ក្រុងគូឡាឡាំពួៈ រូបិយប័ណ្ណម៉ាឡេស៊ីបានធ្លាក់ថ្លៃក្នុងការជួញដូរនៅបរទេស បន្ទាប់ពីបក្សប្រឆាំងបានទទួលជ័យជម្នះក្នុងការបោះឆ្នោតសកលកាលពីថ្ងៃពុធ។
រូបិយប័ណ្ណរីងហ្គីតក្នុងកិច្ចសន្យាជួញដូរអនាគត (ND-F) រយៈពេលមួយខែបានធ្លាក់ចុះ ១,៧ ភាគរយមកនៅត្រឹម ៤,០៤៦១ រីងហ្គីតធៀបនឹងប្រាក់ដុល្លារ បន្ទាប់ពីលោក Mahathir Mohamed អាយុ ៩២ ឆ្នាំបានបញ្ជាក់ថា សម្ព័ន្ធភាពបក្សប្រឆាំងដែលលោកដឹកនាំបានឈ្នះអាសនៈសភាគ្រប់គ្រាន់ក្នុងការបង្កើតរដ្ឋាភិបាលថ្មីមួយ។
លទ្ធផលបានបង្ហាញថាបក្សសម្ព័ន្ធ Pakatan Harapan របស់លោក Mahathir បានឈ្នះអាសនៈ ១១៣ ក្នុងចំណោមអាសនៈ ២២២ របស់រដ្ឋសភា ហើយគណបក្ស Barisan Nasional របស់លោកនាយករដ្ឋមន្ដ្រី Najib Razak បានឈ្នះ ៧៩ អាសនៈ៕ LA