The Phnom Penh Post Search

Search form




Logo of Phnom Penh Post newspaper Phnom Penh Post - រដ្ឋាភិបាល​បាន​កែប្រែ​តួ​លេខ​កំណើន​សេដ្ឋកិច្ច

រដ្ឋាភិបាល​បាន​កែប្រែ​តួ​លេខ​កំណើន​សេដ្ឋកិច្ច

រដ្ឋាភិបាល​បាន​កែប្រែ​តួ​លេខ​កំណើន​សេដ្ឋកិច្ច

130221_12
លោក នាយករដ្ឋមន្ត្រីហ៊ុន សែន ថ្លែងក្នុងសន្និសីទស្ដីពីចក្ខុវិស័យប្រទេសកម្ពុជា២០១៣ កាលពីថ្ងៃពុធ ហេង ជីវ័ន

ភ្នំពេញៈ រដ្ឋាភិបាល​កម្ពុជា​កាល​ពី​ម្សិល​មិញ​បាន​ផ្លាស់​ប្តូរ​តួ​លេខ​កំណើន​សេដ្ឋកិច្ច​របស់​ខ្លួន​ឆ្នាំ​២០១២ ពី​៧​ភាគ​រយ​ដល់​៧,៣​ភាគ​រយ។

បើ​ទោះ​បី​យ៉ាង​នេះ​ក្តី រដ្ឋាភិបាល​និយាយ​ថា​គេ​ទាម​ទារ​ជួយ​រក្សា​កំណើន​ដែល​ឲ្យ​កម្ពុជា​ងើប​ចេញ​ពី​ប្រទេស​មាន​ប្រាក់​ចំណូល​ទាប​ទៅ​មធ្យម​វិញ។

នាយក​រដ្ឋ​មន្ត្រី​ហ៊ុន សែន បាន​ថ្លែង​ទៅ​កាន់​វិនិយោគិន​ក្នុង​វិស័យ​ឯកជន​និង​សារធារណៈ តំណាង​NGO និង​ភ្នាក់​ងារ​អភិវឌ្ឍន៍​នៅ​ក្នុង​សន្និសីទ​ទស្សន​វិស័យ​កម្ពុជា​លើក​ទី​៧ថា ទោះ​បី​ជា​ភាព​មិន​ច្បាស់​លាស់​នៃ​សេដ្ឋកិច្ច​ពិភពលោក​និង​កំណើន​យ៉ាង​យឺត​ទាំង​នៅ​អឺរ៉ុប និង​អាមេរិក​ក៏​ដោយ​ប៉ុន្តែ​ការ​គ្រប់​គ្រង​ម៉ា​ក្រូ​សេដ្ឋកិច្ច​របស់​កម្ពុជា​បាន​ឆ្លើយ​តប​យ៉ាង​មាន​ប្រសិទ្ធ​ភាព​ដោយ​រក្សា​បាន​ទំនុក​ចិត្ត​លើ​ទីផ្សារ​និង​បន្ត​ទិស​ដៅ​គោល​នយោបាយ​សេដ្ឋកិច្ច​សង្គម ដោយ​នាំ​កម្ពុជា​ឲ្យ​ចេញ​ពី​ប្រទេស​ដែល​មាន​ប្រាក់​ចំណូល​ទាប​។

លោក​បន្ត​ថា៖ «​កម្ពុជា​កំពុង​តែ​ងាក​ចេញ​ពី​ប្រទេស​មាន​ប្រាក់​ចំណូល​ទាប​ទៅ​ជា​ប្រទេស​ដែល​មាន​ប្រាក់​ចំណូល​ទាប​មធ្យម​ត្រឹម​ឆ្នាំ​២០១៥-២០១៦។ អត្រា​នៃ​ភាព​ក្រី​ក្រ​បាន​ធ្លាក់​ចុះ​មក​នៅ​២០​ភាគ​រយ​ក្នុង​ឆ្នាំ​២០១២ ហើយ​តាម​ការ​ព្យាករ​នឹង​ធ្លាក់​ចុះ​ដល់​១៩​ភាគ​រយ​ក្នុង​ឆ្នាំ​២០១៣​»​។

លោក​នាយក​រដ្ឋ​មន្រ្តី​បាន​អតា្ថធិប្បាយ​ពី​សារៈ​សំខាន់​នៃ​គោល​នយោបាយ​រដ្ឋាភិបាល​ដ៏​ខ្លាំង​ចាំ​បាច់​ត្រូវ​រក្សា​កំណើន​វិជ្ជមាន​ក្នុង​ពេល​អនាគត​។

លោក​បន្ត​ថា៖ «​ក្នុង​ការ​ប្រឈម​នឹង​ការ​ធ្លាក់​ចុះ​សេដ្ឋកិច្ច​ពិភពលោក​យើង​ត្រូវ​ការ​ប្រើ​ប្រាស់​យ៉ាង​ទូលំ​ទូលាយ​នូវ​គោល​នយោបាយ​ដែល​មាន​ក្នុង​ការ​ជំរុញ​សេដ្ឋកិច្ច​ក្នុង​ស្រុក​ព្រម​ទាំង​ដោះ​ស្រាយ​ភាព​ងាយ​រង​គ្រោះ​នៅ​ក្នុង​ស្រុក។ យើង​ចាំ​បាច់​ត្រូវ​ការ​អនុវត្ត​រាល់​ជម្រើស​គោល​នយោបាយ​ចាំ​បាច់​ទាំង​អស់​ដើម្បី​រក្សា​កម្រិត​នៃ​ការ​ជឿ​ជាក់​»​។ លោក​បន្ត​ថា​គោល​នយោបាយ​ម៉ាក្រូ​សេដ្ឋកិច្ច និង​ហិរញ្ញវត្ថុ​ត្រូវ​តែ​អនុវត្ត​គ្រប់​ពេល​ដើម្បី​រក្សា​ភាព​ខ្លាំង​នៃ​វិស័យ​ហិរញ្ញវត្ថុ​ដែល​ចាំបាច់​ត្រូវ​ធ្វើ​ឲ្យ​ស៊ី​ជម្រៅ​នូវ​ការ​រួម​បញ្ចូល​គ្នា​បន្ថែម​ទៀត​ដើម្បី​ការ​ពារ​តំបន់​ពី​ហានិភ័យ​ប្រកប​ដោយ​ប្រសិទ្ធភាព​ដ៏​ខ្ពស់​»។

