.jpg)
មន្ត្រីជាន់ខ្ពស់កូរ៉េខាងត្បូងក្នុងកិច្ច្ប្រជុំ។ រូបភាព Yonhap
ទីក្រុងសេអ៊ូល៖ អ្នកតាក់តែងគោលនយោបាយសារពើពន្ធកំពូលរបស់កូរ៉េខាងត្បូង និងមេដឹកនាំក្រុមហ៊ុនផលិតរថយន្តសំខាន់ៗ បានជួបប្រជុំកាលពីថ្ងៃសុក្រ ដើម្បីជំរុញកិច្ចសហប្រតិបត្តិការរវាងផ្នែកឯកជន និងវិស័យសាធារណៈ ចំពេលដែលសេដ្ឋកិច្ចកំពុងប៉ះពាល់ដោយការរីករាលដាលដោយវីរុសកូរ៉ូណា និងបញ្ហាប្រឈមទីផ្សារដែលមិនទាន់សម្រេច រួមទាំងកង្វះការផ្គត់ផ្គង់ឧបករណ៍ពាក់កណ្តាលសម្រេច។
ឧបនាយករដ្ឋមន្រ្តី និងជារដ្ឋមន្រ្តីក្រសួងហិរញ្ញវត្ថុ លោក Hong Nam-ki បាននិយាយថា៖” ឥឡូវនេះយើងកំពុងប្រឈមនឹងទីជម្រាល មួយក្នុងរង្វង់ឧស្សាហកម្ម និងរដ្ឋាភិបាលត្រូវតែចូលរួមកម្លាំង ដើម្បីជម្នះឧបសគ្គដែលកំពុងកើតមានឡើង”។
ក្នុងពេលជួបជាមួយប្រធានតំណាងសេដ្ឋកិច្ចក្នុងស្រុកនៅទីស្នាក់ការសភាពាណិជ្ជកម្ម និងឧស្សាហកម្មកូរ៉េប្រធានសារពើពន្ធបានចង្អុលបង្ហាញអំពីកង្វះផ្គត់ផ្គង់ឧបករណ៍ពាក់កណ្តាលសម្រេច និងការរៀបចំខ្សែច្រវ៉ាក់ ផ្គត់ផ្គង់ពិភពលោកឡើងវិញជាឧបសគ្គចម្បងសម្រាប់សេដ្ឋកិច្ចពឹងផ្អែកលើបច្ចេកវិទ្យា និងពឹងផ្អែកលើវិស័យនាំចេញរបស់កូរ៉េ។
ការកត់សម្គាល់របស់លោកបានធ្វើឡើងនៅពេលដែលក្រុមហ៊ុនផលិតរថយន្តសំខាន់ៗរួមទាំងក្រុមហ៊ុន Hyundai ដែលផលិតរថយន្តលេខ ១ បានបិទទ្វារជាបន្តបន្ទាប់នូវរោងចក្ររបស់ពួកគេនៅក្នុងខែនេះ ដោយសារកង្វះឈីបរថយន្ត។
លោក Hong ក៏បានបន្ថែមទៀតថា រដ្ឋាភិបាលនឹងពិចារណាផ្តល់ជូននូវការកាត់បន្ថយពន្ធសម្រាប់ការស្រាវជ្រាវ និងការអភិវឌ្ឍឧបករណ៍អេឡិចត្រូនិកពាក់កណ្តាលសម្រេច ខណៈពេលដែលបន្ថែមល្បឿននៃការដកហូតអាជីវកម្មសម្រាប់ការច្នៃប្រឌិតថ្មី ដើម្បីជំរុញការវិនិយោគ។
កាលពីព្រឹកថ្ងៃដដែលរដ្ឋាភិបាលបានបង្ហាញកញ្ចប់ហិរញ្ញវត្ថុ ដើម្បីបញ្ចូលទឹកប្រាក់ចំនួន ៣៣០ លានដុល្លារ ទៅក្នុងការស្រាវជ្រាវ និងអភិវឌ្ឍន៍រថយន្ត នាពេលអនាគត និងដើម្បីបង្កើន ថវិការដ្ឋយ៉ាងច្រើនសម្រាប់គ្រឿងអេឡិចត្រូនិក៕
