The Phnom Penh Post Search

Search form




Logo of Phnom Penh Post newspaper Phnom Penh Post - រ៉ៃ ឃែភីថល ​និង ​Goldbell វិនិយោគ​រួម​គ្នា ​បង្កើត​​កម្មវិធី​ផ្តល់​កម្ចី​ខ្នាត​តូច​តាម​ទូរស័ព្ទ​ដៃ

រ៉ៃ ឃែភីថល ​និង ​Goldbell វិនិយោគ​រួម​គ្នា ​បង្កើត​​កម្មវិធី​ផ្តល់​កម្ចី​ខ្នាត​តូច​តាម​ទូរស័ព្ទ​ដៃ

Content image - Phnom Penh Post
លោក Eddie Lee សហស្ថាបនិក​ និង​អគ្គនាយក​​​ក្រុមហ៊ុន​ រ៉ៃ ឃែភីថល (ឆ្វេង) ថតរូប​ជាមួយ​ប្រតិបត្តិករ​ជាន់​ខ្ពស់​របស់​ធនាគារ​នានា។ រូបថត​ Rai Capital

រ៉ៃ ឃែភីថល ​និង ​Goldbell វិនិយោគ​រួម​គ្នា ​បង្កើត​​កម្មវិធី​ផ្តល់​កម្ចី​ខ្នាត​តូច​តាម​ទូរស័ព្ទ​ដៃ

ភ្នំពេញ៖ ក្រុមហ៊ុន រ៉ៃ ​ឃែភីថល ​ខេមបូឌា​ ឯក (Rai Capital (Cambodia) Co.) ដែល​បាន​ចុះ​បញ្ជី​នៅ​ផ្សារ​មូលបត្រ​កម្ពុជា និង​ក្រុមហ៊ុន ​Goldbell Financial ​Services វិនិយោគ​​រួម​គ្នា ​ដើម្បី​បង្កើត​ 'APP' Platform ​មួយ​​ ដែល​អនុញ្ញាត​ផ្ដល់​កម្ចី​ពី​បុគ្គល​ម្នាក់​ទៅ​បុគ្គល​​ម្នាក់​ទៀត (P2P) ​​ធ្វើ​ឡើង​តាម​ប្រព័ន្ធ​បច្ចេកវិទ្យា​​។ នេះ​បើ​យោង​តាម​ PR Newswire។

PR Newswire បាន​ឲ្យ​ដឹង​ពី​​ថ្ងៃទី ២៦​ ខែ​វិច្ឆិកា ​​ថា​ វេទិកា​ផ្ដល់​កម្ចី P2P របស់​ក្រុមហ៊ុន​ រ៉ៃ ឃែភីថល បាន​ប្រកាស​ដាក់​ឲ្យ​ដំណើរការ​កម្មវិធី​នេះ​​នៅ​​កម្ពុជា ​ដើម្បី​​​បំពេញ​ចន្លោះ​ប្រហោង​​សម្រាប់​​ដំណោះស្រាយ​ហិរញ្ញប្បទាន​​ដែល​អាច​បត់បែន​​បាន​។ ការ​បង្កើត​កម្មវិធី ​(App)នេះ ​ឡើង ​គឺ​ដើម្បី​ផ្តល់​ភាព​ងាយ​ស្រួល​​សម្រាប់​សហគ្រាស​ខ្នាត​តូច​ និង​បុគ្គល​ក្នុង​ការ​ទទួល​​បាន​ហិរញ្ញវត្ថុ​​ ដើម្បី​ជំរុញ​បរិយាប័ន្ន​​ហិរញ្ញវត្ថុ​នៅ​កម្ពុជា។​ យោង​សេចក្តី​ប្រកាស។

