The Phnom Penh Post Search

Search form

វិធានការ​លើ​ប្រាក់​បាត ​ថៃ ​ត្រូវ​បាន​ជំរុញ

Content image - Phnom Penh Post
បុគ្គលិក​ធនាគារ​កំពុង​រាប់​ប្រាក់​បាត​នៅ​ធនាគារមួយ​នា​ទីក្រុ​ង​បាងកក។ រូបថត AFP

វិធានការ​លើ​ប្រាក់​បាត ​ថៃ ​ត្រូវ​បាន​ជំរុញ

ក្រុង​បាងកកៈ វិស័យ​ឯកជន​នៅ​ប្រទេស​ថៃ​បាន​ស្នើ​ឲ្យ​រដ្ឋាភិបាល និង​ធនាគារ​កណ្តាលថៃ​រៀប​ចំកិច្ច​ប្រជុំ​មួយ​ស្តីពីការ​ស្វែង​រក​មធ្យោបាយ​ដើម្បី​ទប់ស្កាត់​កំណើន​ថ្លៃ​ប្រាក់​បាត​ខ្ពស់ ដែល​កំពុង​ធ្វើ​ឲ្យ​ប្រាក់​បាត​ក្លាយ​ជា​រូបិយប័ណ្ណ​មួយ​​ក្នុង​ចំណោម​រូបិយប័ណ្ណ​ដែល​​ឡើង​ថ្លៃ​ខ្ពស់​នៅ​អាស៊ី។

លោក Kalin Sarasin ប្រធាន​គណៈ​កម្មាធិការ​អចិន្ត្រៃយ៍​រួម​ស្តីពី​ពាណិជ្ជកម្ម ឧស្សាហកម្ម និង​ធនាគារ​ (JSCCIB) ​ឲ្យ​ដឹងថា គណៈកម្មាធិការ​នេះ នឹង​ស្នើ​ឲ្យ​យក​សប្តាហ៍​ក្រោយ​នេះ សម្រាប់​ការ​ជួប​ប្រជុំ​របស់​ក្រុម​អ្នក​បង្កើត​គោល​នយោបាយ​។

លោក​បាន​បន្ត​ឲ្យ​ដឹង​ថា ប្រាក់​បាត​មាន​តម្លៃ​ខ្ពស់​ពេក ហើយ​កំពុង​ជះ​ឥទ្ធិពល​លើ​ក្រុមហ៊ុន​នាំចេញ​របស់​ថៃ និង​ឧស្សាហកម្ម​ទេសចរណ៍​ថៃ។ លោក​បាន​បន្ថែម​ថា វិស័យ​ពាណិជ្ជកម្ម សង្ឃឹមថា រដ្ឋាភិបាល​នឹង​ដោះ​ស្រាយ​បញ្ហា​នេះ​យ៉ាង​ឆាប់​រហ័ស។

លោក​ Kalin បាន​បន្ត​ឲ្យ​ដឹង​ថា៖ «​ប្រាក់​បាត​បាន​ឡើង​ថ្លៃ​ជិត ​១២​ភាគ​រយ (គិត​ចាប់តាំង​ពី​ដើម​​ឆ្នាំ​២០១៧​មក) ធៀប​នឹង​ប្រាក់​ដុល្លារ ដោយ​បាន​ជំរុញ​ឲ្យ​វិស័យ​ពាណិជ្ជកម្ម​មាន​ក្តី​បារម្ភ»។

លោក​បាន​មាន​ប្រសាសន៍​ទៀត​ថា៖ «​[តម្លៃ​នេះ​មាន​កម្រិត​​ខ្ពស់​] បើ​ធៀប​នឹង​រូបិយប័ណ្ណ​របស់​ប្រទេស​ជិត​ខាង ដូចជា​ប្រាក់​រីងហ្គីត​របស់​ម៉ាឡេស៊ី ដែល​បាន​កើន​ឡើង​ ៩​ភាគ​រយ ប្រាក់​ប៉េសូ​របស់​ហ្វីលីពីន [​ដែល​បាន​ឡើង​ថ្លៃ ៧​ភាគ​រយ] និង​ប្រាក់​ដុង​របស់​វៀតណាម [ដែល​ឡើង​ថ្លៃ​ ១​ភាគ​រយ]​»។

