The Phnom Penh Post Search

Search form

Logo of Phnom Penh Post newspaper Phnom Penh Post - រដ្ឋាភិបាល​ប្រកាស​ដាក់​ឲ្យ​ប្រើប្រាស់ក្រ​ដាសប្រាក់ថ្មី​

រដ្ឋាភិបាល​ប្រកាស​ដាក់​ឲ្យ​ប្រើប្រាស់ក្រ​ដាសប្រាក់ថ្មី​

ក្រដាស​ប្រាក់​៥០០​រៀល​ថ្មី​ដែល​ត្រូវ​បាន​ប្រកាស​ឲ្យ​ប្រើប្រាស់​ម្សិលមិញ។
ក្រដាស​ប្រាក់​៥០០​រៀល​ថ្មី​ដែល​ត្រូវ​បាន​ប្រកាស​ឲ្យ​ប្រើប្រាស់​ម្សិលមិញ។ រូបថត NBC

រដ្ឋាភិបាល​ប្រកាស​ដាក់​ឲ្យ​ប្រើប្រាស់ក្រ​ដាសប្រាក់ថ្មី​

ភ្នំពេញៈ​ រដ្ឋាភិ​បាល​កម្ពុជា​នៅ​ថ្ងៃ​ពុធ​ម្សិល​មិញ​នេះ​បាន​ប្រកាស​ដាក់​ឲ្យ​ចរាចរណ៍​ក្រ ដាស​ប្រាក់ ១០០​ និង​៥០០​រៀល​ថ្មី ​ស្រប​ពេល​នៃ​ពិធី​តភ្ជាប់​បេតុង​សំណង់​ស្ពាន​អ្នក​លឿង ​និង​ចំពេល​នៃ​ទំនាក់​ទំនង​កិច្ច​សហប្រតិបត្តិការ​លើក​ទី​៦០​ឆ្នាំ​រវាង​កម្ពុជា ​ជប៉ុន​។

ការណ៍​នេះ​ត្រូវ​បាន​ក្រុម​មន្រ្តី​ជំនាញ​ និង​អ្នក​សេដ្ឋកិច្ច​លើក​ឡើង​ថា ​គឺ​ជា​ការ​រួម​ចំណែក​ពង្រឹង​ការ​ប្រើ​ប្រាស់​រូបិយ​ប័ណ្ណ​ក្នុង​ស្រុក​ឲ្យ​កាន់​តែ​ប្រសើ។​ ក្នុង​រយៈ​ពេល​ជាង​ ១​ឆ្នាំ ​គិត​ចាប់​តាំង​ពី​ការ​បោះ​ឆ្នោត​កាល​ពី​ឆ្នាំ ​២០១៣ ​ធនាគារ​ជាតិ​នៃ​កម្ពុជា​បាន​បោះ​ក្រដាស​ប្រាក់​ថ្មី​ ជា​ច្រើន​។

លោក​នាយក​រដ្ឋ​មន្ត្រី​ ហ៊ុន​ សែន​ ដែល​បាន​ចូលរួម​ជា​អធិ​បតីភាព​នៃ​ពិធី​ភ្ជាប់​បេតុង​ស្ពាន​អ្នក​លឿង​ដែល​ត្រូវបាន​ប្រ​សិ​ទ្ធនាម​ថា ស្ពាន​ ស៊ូ​បា​សា ​បាន​ថ្លែង​ថា​ ការ​បោះ​ក្រដាស​ប្រាក់​ថ្មី​នេះ​គឺ​បង្ហាញ​មិត្ត​ភាព​ និង​កិច្ច​សហ​ប្រតិបត្តិ​ការ​រវាង​ព្រះរា​ជា​ណាចក្រកម្ពុជា និង​ប្រទេស​ជប៉ុន​។ ​

ក្រដាស​ប្រាក់​១០០​រៀល​ថ្មី​ដែល​ត្រូវ​បាន​ប្រកាស​ឲ្យ​ប្រើប្រាស់​ម្សិលមិញ។ រូបថត NBC
ក្រដាស​ប្រាក់​១០០​រៀល​ថ្មី​ដែល​ត្រូវ​បាន​ប្រកាស​ឲ្យ​ប្រើប្រាស់​ម្សិលមិញ។ រូបថត NBC