ក្រុមហ៊ុន​ រ៉ៃ ​ឃែភីថល បាន​បង្កើត​ឡើង​​កាល​ពី​ឆ្នាំ​ ​២០១៨​ បន្ទាប់​​ពី​ការ​ទទួល​ស្គាល់​គម្លាត​រីក​ចម្រើន​រហ័ស​នៅ​ក្នុង​ទីផ្សារ​ផ្ដល់​​កម្ចី​​សម្រាប់​លទ្ធភាព​​ទទួល​​បាន​ហិរញ្ញប្បទាន​ដោយ​ត្រឹមត្រូវ ​និង​ងាយ​ស្រួល​​នៅ​​កម្ពុជា​។

លទ្ធភាព​ទទួល​បាន​កម្ចី​​ខ្នាត​តូច​​​តាមរយៈ​កម្មវិធី​ទូរស័ព្ទ​ចល័ត​កម្មវិធី (App) របស់​​​ក្រុមហ៊ុន ​រ៉ៃ ​ឃែភីថល បាន​លុប​បំបាត់​ការ​ធ្វើ​ដំណើរ​ចម្ងាយ​ឆ្ងាយ​ដែល​ពួក​គេ​ធ្លាប់​​ធ្វើ​ពី​មុន​មក ជា​ថ្នូរ​​ទទួល​បាន​ហិរញ្ញប្បទាន​ពី​​ធនាគារ ឬ​គ្រឹះស្ថាន​ហិរញ្ញវត្ថុ​។

ថ្លែង​នៅ​​ពេល​ដាក់​​ឲ្យ​ដំណើរការ​​វេទិកា​នេះ លោក Eddie Lee សហស្ថាបនិក​ និង​អគ្គនាយក​​​ក្រុមហ៊ុន​ រ៉ៃ ឃែភីថល​ បាន​ឲ្យ​ដឹង​ថា ពួក​គេ​បាន​បង្កើត​​កម្មវិធី​​​នេះ ដោយ​មើល​ឃើញ​ឱកាស​​ចន្លោះ​ប្រហោង​នៃ​ការ​ទទួល​បាន​​ហិរញ្ញវត្ថុ​​នៅ​កម្ពុជា​។

លោក​​បាន​កត់​សម្គាល់​ថា កង្វះ​​បរិយាប័ន្ន​ហិរញ្ញវត្ថុ​​ ដោយសារ​តែ​កង្វះ​អ្នក​ផ្ដល់​ហិរញ្ញប្បទាន SMEs ​និង​ SMEs ​ខ្នាត​តូច​ជា​ច្រើន​ ​ដែល​​មិន​មាន​លទ្ធភាព​ក្នុង​ការ​ទទួល​បាន​ការ-​គាំទ្រ​​ដែល​​បាន​ផ្ដល់​ដោយ​ធនាគារ ឬ​គ្រឹះស្ថាន​​ហិរញ្ញវត្ថុ​។​

លោក​បញ្ជាក់៖ «​ជាមួយ​ការ​ប្រឈម​របស់​​អ្នក​ខ្ចី​រូបវន្ត​នៅ​ពេល​​ទទួល​ហិរញ្ញប្បទាន ​គឺ​ត្រូវ​ការ​រយៈពេល​ជា​ច្រើន​ម៉ោង​ ឬ​រហូត​​ដល់​រយៈពេល​ ១ ថ្ងៃ​ ក្នុង​ការ​ធ្វើ​ដំណើរ​ពី​តំបន់​ជនបទ​ទៅ​ទីក្រុង​​ គ្រាន់​តែ​ចំណាយ​​ពេល​ ​២ ទៅ​ ៣ សប្ដាហ៍​ រង់ចាំ​ការ​ដាក់​ពាក្យ​សុំ​កម្ចី​ត្រូវ​អនុម័ត​»។