នៅ​ដើម​សប្តាហ៍​នេះ ប្រាក់​បាត​បាន​ឡើង​ថ្លៃ​ដល់​តម្លៃ​ខ្ពស់​បំផុត​ក្នុង​ពេល​ ៤០​ខែ ធៀប​នឹង​ប្រាក់​ដុល្លារ​នៅ​តម្លៃ ៣២,១០​បាត ដែល​បើ​គិត​ចាប់​ពី​ដើម​ឆ្នាំ​រហូត​មក​ដល់​ពេល​នេះ រូបិយ​ប័ណ្ណ​នេះ​បាន​កើន​ឡើង ១,២​ភាគ​រយ ពោល​គឺជា​កំណើន​ថ្លៃ​ខ្ពស់​បំផុត​ក្នុង​ចំណោម​រូបិយប័ណ្ណ​ក្នុង​តំបន់​អាស៊ី។ នៅ​ឆ្នាំ​២០១៧ ប្រាក់​បាត​គឺ​ជា​រូបិយប័ណ្ណ​ដែល​បាន​ឡើង​ថ្លៃ​ខ្ពស់​បំផុត បន្ទាប់​ពី​ប្រាក់​វ៉ុន​​របស់​កូរ៉េ​ខាង​ត្បូង។

កាល​ពី​ថ្ងៃ​សុក្រ ធនាគារ​កណ្តាល​ថៃ​បាន​ឲ្យ​ដឹង​ថា ខ្លួន​បាន​ត្រៀម​ខ្លួន​រួច​រាល់​ហើយ​ដើម្បី​ចាត់​វិធាន​ការ បើ​ប្រាក់​បាត​ឡើង​ថ្លៃ​ល្មម​នឹង​អាច​ធ្វើ​ឲ្យ​ប៉ះពាល់​ដល់​វិស័យ​ឯកជន​នោះ។

លោក Mathee Supapongse ទេសាភិបាល​រង​ធនាគារ​កណ្តាល​ថៃ​ថ្លែង​ថា ធនាគារ​កណ្តាល​កំពុង​ពិនិត្យ​តាម​ដាន​ទីផ្សារ​រូបិយប័ណ្ណ​បរទេស ហើយ​នឹង​ចាត់​វិធានការ​ដើម្បី​ទប់​ស្កាត់​កំណើន​ថ្លៃ​ប្រាក់​បាត​ បើ​រូបិយប័ណ្ណ​មួយ​នេះ​ឡើង​ថ្លៃ​ខ្លាំង​ពេក​ដែល​ពិបាក​នឹង​ឲ្យ​​​ក្រុមហ៊ុន​ក្នុង​ស្រុក​សម្រប​ខ្លួន​តាម​នោះ៕ BP

អត្ថបទគួរចាប់អារម្មណ៍

  • សណ្ឋាគារ​ប្រណីត​នៅ​កោះរ៉ុង បើក​ជា​ផ្លូវការ

    ភ្នំពេញៈ សណ្ឋាគារ​ដ៏ប្រណីត Royal Sands នៅលើ​កោះរ៉ុង​របស់​លោក គិត ម៉េង បាន​បើក​ដំណើរការ​ជា​ផ្លូវការ​កាលពី​ថ្ងៃ​ម្សិលមិញ ដែល​គេ​រំពឹង​ថា​នឹង​ទាក់ទាញ​ភ្ញៀវទេសចរ​កាន់តែ​ច្រើន​។

