The Phnom Penh Post Search

Search form

រដ្ឋាភិបាល​ប្រមូល ចំណូល​ពន្ធ បាន​ជាង ​$៧០០​លាន

រដ្ឋាភិបាល​ប្រមូល ចំណូល​ពន្ធ បាន​ជាង ​$៧០០​លាន

ភ្នំពេញៈ ចំណូល​បាន​ពី​ការ​ប្រមូល​ពន្ធ អាករ​គ្រប់​ប្រភេទ​នៅ​ត្រីមាស​ទី​១ ឆ្នាំ​២០១៧ មាន​ជាង​៧០០​លាន​ដុល្លារ​កើន​ឡើង​ជាង​៩២​ភាគរយ​បើ​ធៀប​រយៈពេល​ដូច​គ្នា​កាលពី​ឆ្នាំ​ទៅ​។ នេះ​បើតាម​លទ្ធផល​បូក​សរុប​ចំណូល​ពន្ធ​ត្រីមាស​ទី​១ របស់​អគ្គ​នាយកដ្ឋាន​ពន្ធដារ​កាលពី​ថ្ងៃ​ម្សិលមិញ​។

របាយ​ការណ៍​បង្ហាញ​ថា នៅ​ត្រីមាស​ទី​១ ឆ្នាំ​២០១៧ ចំណូល​ពន្ធ អាករ​គ្រប់​ប្រភេទ ដែល​អគ្គនាយកដ្ឋាន​ពន្ធ​ដារ​ប្រមូល​បាន​មាន​ជាង ៧៦៨ លាន​ដុល្លារ កើន​ឡើង​ប្រមាណ ៣៦៨ លាន​ដុល្លារ ឬ​ស្មើ​នឹង​អត្រា​កំណើន​៩២,២០​ភាគរយ​។ របាយការណ៍​ក៏​បង្ហាញ​ដែរ​ថា គ្រាន់​តែ​ខែ​មីនា​មួយ ការ​ប្រមូល​ពន្ធ អាករ​គ្រប់​ប្រភេទ​បាន​ជាង ៤១៧ លាន​ដុល្លារ​។

កំណើន​នៃ​ចំណូល​ពន្ធ​នេះ​ដោយ​សារ​តែ ការ​កើន​ឡើង​នៃ​សកម្មភាព​អាជីវកម្ម​សំខាន់ៗ និង​កំណើន​នៃ​ប្រភេទ​ពន្ធ​។

របាយការណ៍​បង្ហាញ​ថា ពន្ធ​លើ​ប្រាក់​ចំណូល​កើន​៤០,៦០​ភាគរយ ពន្ធ​លើ​ប្រាក់​បៀវត្សរ៍ កើន​៤៩,៤០​ភាគរយ អាករ​លើ​តម្លៃ​បន្ថែម កើន​ឡើង​៨០,៧០​ភាគរយ និង​អាករ​ពិសេស កើន​ឡើង​១៧,១២​ភាគរយ​។

លោក អូន ព័ន្ធមុនីរ័ត្ន រដ្ឋ​មន្ត្រី ក្រសួង​សេដ្ឋកិច្ច និង​ហិរញ្ញវត្ថុ សង្ឃឹម​ថា ការ​ប្រមូល​ចំណូល​ពន្ធ​ក្នុង​ឆ្នាំ​២០១៧ នឹង​ទទួល​បាន​លទ្ធផល​ល្អ​៕

អត្ថបទគួរចាប់អារម្មណ៍

  • គម្រោង​ធំៗ​ជាច្រើន​អាច​នឹង​លេច​ឡើង​នៅ​តាម​មាត់ទន្លេ

    ក្រុមហ៊ុន​អភិវឌ្ឍន៍​ដ៏ធំ​មួយ​របស់​ចិន​មាន​ប្លង់​រចនា​ក្នុង​ការ​អភិវឌ្ឍ​នៅ​តាម​បណ្តោយ​ឆ្នេរ​ទន្លេ​ដែល​គម្រោង​នោះ​រួម​មាន​ខុនដូ​ប្រណីត អគារ​ការិយាល័យ ខណៈ​បច្ចុប្បន្ន​ទីតាំង​នោះ​ត្រូវ​បាន​គ្រប់គ្រង​ដោយ​កំពង់ផែ​ស្វយ័ត​រាជធានី​ភ្នំពេញ​។