អ្នក​ជំនាញ​ក៏​បង្ហាញ​ពី​ភាព​វិជ្ជមាន​ចំពោះ​កំណើន​របស់​កម្ពុជា​ដែរ​ប៉ុន្តែ​ព្រមាន​ថា​កំណែ​ទម្រង់​របស់​រដ្ឋាភិបាល​ត្រូវ​ការ​ជា​ចាំ​បាច់​ដើម្បី​ការ​ពារ​កំណើន​ហួស​។

លោក Faisal Ahmed តំណាង​របស់ IMF និយាយ​ថា៖​«ប្រសិន​បើ​ហេដ្ឋា​រចនា​សម្ព័ន្ធ​និង​អតិផរណា​កម្ពុជា​អាច​កើន​ឡើង​នៅ​កម្រិត​ពី​៧ ទៅ​៨ ភាគ​រយ​នោះ​វា​មិន​ខ្លាំង​ហួស​ទេ​»។

លោក​បញ្ជាក់​ពី​បញ្ហា​ប្រឈម​បី​ចំពោះ​គោល​នយោបាយ​បច្ចុប្បន្ន​របស់​កម្ពុជា ដូច​ជា​ការ​កៀង​គរ​ប្រាក់​ចំណូល​ឲ្យ​បាន​កាន់​តែ​ច្រើន ជាមួយ​តុល្យភាព​វិធាន​ការ​ពន្ធ​និង​ស្ថិរភាព​ហិរញ្ញវត្ថុ​។

លោក​បន្ត​ថា៖ «ក្នុង​ពេល​សេដ្ឋកិច្ច​លូត​លាស់​នៅ​ពេល​ស្ថិរភាព​ហិរញ្ញវត្ថុ​ល្អ​គឺ​សំខាន់​»។ បើ​អ្នក​គ្រប់​គ្រង​បាន​ល្អ​ប្រសើរ​ដំណាក់​កាល​កំណើន​សេដ្ឋកិច្ច​កាន់​តែ​មាន​រយៈ​ពេល​វែង​»។

លោក ហង់ ជួន​ណារ៉ុន រដ្ឋ​លេខា​ធិការ​ក្រសួង​សេដ្ឋកិច្ច​និង​ហិរញ្ញវត្ថុ​និយាយ​ថា​បញ្ហា​ប្រឈម​និង​ការ​ឆ្លើយ​តប​គោល​នយោបាយ ទាម​ទារ​ការ​អប់រំ​ភាព​ប្រកួត​ប្រជែង​សេដ្ឋកិច្ច​និង​ការ​ធ្វើ​ពិពិធកម្ម​ទេសចរណ៍​ថាមពល​និង​សិទ្ធ​កាន់​កាប់​ដី​ធ្លី​។ លោក​ថ្លែង​ថា​៖​«​ដើម្បី​ធ្វើ​ឲ្យ​ប្រាកដ​ថា​កំណើន​សេដ្ឋកិច្ច​ដែល​រួម​ចំណែក​ដល់​គ្រួសារ និង​ការ​ពារ​សិទ្ធិ​លើ​អចលន​ទ្រព្យ​គឺ​មាន​សារៈសំខាន់​ណាស់​សម្រាប់​អនាគត​»។

លោក​បន្ត​ថា​ការ​អប់រំ​បាន​ខ្ពស់​គឺ​ពិត​ជា​សំខាន់​រដ្ឋាភិបាល​គួរ​តែ​ផ្តោត​លើ​ការ​កែ​ទម្រង់​វិស័យ​អប់រំ​ឲ្យ​បាន​កាន់​តែ​ខ្ពស់​ដើម្បី​ធានា​នូវ​គុណភាព​បញ្ហា​ដី​ធ្លី​នៅ​តែ​មាន​សារៈ​សំខាន់​ហើយ​លទ្ធផល​ធ្វើ​ពិពិធកម្ម​សេដ្ឋកិច្ច​កាន់​តែ​សំខាន់​សម្រាប់​ពេល​អនាគត​។

លោក Mike Smith អគ្គ​នាយក​ធនាគារ​ANZ និយាយ​ថា​កម្ពុជា​នឹង​ទទួល​ផល​ប្រយោជន៍​ពី​រោងចក្រ​ដែល​កំពុង​សម្លឹង​មើល​ការ​ទាញ​យក​ប្រយោជន៍​ពី​ផលិត​ផល​មាន​តម្លៃ​ទាប​នៅ​ក្នុង​តំបន់​មេគង្គ​។ លោក​បាន​បន្ត​ថា៖ «ការ​បង្កើត​វិស័យ​នាំ​ចេញ​ថ្មី​នឹង​ធ្វើ​ឲ្យ​ការ​ងារ​កើន​ឡើង ហើយ​ដំណើរ​ការ​នេះ នឹង​ជំរុញ​ការ​វិនិយោគ​និង​ផ្លាស់​ប្តូរ​ចំណេះ​ដឹង​ព្រម​ទាំង​ផលិត​ភាព​ពលកម្ម​កើន​ឡើង»៕ PB

អត្ថបទគួរចាប់អារម្មណ៍