  • ដំរី​ដែល​ចូល​ចម្ការ​អ្នក​ភូមិ​បាន​គេច​ទៅ​ភ្នំ​ដងរែក

    ឧត្តរមានជ័យៈ ក្រុម​មន្ត្រី​បាន​និយាយ​ថា​សត្វ​ដំរី​ញី​មួយ​ក្បាល​ដែល​បាន​ចូល​លុកលុយ​ក្នុង​ចម្ការ​អ្នកភូមិ​រំដួល​ចាស់ ឃុំ​អម្ពិល ស្រុក​បន្ទាយ​អម្ពិល ខេត្ត​ឧត្តរមានជ័យ​កាលពី​ព្រឹក​ថ្ងៃ​អាទិត្យ​នោះ​បាន​គេច​ខ្លួន​ចូល​ទៅ​ក្នុង​តំបន់​ជួរ​ភ្នំ​ដងរែក​វិញ​ហើយ ខណៈ​ដែល​ក្រុម​មន្ត្រី​ជំនាញ​បរិស្ថាន និង​អាជ្ញាធរ​កំពុង​បន្ត​ឃ្លាំ​មើល​ពី​ដំណើរ​របស់​វា​។

  • ព្រះមហាក្សត្រ​អំពាវនាវ​ឲ្យ​ធានា​ការពារ​យុត្តិធម៌​ និង គោរព​សិទ្ធិ​មនុស្ស

    ភ្នំពេញៈ ក្រោយពី​ឈ្នះ​អាសនៈ​ទាំង​ ៥៨ ដោយ​មិន​មាន​អតីត​បក្ស​សង្គ្រោះ​ជាតិ​ដែល​ជា​គូប្រកួត​ដ៏ស័ក្តិសម​នឹង​គ្នា​សម្រាប់​ការបោះឆ្នោត​ព្រឹទ្ធសភា​ពី​ខែ​កុម្ភៈ គណបក្ស​កាន់​អំណាច​ដែល​ទទួល​ជ័យជម្នះ​បាន​បន្ត​គ្រប់គ្រង​ស្ថាប័ន​នីតិប្បញ្ញត្តិ​ជាថ្មី​ដោយ​បើក​សម័យប្រជុំ​លើក​ដំបូង នីតិកាល​ទី​ ៤ ​នៃ​ព្រឹទ្ធសភា​ពី​ម្សិលមិញ​ក្រោម​ព្រះរាជាធិបតីភាព​ព្រះមហាក្សត្រ​ព្រះបាទ​សម្តេច​ព្រះនរោត្តម សីហមុនី ដែល​ព្រះអង្គ​អំពាវនាវ​ឲ្យ​មាន​ការធានា​ការពារ​យុត្តិធម៌ និង​គោរព​សិទ្ធិ​មនុស្ស និង​រួម​សាមគ្គី​គ្នា​ជា​ធ្លុង​មួយ​។

  • នាយក​រដ្ឋមន្ត្រី​បញ្ជា​ឲ្យ​ដកហូត​កោះ​ ៣០ ​មក​វិញ និង​ឲ្យ​ពិនិត្យ​អ្នក​នៅ​ពី​ក្រោយ​ការទន្ទ្រាន​យក​ដី

    ព្រះសីហនុៈ លោក​នាយករដ្ឋមន្ត្រី ហ៊ុន សែន បាន​បញ្ជា​ឲ្យ​ដកហូត​កោះ​ដែល​មិន​បាន​អភិវឌ្ឍ​ប្រមាណ​ ៣០ ​មក​វិញ​ ខណៈ​អត្តសញ្ញាណ​របស់​ម្ចាស់​ក្បាល​ដី​ចំនួន​ ៥៨៤ ​ដែល​មាន​ទាំង​មន្ត្រី​មាន​អំណាច​កំពុង​ត្រូវបាន​ពិនិត្យ​រឿង​នៅ​ពី​ក្រោយ​ខ្នង​ការកាប់​ទន្ទ្រាន​យក​ដី​ដ៏ក្តៅគគុក​នៅ​កោះរ៉ុង ហើយ​មន្ត្រី​ជាន់ខ្ពស់​ខ្លះ​នឹង​មិន​ត្រូវ​ឲ្យ​ចូលរួម​បង្កើត​រដ្ឋាភិបាល​ថ្មី​នៅ​​អាណត្តិ​ក្រោយ​ឡើយ​។