.jpg)
និស្សិតពេទ្យកំពុងរៀនពីរបៀបវះកាត់នៅសកលវិទ្យាល័យសុខាភិបាលមួយក្នុងទីក្រុងភ្នំពេញកាលពីឆ្នាំទៅ។ Athena Zelandonii
ភ្នំពេញៈ លោកនាយករដ្ឋមន្ដ្រី ហ៊ុន សែន បានឲ្យដឹងថា រដ្ឋាភិបាលកម្ពុជានឹងចាប់ផ្ដើមបែងចែកថវិកាឲ្យកាន់តែធំសម្រាប់ចំណាយលើការកិច្ចការស្រាវជ្រាវ និងអភិវឌ្ឍន៍ ខណៈលោកទទួលស្គាល់ថា ការវិនិយោគខាងវិទ្យាសាស្ដ្រ និងបច្ចេកវិទ្យា មានភាពយឺតយ៉ាវ បើធៀបនឹងប្រទេសជិតខាងក្នុងតំបន់។
ការលើកឡើងរបស់លោកនាយករដ្ឋមន្ត្រី ធ្វើឡើងនៅក្នុងព្រឹត្តិការណ៍មួយដែលបានរៀបចំឡើងដោយវិទ្យាស្ថានធនធានអភិវឌ្ឍន៍កម្ពុជា (CDRI) និងធនាគារ ANZ Royal នៅព្រឹកថ្ងៃព្រហស្បតិ៍ នៅទីក្រុងភ្នំពេញ។
យោងតាមលោកនាយករដ្ឋមន្ដ្រី ប្រទេសកម្ពុជាបានបម្រុងទុក ០,១២ ភាគរយ នៃផលិតផលក្នុងស្រុកសរុប (GDP) ដើម្បីការស្រាវជ្រាវវិទ្យាសាស្ដ្រ និងបច្ចេកវិទ្យាកាលពីឆ្នាំ២០១៥ បើធៀបនឹង ០,៦៣ ភាគរយ នៃ GDP ដោយប្រទេសថៃ និង ១,៣ភាគរយនៃGDP នៅប្រទេសម៉ាឡេស៊ី។
លោក ហ៊ុន សែន បានថ្លែងថា កម្ពុជានឹងបង្កើនថវិកានេះដល់ ០,២០ ភាគរយត្រឹមឆ្នាំ ២០២០ និងបង្កើនដល់ ១ ភាគរយត្រឹមឆ្នាំ ២០២៥ និង ១,៥ ភាគរយត្រឹមឆ្នាំ២០៣០។ លោកបានអំពាវនាវឲ្យរដ្ឋាភិបាលត្រូវបង្កើនចំនួនក្រុមអ្នកស្រាវជ្រាវពេញម៉ោងនៅក្នុងប្រទេសនេះផងដែរ។
រង់ចាំអានព័ត៌មានពិស្ដារក្នុងកាសែតភ្នំពេញ ប៉ុស្តិ៍
