រយៈពេលប៉ុន្មានថ្ងៃបន្ទាប់ពីថ្ងៃប្រឡងថ្នាក់ទី ១២ ជារៀងរាល់ឆ្នាំសិស្សកម្រិតវិទ្យាល័យរមែងតែងស្វែងរកជំនាញសម្រាប់បន្តនៅតាមសាកលវិទ្យាល័យ មហាវិទ្យាល័យ មជ្ឈមណ្ឌលសិក្សា និងវិទ្យាស្ថាននានាទាំងវិស័យរដ្ឋ និងឯកជន។
ដោយសារការអប់រំកម្រិតខ្ពស់ថ្នាក់បរិញ្ញាបត្រ មានសារៈសំខាន់ក្នុងការប្រកបការងារនាពេលអនាគត វិទ្យាស្ថានខេមអេដប៊ីហ្សនេសស្គូល «CamEd Business School» ផ្តល់ជូននូវកម្មវិធីសិក្សាផ្នែកគណនេយ្យ ហរិញ្ញវត្ថុ និងប្រឡងដែលមានការទទួលស្គាល់ជាលក្ខណៈអន្តរជាតិ។
ចំពោះបទពិសោធខាងផ្នែកអប់រំវិញ វិទ្យាស្ថានខេមអេដប៊ីហ្សនេសស្គូល ផ្តល់ឱកាសដល់សិស្សនិស្សិតធ្វើការបណ្តុះបណ្តាល និងធ្វើការជាសវនករ ទីប្រឹក្សាពន្ធដារ ម្ចាស់អាជីវកម្ម អ្នកគ្រប់គ្រងហិរញ្ញវត្ថុ និងផ្នែកជាច្រើនទៀត។
ជាមួយការធានាឲ្យបាននូវគុណភាពនៃកម្មវិធីសិក្សាដ៏ប្រសើររួមបញ្ចូលទាំងកម្មវិធីសិក្សារបស់សមាគមគណនេយ្យករជំនាញ (ACCA) និងសញ្ញាបត្រជំនាញអ្នកបច្ចេកទេសផ្នែកគណនេយ្យ (CAT) ក្រុមនិស្សិតរបស់វិទ្យាស្ថានខេមអេដប៊ីហ្សនេសស្គូលត្រូវបានធ្វើការបណ្តុះបណ្តាល និងមានការទទួលស្គាល់ទូទាំងប្រទេស និងក្នុងឆាកអន្តរជាតិជាអ្នកជំនាញផ្នែកគណនេយ្យ និងជាគណនេយ្យករជំនាញអន្តរជាតិ។
បច្ចុប្បន្ននេះ លី វៃយី អាយុ ២១ ឆ្នាំជាសវនករនៅក្រុមហ៊ុន BDO (Cambodia) Limited បានប្រាប់កាសែតភ្នំពេញប៉ុស្តិ៍ ថាកញ្ញាត្រូវបានណែនាំឱ្យស្គាល់វិទ្យាស្ថានខេមអេដប៊ីហ្សនេសស្គូលពីសាច់ញាតិរបស់កញ្ញាថា ជាវិទ្យាស្ថានដែលមានស្តង់ដារ និងមានកម្មវិធីសិក្សាដែលមានឯកទេសក្នុងផ្នែកគណនេយ្យ។
ជាមួយនឹងការផ្តល់ទំនុកចិត្តបទពិសោធផ្នែកជំនាញ និងការធ្វើការងារជាក្រុមនៅវិទ្យាស្ថានខេមអេដ កញ្ញាបានចាប់អារម្មណ៍យ៉ាងខ្លាំងលើការសិក្សានៅវិទ្យាស្ថាននេះ ពីព្រោះវិទ្យាស្ថានខេមអេដបានផ្តល់ការបណ្តុះបណ្តាលលើកម្មវិធីសិក្សា CAT និង ACCA ដែលមានការទទួលស្គាល់ជាលក្ខណៈអន្តរជាតិ ១៨៣ ប្រទេសលើពិភពលោក។
កញ្ញា វៃយី ក៏បានបន្តថា៖ «ខ្ញុំត្រូវបានណែនាំឲ្យមកសិក្សានៅវិទ្យាស្ថានខេមអេដ ពីព្រោះការសិក្សាថ្នាក់បរិញ្ញាបត្រនៅវិទ្យាស្ថានខេមអេដរយៈពេល ៤ ឆ្នាំ និស្សិតនឹងទទួលបានសញ្ញាបត្រ ២ ក្នុងពេលតែមួយដោយក្នុងនោះរួមមាន សញ្ញាបត្របរិញ្ញាបត្រផ្នែកគណនេយ្យ និងហរិញ្ញវត្ថុ និង សញ្ញាបត្រជំនាញអ្នកបច្ចេកទេសផ្នែកគណនេយ្យ (CAT) ដែលមានការទទួលស្គាស់ជាអន្តរជាតិ។