លោក​ ហ៊ុន​ សែន​ថ្លែង​ថា៖​«​រាជរដ្ឋាភិបាល​បាន​ដាក់​ឲ្យ​ធ្វើច​រាចរណ៍នូវ​ក្រដាស​ប្រាក់​​ ៥០០ ​ដែល​អនុក្រឹត្យ​នឹង​ចេញ​ថ្ងៃ​នេះ ​[ម្សិល​មិញ] ​ហើយ​ថ្ងៃ​នេះ​ក្រ​ដាស​​ប្រាក់​នេះ​ក៏​នឹង​ចាយ​បាន​។​ នេះ​គឺ​ជា​ផ្នែក​ដ៏​សំខាន់​មួយ​នៃ​ពិធី​ក្នុង​ថ្ងៃ​នេះ ​និង​ជា​ផ្នែក​ដ៏​សំខាន់​មួយ​នៃ​ការពង្រឹង​ចំណង​ទាក់ទង​លើក​ទី​ ៦០ ​នៃ​ទំនាក់​ទំនង​កម្ពុជា​ជប៉ុន»​។

ក្រដាស​ប្រាក់​ ៥០០ ​រៀល ​ម្ខាង​គឺ​ព្រះ​ឆាយាល័ក្ខណ៍​ព្រះ​មហាក្សត្រ​ព្រះបាទ​ នរោត្តម ​សីហ​ មុនី​ និង​ម្ខាង​ទៀត​គឺ​មាន​ស្ពាន​គី​ហ្សូណា និង​ស្ពាន​ស៊ូបាសា។

លោក​បន្ត​ថា៖​ «កាល​ពី​មុន​គឺ​យើង​បាន​បោះ​ក្រដាស​ប្រាក់​ម្តង​ហើយ ​ដែល​ពេល​នោះ​គឺ​មានតែ​ស្ពាន​គី​ហ្សូណា​ទេ ប៉ុន្តែ​លើក​នេះ ​ថ្ងៃ​នេះ​គឺ​យើង​នឹង​ចាយ​​នូវ​ក្រដាស​ប្រាក់​ដែល​មាន​ទាំង​ស្ពាន​គី​ហ្សូណា​ផង ​និង​មាន​ទាំង​ស្ពាន​ស៊ូបាសា​នៅ​អ្នក​លឿង​របស់​យើង​ផង​ដែរ។

លោក​ស្រី​ ជា​ សិរី ​អគ្គ​នា​យក​បច្ចេកទេស​ធនាគារ​ជាតិ​នៃ​កម្ពុជា​បាន​ថ្លែង​ប្រាប់​ភ្នំពេញ​ប៉ុស្តិ៍​កាលពី​ម្សិល​មិញ​តាម​អ៊ីមែល​ថា ​ការ​បោះ​ក្រដាស​ប្រាក់​ថ្មី​នេះ​គឺ​នឹង​មិន​មាន​ផល​ប៉ះ​​ពាល់​អ្វី​ដំណើរ​ការ​ប្រ​ព្រឹ​ត្ត​ទៅ​នៃ​ចរន្ត​សេដ្ឋកិច្ច​ឡើយ​។​ លោក​ស្រី​លើក​ឡើង​ថា ​ក្រដាស​ថ្មី​នេះ​គឺជា​ការ​បោះ​ជំនួស​ក្រដាស​ចាស់ៗ​ដែល​ត្រូវ​ធ្វើ​ការ​ផ្លាស់​ប្តូរ​។ ​

លោក​ស្រី​ថ្លែង​ថា៖​ «អ្វី​ដែល​ក្រដាស​ថ្មី​នេះ​នឹង​ត្រូវ​ធ្វើ​នោះ​គឺ​យក​ទៅ​ជំនួស​ក្រដា​ស​ចាស់​ដែល​ខូច​។ ​

យើង​ធ្វើ​ការ​ផ្លាស់​ប្តូរ​ក្រដាស​ទាំង​នោះ។​ ជា​ការ​ពិត​ណាស់ ​យើង​បាន​ធ្វើ​ការ​ផ្លាស់ប្តូ​រការ​រចនា​ក្រដាស​ប្រាក់​ថ្មី​នេះ តែ​នេះ​មិន​មែន​មាន​ន័យ​ថា​ យើង​ធ្វើ​ការ​បង្កើន​ចំនួន​សាច់​លុយ​ឲ្យ​ធ្វើ​ចរាចរណ៍​ឡើយ»​។ ​