លោក​​ Eddie Lee បន្ត​ថា​៖ «​ក្រុមហ៊ុន​ រ៉ៃ​ ឃែភីថល ​ត្រូវ​បាន​​កើត​ចេញ​ពី​​ការ​មើល​ឃើញ​​ការ​ពិបាក​នោះ​។ ​រយៈពេល​ជា​ច្រើន​​ឆ្នាំ​ប្រទេស​សិង្ហបុរី បាន​​នាំ​មុខ​​ក្នុង​ការ​ក្លាយ​ជា​​មជ្ឈមណ្ឌល​​​សម្រាប់​បច្ចេកវិទ្យា​នវានុវត្តន៍​បច្ចេកវិទ្យា​ហិរញ្ញវត្ថុ (FinTech)​។​ យើង​​នឹង​រួម​ចំណែក​ក្នុង​ការ​នាំយក​ FinTech ទៅ​ក្នុង​អាស៊ាន ដែល​ចាប់​ផ្ដើម​ជាមួយ​ប្រទេស​កម្ពុជា​​»។

នៅ​ប្រទេស​កម្ពុជា ​សហគ្រាស​​ធុន​តូច​បំផុត​ តូច​ និង​មធ្យម​ (MSMEs)​​ មាន​ចំនួន ​៩៩ ​ភាគរយ ​នៃ​ពាណិជ្ជកម្ម​សរុប ដោយ​ពាណិជ្ជកម្ម​ភាគ​ច្រើន ​គឺ​សហគ្រាស​តូចៗ​ ដោយ​មាន​បុគ្គលិក​តិច​ជាង ​១០ ​នាក់​។ នេះ​​បើ​យោង​តាម​គណៈកម្មការ​សេដ្ឋកិច្ច និង​​សង្គម​របស់​អង្គការ​សហប្រជាជាតិ​ទទួល​បន្ទុក​​តំបន់​អាស៊ី ​និង​ប៉ាស៊ីហ្វិក។

របាយការណ៍​របស់​គណៈកម្មការ​នេះ​ក៏​​បាន​ឲ្យ​ដឹង​ដែរ​ថា ខណៈ​ដែល​កម្ចី P2P ឬ​​ហិរញ្ញប្បទាន​ជំនួស​ផ្សេង​ទៀត​ ​មិនមែន​ជា​​គំនិត​ថ្មី​ទាំង​ស្រុង​នោះ​នៅ​តំបន់​អាស៊ីអាគ្នេយ៍ ​ប្រទេស​កម្ពុជា ​នៅ​តែ​មាន​ឱកាស​​​ក្នុង​ការ​បំពេញ​សេវា​បែប​នោះ ដោយ​មាន ​MSME ៦៦ ​ភាគរយ ​ប្រឈម​នឹង​បញ្ហា​ក្នុង​ការ​ទទួល​បាន​ទុន​បង្វិល៕ LA

អត្ថបទគួរចាប់អារម្មណ៍

  • ខេត្តបាក់និញៈ សួនឧស្សាហ​កម្ម​ Yen Phong 1 Industrial Park នៅខេត្ត Bac Ninh ភាគខាងជើង​បាន​ក្លាយជា​​សួនឧស្សាហ​កម្មលើក​ដំបូង​នៅក្នុងប្រទេស​វៀតណាម ដែលទទួល​បាន​​បណ្ដាញ​ទូរគមនា​គមន៍​ 5G ដោយ​បច្ចេកវិទ្យាថ្មីនេះ​​ បានដាក់​​ឲ្យដំណើរការ​នៅទីតាំងនោះ​ដោយ​ក្រុមហ៊ុន Viettel កាល​ពីថ្ងៃព្រហស្បតិ៍។​​

  • ភ្នំពេញៈ កម្ពុជា​នាំចេញ​ទំនិញ​ទៅ​ទីផ្សារ​អាមេរិក​មានតម្លៃ​ជាង ៦ ​ពាន់​លាន​ដុល្លារ​ ក្នុង​រយៈពេល​ ១១ ​ខែ ឆ្នាំ​ ២០២០ កើន​ជាង ២២ ​ភាគរយ​ធៀបនឹង​រយៈពេល​ដូចគ្នា​ឆ្នាំ​ ២០១៩ ខណៈ​ទំហំ​ពាណិជ្ជកម្ម​ទ្វេភាគី​មានតម្លៃ​ជាង ៦,៣ ​ពាន់​លាន​ដុល្លារ​។ នេះ​បើ​យោងតាម​ទិន្នន័យ​ពី​ការិយាល័យ​ពាណិជ្ជកម្ម​អាមេរិក​។