តាមរយៈចំណេះដឹងផ្នែកភាសាអង់គ្លេស វិទ្យាស្ថានខេមអេដបានផ្តល់ជូននូវកម្មវិធីសិក្សាដែលវិទ្យាស្ថានផ្សេងមិនមានសម្រាប់សិស្សនិស្សិត ដោយនិស្សិតនឹងអាចទទួលបានសញ្ញាបត្រ ២ ក្នុងពេលតែមួយ បន្ទាប់ពីបញ្ចប់ការសិក្សា និងការសិក្សាដោយប្រើភាសាអង់គ្លេសជាភាសាគោលក្នុងការសិក្សា។ កញ្ញា វៃយី បន្តទៀតថាវាមានសារៈសំខាន់ និងបានជួយកញ្ញាជាច្រើនក្នុងដំណើរអាជីពការងាររបស់កញ្ញាដោយកញ្ញាបានសិក្សាស្វែងយល់ពីចំណេះដឹងមូលដ្ឋានអំពីគណនេយ្យ និងហិរញ្ញវត្ថុ។
កញ្ញាបានឲ្យដឹងថា៖ «ក្នុងជីវិតនៃការសិក្សានៅវិទ្យាស្ថាននេះ ខ្ញុំបានទទួលនូវបទពិសោធជាច្រើនដែលមិនអាចបំភ្លេចបាននៅក្នុងថ្នាក់រៀន ហើយខ្ញុំក៏បានរៀនសូត្រពីការងារសង្គម បន្ទាប់ពីចូលរួមនៅក្នុងសកម្មភាពជាច្រើនដូចជាការធ្វើការងារជាក្រុមការចូលរួមការប្រកួតកីឡាបាល់ទាត់ ការចូលរួមក្លិបអាជីវកម្មអន្តរជាតិ ការធ្វើជាអ្នករៀបចំកម្មវិធី និងគម្រោងការងារផ្សេងៗ និងសកម្មភាពជាច្រើនទៀត»។
«សកម្មភាពទាំងនេះគឺជាអ្វីដែលអាចបង្កើនទំនុកចិត្ត និងជំនាញទំនាក់ទំនងរបស់ខ្ញុំ។ ក្រៅពីការទទួលបាននូវចំណេះដឹងផ្នែកគណនេយ្យពីថ្នាក់រៀន ខ្ញុំក៏អាចកែលម្អ និងអភិវឌ្ឍនូវជំនាញផ្សេងៗទៀតផងដែរ»។
កញ្ញាបានបន្ថែមទៀតថា៖ «ក្នុងការប្រកបការងារនាពេលបច្ចុប្បន្ន ខ្ញុំសង្កេតឃើញថា វាជាផ្លូវដ៏ល្អសម្រាប់អនាគតរបស់ខ្ញុំជាមួយនឹងការអភិវឌ្ឍខ្លួនឯងជាមនុស្សម្នាក់ដែលមានអាជីពច្បាស់លាស់ក្នុងពេលបច្ចុប្បន្ន និងពេលអនាគត»។
ទន្ទឹមនឹងបច្ចេកទេសដ៏អស្ចារ្យក្នុងការបង្រៀនដើម្បីឲ្យសិស្សអាចយល់បានយ៉ាងងាយស្រួលហើយប្រកបដោយបរិក្ខារដ៏អស្ចារ្យ (បណ្ណាល័យ និងបន្ទប់អានសៀវភៅ) កញ្ញាបានបង្ហើបថា៖ «ការសិក្សានៅវិទ្យាស្ថានខេមអេដ គឺជាជម្រើសដ៏ល្អប្រសិនបើអ្នកចង់ចូលរួមក្នុងវិស័យជំនាញគណនេយ្យ និងហិរញ្ញវត្ថុ ហើយនិស្សិតទាំងនោះនឹងជួបជាមួយគ្រូបង្រៀនដែលមានបទពិសោធពីប្រទេសផ្សេងៗ» ។
