The Phnom Penh Post Search

Search form




Logo of Phnom Penh Post newspaper Phnom Penh Post - លក់​Smart TV​ជាង​១​លាន​គ្រឿង

លក់​Smart TV​ជាង​១​លាន​គ្រឿង

លក់​Smart TV​ជាង​១​លាន​គ្រឿង

ក្រុង​បាងកកៈ នា​ពេល​ថ្មី​នេះ ក្រុម​ហ៊ុន Sumsung ដែល​ជា​ក្រុម​ហ៊ុន​ឈាន​មុខ​គេ​ផ្នែក​បច្ចេកវិទ្យា​ឌីជីថល បាន​ប្រកាស​ពី​ភាព​ជោគ​ជ័យ​ថ្មី​របស់​ខ្លួន ក្នុង​ការ​លក់​ទូរទស្សន៍ Smart TVs បាន​រហូត​ដល់​ជាង​១លាន​គ្រឿង​នៅ​អាមេរិក​។

ទូរទស្សន៍​ដែល​លក់​បាន​នេះ​មាន​ចំនួន​១,១៥​លាន​គ្រឿង​កាល​ពី​ខែ​តុលា ធៀប​នឹង​ការ​លក់​កាល​ពី​ឆ្នាំ​មុន ដែល​ក្រុម​ហ៊ុន​នេះ​លក់​បាន​ត្រឹម​តែ​ជិត​១​លាន​គ្រឿង​ប៉ុណ្ណោះ​។

លោក Gwihan Lee អគ្គ​នាយក​ក្រុម​ហ៊ុន Thai Sumsung Electronic Co.,Ltd ប្រចាំ​តំបន់​ឥណ្ឌូចិន បាន​មាន​ប្រសាសន៍​ថា​៖ «​ទូរទស្សន៍ Sumsung Smart TVs​ស៊េរី​ES-9000 គឺ​ជា​ខ្សែ​ត្រៀម​ជួរ​មុខ​នៃ​យុទ្ធសាស្រ្ត​ទីផ្សារ​ក្រុម​ហ៊ុន​ដើម្បី​ឆ្លើយ​តប​នឹង​តម្រូវ​ការ​ទូរទស្សន៍​ខ្នាត​ធំ​ដែល​កំពុង​កើន​ឡើង​»។

បច្ចេក​វិទ្យា Smart Interaction របស់​ក្រុម​ហ៊ុន Sumsung ផ្តល់​ឲ្យ​អតិថិជន​ដែល​ប្រើ​ប្រាស់​ទូរទស្សន៍ Smart TV នូវ​ជម្រើស​ដ៏​ឆ្លាត​វៃ​ជា​ច្រើន សម្រាប់​ការ​បញ្ជា​និង​ប្រើ​ប្រាស់​ទូរទស្សន៍​រវាង​អ្នក​ប្រើ​ប្រាស់ និង​អេក្រង់​ទូរទស្សន៍​ដោយ​មាន​ប្រព័ន្ធ​បញ្ជា​ដោយ​សំឡេង ដោយ​ដៃ​និង​ដោយ​ការ​ចំណាំ​ផ្ទៃ​មុខ​មនុស្ស។​ទូរទស្សន៍​Smart TV ស៊េរី​ថ្មី​របស់​ក្រុម​ហ៊ុន Sumsung បាន​បង្កើត​នូវ​បទ​ពិសោធ​ដ៏​អស្ចារ្យ​ដល់​អ្នក​ប្រើ​ប្រាស់​តាម​រយៈ​ការ​បើក ឬ​បិទ​ទូរទស្សន៍ ដំណើរ​ការ​កម្ម​វិធី ឬ​ស្វែង​រក​និង​អាន​ព័ត៌មាន​នៅ​លើ​អ៊ីនធឺណិត​ដោយ​ពុំ​ចាំ​បាច់​ប្រើ​តេឡេ​បញ្ជា​។ មិន​តែ​ប៉ុណ្ណោះ ទូរទស្សន៍​Sumsung Smart TV ២០១២​មាន​ភ្ជាប់​ជាមួយ​ម៉ាស៊ីន​ថត ដែល​អាច​កំណត់​ចលនា​នៅ​ខាង​មុខ​និង​មាន​មីក្រូហ្វូន ដែល​អាច​ចំណាំ​សំឡេង​បាន​ទៀត​ផង​៕

អត្ថបទគួរចាប់អារម្មណ៍