  • ស្ថាបត្យកម្ម និង​វិចិត្រសិល្បៈ គឺ​មិន​អាច​ញែក​ដាច់​ពី​គ្នា​បាន​ឡើយ

    នៅក្នុង​បន្ទប់​សិក្សា​ក្នុង​ផ្ទះ​ធំ​មួយ​នៅ​តាម​មាត់ទន្លេ​ក្នុង​រាជធានី​ភ្នំពេញ លោក ថាង សុធា វ័យ​ ៣៥ ​ឆ្នាំ​កំពុង​ពិនិត្យ​មើល​ប្លង់​រចនា 3D របស់​បន្ទប់​គេង​នៃ​អាផាតមិន​មួយ​ដែល​ជា​ផ្នែក​នៃ​គម្រោង​កែលម្អ​ចុងក្រោយ​បំផុត​ដែល​លោក​បាន​ចូលរួម​ធ្វើ​កាលពី​ប៉ុន្មាន​ឆ្នាំ​មុន នៅ​លើ MacBook ដើម្បី​បំផុស​គំនិត​សម្រាប់​ការងារ​នាពេល​អនាគត​។

  • ត្រី​ចិញ្ចឹម​ប្រមាណ​ ១២ ​តោន​ងាប់​ដោយ​កម្ដៅ​ពេល​ទឹក​ស្រក

    កំពង់ឆ្នាំងៈ យ៉ាង​ហោចណាស់​ត្រី​ចិញ្ចឹម​តាម​ដង​ទន្លេ​ស្ថិត​ក្នុង​សង្កាត់​ខ្សាម និង​ផ្សារឆ្នាំង ខេត្ត​កំពង់ឆ្នាំង​ប្រមាណ​ជា​ ១២ ​ពាន់​គីឡួ​បាន​ងាប់​ក្នុង​រយៈពេល​ ៣ ​ថ្ងៃ ព្រោះ​តែ​ទឹក​បាន​ស្រក​ចុះ​ជា​គំហុក និង​ក្ដៅ​ខ្លាំង​។ នេះ​បើ​យោង​តាម​ការរៀបរាប់​របស់​ប្រជានេសាទ​ក្នុង​តំបន់​នោះ​ដែល​មាន​ប្រមាណ​ជា​ ៧០ ​គ្រួសារ​។

  • ព្រះរាជអាជ្ញា​ភ្ជាប់​រឿង​ហិង្សា​នៅ​ស្ពាន​នាគ​ជា​ចលនា​បដិវត្តន៍​ពណ៌

    ភ្នំពេញៈ សាលាឧទ្ធរណ៍​នៅ​ព្រឹក​ថ្ងៃ​ពុធ​ម្សិលមិញ​បាន​បញ្ចប់​សវនការ​ជំនុំជម្រះ​សំណុំ​រឿង​ហិង្សា​នៅ​ស្ពាន​នាគ​កាលពី​ខែ​កក្កដា ឆ្នាំ ២០១៤ ដោយ​ព្រះរាជអាជ្ញា និង​មេធាវី​ការពារ​ដើមបណ្ដឹង​សម្រេច​ភា្ជប់​ករណី​ហិង្សា​នោះ​ទៅ​នឹង​បដិវត្តន៍​ពណ៌ បន្ទាប់ពី​សវនការ​រយៈពេល​ ៣ ​ថ្ងៃ​ជាប់ៗ​គ្នា​។ ទោះ​ជា​យ៉ាងណា​ក៏ដោយ​ភាគី​ជនរងគ្រោះ​ថា​គ្មាន​អំពើ​កុបកម្ម​កើតឡើង​ទេ​ និង​ស្នើ​ដល់​តុលាការ​ឲ្យ​ដោះលែង​ពួកគេ​។