វិទ្យាស្ថានមានតួនាទីយ៉ាងសកម្មក្នុងការជួយរៀបចំសកម្មភាពនានាដូចជា ក្លឹបសមាគមនិស្សិតដើម្បីរៀបចំព្រឹត្តិការណ៍សប្បុរសធម៌ ការប្រកួតកីឡា និងដំណើរកម្សាន្តបោះជំរំ ដែលជាចំណុចរួមមួយក្នុងការកសាងក្រុមការងារ និងជំនាញការងារឯករាជ្យរបស់សិស្ស។
លោក អ៊ុង ច័ន្ទសុផាឌណ្ណ ក្នុងវ័យ ២២ ឆ្នាំជាសហស្ថាបនិកនៃសមាគមនិស្សិតរបស់វិទ្យាស្ថានខេមអេដ និងកំពុងបន្តការសិក្សាជំនាញគណនេយ្យ និងហិរញ្ញវត្ថុនៅឆ្នាំទី ៤ បានឲ្យដឹងថា មុខវិជ្ជានេះគឺមានសារៈសំខាន់ខ្លាំង ពីព្រោះគ្រប់ក្រុមហ៊ុនទាំងអស់សុទ្ធតែត្រូវការអ្នកដែលមានជំនាញវិជ្ជាជីវៈផ្នែកហិរញ្ញវត្ថុ គណនេយ្យ ពន្ធ និងសវនកម្មត្រូវការអ្នកជំនាញផ្នែកនេះក្នុងទីផ្សារ។
លោក សុផាឌណ្ណ ថា៖ «ការសិក្សានៅសាលាល្អ គឺជាមោទនភាពមួយដើម្បីជំរុញនៅក្នុងការប្រកបការងារ ដើម្បីទទួលបានបទពិសោធ និងការបើកអាជីវកម្មផ្ទាល់ខ្លួន»។
រួមជាមួយជំនាញ គ្រូបង្រៀន និងអ្នកគ្រប់គ្រងដែលមានបទពិសោធ វិទ្យាស្ថានខេមអេដ មិនត្រឹមតែផ្តល់នូវជំនាញទ្រឹស្តីប៉ុណ្ណោះទេ ប៉ុន្តែថែមទាំងជំនាញទុនសម្រាប់ប្រកបរបរ អាជីវកម្ម និងការងារនៅក្នុងសង្គមថែមទៀត។
វិទ្យាស្ថានខេមអេដប៊ីហ្សនេសស្គូល គឺជាគ្រឹះស្ថានឧត្តមសិក្សាដែលត្រូវបានទទួលស្គាល់ជាអន្តរជាតិ និងគ្រប់គ្រងដឹកនាំដោយជនជាតិអាមេរិក ហើយវិទ្យាស្ថានខេមអេដ ជាវិទ្យាស្ថាននាំមុខគេនៅប្រទេសកម្ពុជាដែលផ្តោតលើការបង្រៀនជាចម្បងទៅលើជំនាញគណនេយ្យ ហរិញ្ញវត្ថុ និងសវនកម្ម។
លោក សុផាឌណ្ណ បានបន្ថែមទៀតថា វិទ្យាស្ថានខេមអេដជាគ្រឹះស្ថានខុសប្លែកពីគ្រឹះស្ថានដទៃទៀតនៅក្នុងប្រទេសខណៈពេលដែលនិស្សិតមានឱកាសទទួលបានសញ្ញាបត្រដែលមានការទទួលស្គាល់ខ្ពស់ដូចជាសញ្ញាបត្រផ្នែកគណនេយ្យ ហិរញ្ញវត្ថុ និងសញ្ញាបត្រជំនាញផ្នែកគណនេយ្យ (CAT) ពីចក្រភពអង់គ្លេស។
សម្រាប់ឆ្នាំសិក្សាថ្មីនេះសិស្សដែលមានបំណងចុះឈ្មោះសិក្សាត្រូវប្រឡងជាប់ថ្នាក់ទី ១២ ហើយត្រូវប្រឡងចូលជាភាសាអង់គ្លេស និងគណិតវិទ្យា រួមជាមួយការសម្ភាសជាភាសាអង់គ្លេស។ ប្រសិនបើសិស្សទាំងនោះមាន IELTS ដែលមានពិន្ទុ ៥,០ ឡើងសិស្សអាចលើកលែងការប្រឡងភាសាអង់គ្លេស។
វិទ្យាស្ថាន ខេមអេដប៊ីហ្សនេសស្គូល មានទីតាំងស្ថិតនៅកាច់ជ្រុងមហាវិថីព្រះនរោត្តម និងផ្លូវលេខ ១០៨ ហើយសម្រាប់ព័ត៌មានបន្ថែមអំពីការចុះឈ្មោះ សូមចូលទៅកាន់៖ https://app.cam-ed.com/beta/ba-register ៕