ភ្នំពេញៈ រដ្ឋាភិបាលបានបន្ថែមការផ្តល់សេវាដឹកអ្នកដំណើរតាមរថយន្តក្រុងដោយឥតគិតថ្លៃ ៣ ខ្សែទៀតក្នុងអំឡុងបុណ្យចូលឆ្នាំខ្មែរខាងមុខនេះ។
នៅលើទំព័រហ្វេសប៊ុកដែលបង្ហោះកាលពីថ្ងៃអង្គារលោក ហ៊ុន សែន បានថ្លែងថា បន្ថែមលើសេវារថយន្តក្រុងឥតគិតថ្លៃលើកមុននៅតាមផ្លូវជាតិលេខ ១ និងលេខ ៥ រដ្ឋាភិបាលនឹងបន្ថែមសេវាលើផ្លូវជាតិលេខ ៣ លេខ ៤ និងលេខ ៦។
ការសម្រេចចិត្តនេះបានធ្វើឡើងបន្ទាប់ពីការប្រាប់ឲ្យក្រុមហ៊ុនដឹកជញ្ជូនមិនឲ្យដំឡើងតម្លៃសំបុត្រក្នុងអំឡុងរដូវបុណ្យទានសំខាន់ៗដែលលោកនាយករដ្ឋមន្ដ្រី បានកត់សម្គាល់ថាមិនមានប្រសិទ្ធភាព។ លោកបានសរសេរថា៖ «ដូច្នេះខ្ញុំបានពិភាក្សាជាមួយសាលារាជធានី និងបានសម្រេចចិត្តផ្ដល់សេវារថយន្តក្រុងឥតគិតថ្លៃដើម្បីផ្ដល់ដល់អ្នកដំណើរ»។
សម្រាប់សេវារថយន្តក្រុងដែលបានប្រកាសដំបូងសម្រាប់ផ្លូវជាតិលេខ ១ និងលេខ ៥ មានរថយន្តចំនួន ៦០ គ្រឿង។
លោក ម៉េត មាសភក្ដី អ្នកនាំពាក្យសាលារាជធានីភ្នំពេញឲ្យដឹងថាអាជ្ញាធរនៅតែកំពុងធ្វើការងារលើការរៀបចំសេវានេះដែលត្រូវបានគ្រោងនឹងដំណើរការចាប់ពីថ្ងៃទី ១២ ដល់ថ្ងៃទី ១៨ ខែមេសា។
លោកបានថ្លែងថា៖ «យើងនៅកំពុងពិភាក្សានៅឡើយលើផែនការនេះដើម្បីធានាសុវត្ថិភាពសម្រាប់អ្នកដំណើរ និងតម្រូវការ»។
ទោះបីយ៉ាងនេះក្តីលោកមិនប្រាកដថានឹងមានរថយន្តក្រុងប៉ុន្មានគ្រឿងត្រូវបានដាក់ប្រើប្រាស់នៅពេលនេះទេ នៅពេលមានការបន្ថែមផ្លូវរត់នេះ។
ក្នុងសេវានេះរដ្ឋាភិបាលមិនមានផែនការក្នុងការចេញសំបុត្រសម្រាប់សេវានេះទេ៕LA