  • ភ្នំពេញៈ ត្រឹម​រយៈពេល​ជិត​ ១ ​ខែ​ប៉ុណ្ណោះ​ចាប់ពី​ថ្ងៃទី​ ២០ ធ្នូ ដល់​ថ្ងៃទី​ ១៧ មករា ពលករ​ខ្មែរ​ដែល​បាន​វិលត្រឡប់​មកពី​ប្រទេស​ថៃ​តាម​ច្រក​នៃ​បណ្តា​ខេត្ត​ជាប់​ព្រំដែន​កម្ពុជា-ថៃ​ចំនួន​ ៦៩ ​នាក់ ​ត្រូវបាន​រកឃើញ​វិជ្ជមាន​កូវីដ​ ១៩ ដោយ​ក្នុង​នោះ​ពលករ​ដែល​បាន​ព្យាបាល​ជាសះស្បើយ​ ២១ ​នាក់​។

  • ស្ទឹងត្រែងៈ កម្លាំង​នគរបាល​ប្រឆាំង​គ្រឿងញៀន​គ្រោង​នឹង​បញ្ជូន​បុរស​ជនជាតិ​ឡាវ​​ ២ ​នាក់ និង​វត្ថុតាង​គ្រឿងញៀន​ជិត​ ៥០ ​គីឡូក្រាម​ទៅ​តុលាការ​នៅ​ព្រឹក​ថ្ងៃ​ចន្ទ​នេះ​ ខណៈ​ដែល​សមត្ថកិច្ច​កម្ពុជា​កំពុង​សហការ​ជាមួយ​សមត្ថកិច្ច​ឡាវ​ ដើម្បី​តាម​រក​ចាប់ខ្លួន​ជនជាតិ​ឡាវ​ ៤ ​នាក់​ទៀត​ដែល​រត់គេចខ្លួន​។

  • ភ្នំពេញៈ លោក ហង់ជួន ណារ៉ុន រដ្ឋមន្ត្រី​ក្រសួង​អប់រំ ​យុវជន និង​កីឡា​បាន​ដឹកនាំ​កិច្ចប្រជុំ​ដាក់​ចេញ​វិធានការ​បន្ថែម​ដល់​សាលារៀន​ដែល​កំពុង​ត្រូវបាន​ប្រើប្រាស់​ជា​មណ្ឌល​ចត្ដាឡីស័ក ពិសេស​សាលារៀន​តាម​ខេត្ដ​ជាប់​ព្រំដែន​ប្រទេស​ថៃ និង​វៀតណាម​ដើម្បី​ធ្វើយ៉ាងណា​ធានា​ផ្ដល់​ការសិក្សា​ដល់​សិស្ស​គ្រប់គ្នា​ក្នុង​ឆ្នាំ​សិក្សា​ថ្មី​នេះ​។

  • ភ្នំពេញៈ លោក​ឧបនាយករដ្ឋមន្ត្រី ស ខេង រដ្ឋមន្ត្រី​ក្រសួង​មហាផ្ទៃ​បាន​ណែនាំ​ឱ្យ​អាជ្ញាធរ​គ្រប់លំដាប់​ថ្នាក់​លុបបំបាត់​ការបង្ក​សំឡេង​រំខាន​លើស​កម្រិត​ដោយ​យានយន្ដ​គ្រប់​ប្រភេទ និង​លុបបំបាត់​កន្លែង​កែច្នៃ​បំពង់​ស៊ី​ម៉ាំង​ដែល​បង្ក​ភាព​រំខាន​ដល់​អារម្មណ៍ និង​សិទ្ធិ​រស់នៅ​របស់​ពលរដ្ឋ