លោក​ស្រី​បាន​បន្ត​ទៀត​ថា៖​ «មូល​ហេតុ​ដែល​យើង​ធ្វើ​ដូច្នេះ​គឺ​ក្នុង​បំណង​បង្កើន​ការ​ប្រើ​ប្រាស់​រូបិយ​ប័ណ្ណ​ក្នុង​ស្រុក​ជំនួស​ប្រាក់​ដុល្លារ​ ​ហើយ​នៅ​ពេល​ដែល​ក្រដាស​ប្រាក់​ខ្មែរ​កាន់​តែ​ទាក់​ទាញ​ និង​ស្អាត​នោះ​មាន​ន័យ​ថា​ប្រជា​ពល​រដ្ឋ​នឹង​កាន់​តែ​មាន​ទំនោរ​ដាក់​​ក្រដាសប្រាក់​នេះ​នៅ​តាម​ហោ​ប៉ៅ​របស់​ពួក​គេ​ជា​ជាង​ទុក​ប្រាក់​ដុល្លារ​ ដែល​មាន​សន្លឹក​ប្រាក់​ចាស់​ និង​កខ្វក់​នោះ»។

លោក ​Suzuki ​Hiroshi ​ប្រ​ធាន​វិទ្យាស្ថាន​ស្រាវ​ជ្រាវ​ជំនួញ​កម្ពុជា​បាន​ថ្លែង​ថា ​ការ​បោះ​ក្រដា​ស​​ប្រាក់​ថ្មី​គឺ​នឹង​មិន​មាន​ឥទ្ធិពល​អ្វី​អវិជ្ជមាន​ដល់​ម៉ាក្រូ​សេដ្ឋ​កិច្ច​ទេ។ ​ប៉ុន្តែ​លោក​ថា​បញ្ហា​ដែល​ចោទ​នោះ​គឺ​ត្រង់​ថា​បរិ​មាណ​នៃ​កា​រផ្គ​ត់​ផ្គង់​ក្រដាស​ប្រាក់​ថ្មី​នោះ​នៅ​លើ​ទី​ផ្សារ​។

លោ​កបន្ត​ថា​ កាល​ពី​ឆ្នាំ​មុន​ធនា​គារ​កណ្តាល​ ជប៉ុន​ បាន​បោះ​ផ្សាយ​នូវ​ក្រដាស​ប្រាក់​ថ្មី​​ប្រ​មាណ​ជា១ពាន់​ពាន់​លាន​ដុល្លារ​បន្ថែម ដែល​​ការ​ធ្វើ​បែប​នេះ​គឺ​មាន​សារៈ​សំខាន់​ណាស់​ដល់​សេដ្ឋ​កិច្ច​។ ​លោក​បន្ត​ថា ​សម្រាប់​កម្ពុជា​ការបោះ​ក្រដា​ស ៥​០០​ រៀល​ថ្មី​គឺ​ពិត​ណាស់​នឹង​មិន​មាន​ន័យ​អ្វី​ទៅ​ដល់​ការ​កើន​ឡើង​នៃ​ការ​ផ្គត់​ផ្គង់​នៃ​រូបិយវត្ថុ​នោះ​ទេ ​ហើយ​បើ​ទោះ​បី​វា​ច្រើន​ជាង​មុន​ក៏ដោយ ផល​ប៉ះ​ពាល់​នោះ​គឺ​នៅ​តែ​មានកម្រិត​តិច​នោះ​ទេ​។

​លោក​បាន​បន្ត​ទៀត​ថា​៖​ «ហើយ​អ្វីដែល​សំខាន់​នោះ​គឺ​វា​នឹង​ជួយ​ពង្រឹង​ការ​ប្រើ​ប្រាស់​ប្រាក់​រៀល ​ដោយ​សារ​តែ​សេដ្ឋកិច្ច​របស់​កម្ពុជា​គឺ​ត្រូវ​បាន​គ្រប​ដណ្តប់​ដោយ​ប្រាក់​ដុល្លារ ​ដូច្នេះ​ដើម្បី​ធ្វើ​បរិ​ដុល្លារ​វូបនីយកម្ម ​ការ​ពង្រឹង​ប្រើប្រាស់​ប្រាក់​រៀល​គឺ​ពិត​ជា​រឿង​មួយ​ដ៏​សំខាន់»​៕​

អត្ថបទគួរចាប់អារម្មណ៍