្សារ​អាមេរិក​មានតម្លៃ​ជាង ៦ ​ពាន់​លាន​ដុល្លារ​ ក្នុង​រយៈពេល​ ១១ ​ខែ ឆ្នាំ​ ២០២០ កើន​ជាង ២២ ​ភាគរយ​ធៀបនឹង​រយៈពេល​ដូចគ្នា​ឆ្នាំ​ ២០១៩ ខណៈ​ទំហំ​ពាណិជ្ជកម្ម​ទ្វេភាគី​មានតម្លៃ​ជាង ៦,៣ ​ពាន់​លាន​ដុល្លារ​។ នេះ​បើ​យោងតាម​ទិន្នន័យ​ពី​ការិយាល័យ​ពាណិជ្ជកម្ម​អាមេរិក​។

  • ភ្នំពេញៈ ត្រឹម​រយៈពេល​ជិត​ ១ ​ខែ​ប៉ុណ្ណោះ​ចាប់ពី​ថ្ងៃទី​ ២០ ធ្នូ ដល់​ថ្ងៃទី​ ១៧ មករា ពលករ​ខ្មែរ​ដែល​បាន​វិលត្រឡប់​មកពី​ប្រទេស​ថៃ​តាម​ច្រក​នៃ​បណ្តា​ខេត្ត​ជាប់​ព្រំដែន​កម្ពុជា-ថៃ​ចំនួន​ ៦៩ ​នាក់ ​ត្រូវបាន​រកឃើញ​វិជ្ជមាន​កូវីដ​ ១៩ ដោយ​ក្នុង​នោះ​ពលករ​ដែល​បាន​ព្យាបាល​ជាសះស្បើយ​ ២១ ​នាក់​។

  • ស្ទឹងត្រែងៈ កម្លាំង​នគរបាល​ប្រឆាំង​គ្រឿងញៀន​គ្រោង​នឹង​បញ្ជូន​បុរស​ជនជាតិ​ឡាវ​​ ២ ​នាក់ និង​វត្ថុតាង​គ្រឿងញៀន​ជិត​ ៥០ ​គីឡូក្រាម​ទៅ​តុលាការ​នៅ​ព្រឹក​ថ្ងៃ​ចន្ទ​នេះ​ ខណៈ​ដែល​សមត្ថកិច្ច​កម្ពុជា​កំពុង​សហការ​ជាមួយ​សមត្ថកិច្ច​ឡាវ​ ដើម្បី​តាម​រក​ចាប់ខ្លួន​ជនជាតិ​ឡាវ​ ៤ ​នាក់​ទៀត​ដែល​រត់គេចខ្លួន​។

  • ភ្នំពេញៈ លោក ហង់ជួន ណារ៉ុន រដ្ឋមន្ត្រី​ក្រសួង​អប់រំ ​យុវជន និង​កីឡា​បាន​ដឹកនាំ​កិច្ចប្រជុំ​ដាក់​ចេញ​វិធានការ​បន្ថែម​ដល់​សាលារៀន​ដែល​កំពុង​ត្រូវបាន​ប្រើប្រាស់​ជា​មណ្ឌល​ចត្ដាឡីស័ក ពិសេស​សាលារៀន​តាម​ខេត្ដ​ជាប់​ព្រំដែន​ប្រទេស​ថៃ និង​វៀតណាម​ដើម្បី​ធ្វើយ៉ាងណា​ធានា​ផ្ដល់​ការសិក្សា​ដល់​សិស្ស​គ្រប់គ្នា​ក្នុង​ឆ្នាំ​សិក្សា​ថ្មី​នេះ​។

  • ភ្នំពេញៈ លោក​ឧបនាយករដ្ឋមន្ត្រី ស ខេង រដ្ឋមន្ត្រី​ក្រសួង​មហាផ្ទៃ​បាន​ណែនាំ​ឱ្យ​អាជ្ញាធរ​គ្រប់លំដាប់​ថ្នាក់​លុបបំបាត់​ការបង្ក​សំឡេង​រំខាន​លើស​កម្រិត​ដោយ​យានយន្ដ​គ្រប់​ប្រភេទ និង​លុបបំបាត់​កន្លែង​កែច្នៃ​បំពង់​ស៊ី​ម៉ាំង​ដែល​បង្ក​ភាព​រំខាន​ដល់​អារម្មណ៍ និង​សិទ្ធិ​រស់នៅ​របស់​ពលរដ្ឋ