The Phnom Penh Post Search

Search form




Logo of Phnom Penh Post newspaper Phnom Penh Post - រដ្ឋាភិបាល​ចិន​ ប្តេជ្ញា​ពង្រឹង​កិច្ចសហប្រតិបត្តិការ​ជាមួយ​ប្រទេស​ ហ្ស៊ីមបាវ៉េ

រដ្ឋាភិបាល​ចិន​ ប្តេជ្ញា​ពង្រឹង​កិច្ចសហប្រតិបត្តិការ​ជាមួយ​ប្រទេស​ ហ្ស៊ីមបាវ៉េ

Content image - Phnom Penh Post
លោក Wang Yi និង​លោក Sibusiso Moyo​។ រូបថត AFP

រដ្ឋាភិបាល​ចិន​ ប្តេជ្ញា​ពង្រឹង​កិច្ចសហប្រតិបត្តិការ​ជាមួយ​ប្រទេស​ ហ្ស៊ីមបាវ៉េ

ក្រុងហារ៉ារេៈ លោក Wang Yi រដ្ឋមន្ត្រី​ក្រសួងការបរទេស​ចិន​កាលពី​ថ្ងៃអាទិត្យ​បាន​ប្តេជ្ញា​ពង្រឹង​កិច្ចសហប្រតិបត្តិការ​ជាមួយ​ប្រទេស ​ហ្ស៊ីមបាវ៉េ ទោះជា​មានទំនាស់​ជុំវិញ​តួលេខ​ជំនួយ​ទ្វេភាគី​កាលពី​ខែវិច្ឆិកា​ក្តី​។

ប្រទេស​ទាំងពី​មានទំនាស់​នឹង​គ្នា បន្ទាប់ពី​រដ្ឋាភិបាល​ហ្ស៊ីមបាវ៉េ​ឲ្យ​ដឹងថា ខ្លួន​បានទទួល​ទឹកប្រាក់​ជំនួយ​តែ ៣,៦ ​លាន​ដុល្លារ​ប៉ុណ្ណោះ ​ពី​ទីក្រុង​ប៉េកាំង​ក្នុង​ឆ្នាំ​ ២០១៩ ដែល​ទាប​ជាង ៤០ ​ដង​ ធៀប​នឹង​តួលេខ​ដែល​អះអាង​ដោយ​ចិន​។

លោក Yi បាន​ជួប​ជាមួយ​សមភាគី​របស់លោក​គឺ​លោក Sibusiso Moyo កាលពី​ថ្ងៃអាទិត្យ​ក្នុងអំឡុង​ដំណើរ​ទស្សនកិច្ច​របស់លោក​ក្នុង​ទ្វីប​អាហ្វ្រិក ដែល​បន្ទាប់មក​លោក​នឹង​បន្តដំណើរ​ទៅកាន់​ប្រទេស​ អេហ្ស៊ីប ជីប៊ូទី អេរីត្រេ និង​ប៊ូរុនឌី​។

លោក Yi មិនបាន​លើកឡើង​ពី​ជំនួយ​ហិរញ្ញវត្ថុ​ឡើយ ប៉ុន្តែ​លោក​បាន​ស្វាគមន៍​កិច្ចសហប្រតិបត្តិការ «​ឈ្នះ ឈ្នះ​របស់​ប្រទេស​ចិន និង​ហ្ស៊ីមបាវ៉េ​ក្នុង​វិស័យ​ហេដ្ឋារចនាសម្ព័ន្ធ កសិកម្ម និង​រ៉ែ​» និង​បាន​ប្តេជ្ញា​រុករក​វិស័យ​កិច្ចសហប្រតិបត្តិការ​ថ្មីៗ​បន្ថែមទៀត​។

ទំនាក់ទំនង​រវាង​ចិន​ជាមួយ​ហ្ស៊ីមបាវ៉េ​បាន​កើតមានឡើង​នៅក្នុង​សម័យ​តស៊ូ​រំដោះ​ក្នុង​ទសវត្សរ៍​ឆ្នាំ​ ១៩៧០ នៅពេលដែល​ទីក្រុង​ប៉េកាំង​បាន​គាំទ្រ​មេដឹកនាំ​មួយចំនួន​ក្នុង​ចំណោម​មេដឹកនាំ​ទ័ពព្រៃ​កំពូលៗ​។

បន្ទាប់ពី​បញ្ចប់​របប​គ្រប់គ្រង​ដោយ​ពួក​ជនជាតិ​ស្បែក​សភាគ​តិច​ក្នុង​ឆ្នាំ​ ១៩៨០ មក​ចិន​គឺជា​ប្រទេសមួយ​ក្នុង​ចំណោម​ប្រទេស​ទី ​១ ​ដែល​បាន​បង្កើត​បេសកកម្ម​ការទូត​ក្នុង​រដ្ឋធានី​ហារ៉ារេ​។

សេដ្ឋកិច្ច​របស់​ប្រទេស​ ហ្ស៊ីមបារ៉េ​ បាន​ធ្លាក់ចុះ​ដោយសារ​ការ​គ្រងគ្រង​មិនល្អ​ស្ថិតក្រោម​ការដឹកនាំ​របស់​លោក​ប្រធានាធិបតី Robert Mugabe អស់​រយៈពេល​ជាច្រើន​ទសវត្សរ៍​៕ KC

អត្ថបទគួរចាប់អារម្មណ៍