​វិនិយោគិន​បារម្ភ​ពី សង្គ្រាម​ពាណិជ្ជកម្ម​ជា​ថ្មី​របស់ ត្រាំ​

អ្នកដំណើរដើរកាត់ក្តារអេឡិចត្រូនិកនៃសន្ទស្សន៍ផ្សារហ៊ុននៅសេអ៊ូល។ រូបថត AFP

ហុងកុងៈ តម្លៃទីផ្សារអាស៊ីភាគច្រើនបានស្ទុះងើបឡើងវិញពីការខាតបង់លើកមុនកាលពីថ្ងៃពុធ ប៉ុន្តែក្រុមវិនិយោគិននៅតែបារម្ភដោយសារលទ្ធភាពនៃសង្គ្រាមពាណិជ្ជកម្មអាមេរិក និងអឺរ៉ុប (EU) បានផ្លាស់ប្តូរទៅជាចំណុចរួមបន្ទាប់ពីការគំរាមកំហែងពន្ធនាំចូលរបស់ទីក្រុងវ៉ាស៊ីនតោន ខណៈទីផ្សារទាំងនោះកំពុងរងក្ដីបារម្ភដោយសារភាពមិនច្បាស់លាស់នៃ Brexit។

ការព្រមានពីរដ្ឋបាលរបស់ប្រធានាធិបតីអាមេរិក ដូណាល់ ត្រាំ ថា នឹងយកពន្ធលើការនាំចូលអឺរ៉ុបមានតម្លៃជាង ១១ ពាន់លានដុល្លារបានធ្វើឲ្យភ្ញាក់ផ្អើលដល់ក្រុមវិនិយោគិនដែលកំពុងមានសុទិដិ្ឋនិយមលើការចរចាពាណិជ្ជកម្ម ចិន-អាមេរិក។

ការអភិវឌ្ឍដែលជាប់ទាក់ទងនឹងការឧបត្ថម្ភធនរបស់ EU សម្រាប់ក្រុមហ៊ុនផលិតយន្តហោះ Airbus ដែលលោក ត្រាំ ឲ្យដឹងថា ធ្វើឲ្យប៉ះពាល់ដល់ Boeing ជាក្រុមហ៊ុនឈានមុខគេរបស់អាមេរិក ដែលបានធ្វើឲ្យមានក្តីបារម្ភអំពីរបៀបវារៈគាំពារនិយមយ៉ាងខ្លាំងរបស់សេតវិមាន ដែលបានធ្វើឡើងសំដៅលើដៃគូពាណិជ្ជកម្មធំជាងគេរបស់ខ្លួនចាប់តាំងពីឡើងកាន់តំណែងមក។

លោក Stephen Innes នៅក្រុមហ៊ុន SPI Asset Management បានថ្លែងថា៖ «បញ្ហាទីផ្សារភាគហ៊ុនគឺថា នេះអាចធ្វើឲ្យមានភាពអវិជ្ជមានច្រើនជុំវិញដំណោះស្រាយពាណិជ្ជកម្ម ដោយសារការគំរាមកំហែងផ្នែកពាណិជ្ជកម្មរបស់អាមេរិកដែលបន្តអនុវត្តដាក់សម្ពាធលើសម្ព័ន្ធមិត្តយូរអង្វែង»។

លោកថ្លែងថា៖ «មិត្ត ឬសត្រូវ រឿងចុងក្រោយបំផុតបង្ហាញថា មិនមានប្រទេសត្រូវលើកលែងពីការខឹងសម្បាយ៉ាងខ្លាំងនៃរបៀបវារៈពាណិជ្ជកម្មរបស់លោកប្រធានាធិបតី ត្រាំ នោះទេ»។

វិធានការនេះអាចធ្វើឲ្យប៉ះពាល់ដល់កំណើនតម្លៃដែលបានមើលឃើញទីផ្សារភាគហ៊ុននៅទូទាំងពិភពលោក។

សន្ទស្សន៍ Wall Street នៅតំបន់ដ៏សំខាន់ទាំង ៣ បានបញ្ចប់ការជួញដូរក្នុងកម្រិតទាបកាលពីថ្ងៃអង្គារ ខណៈការខាតបង់បានរីករាលដាលសន្សឹមៗរហូតដល់តំបន់អាស៊ី។

តម្លៃផ្សារហ៊ុនហុងកុង បានធ្លាក់ចុះ ០,១ ភាគរយ និងផ្សារហ៊ុនតូក្យូបានបញ្ចប់ ០,៥ ភាគរយ ខណៈមានការខាតបង់នៅផ្សារហ៊ុន Wellington និងផ្សារហ៊ុន Jakarta ផងដែរ។

ប៉ុន្តែតម្លៃផ្សារហ៊ុននៅ Seoul បានកើនឡើង ០,៥ ភាគរយ និងផ្សារហ៊ុន Singapore បានកើនឡើង ០,១ ភាគរយ ជាមួយនឹងផ្សារហ៊ុន Sydney ផ្សារហ៊ុន Taipei ផ្សារហ៊ុន Manila និងផ្សារហ៊ុន Bangkok ក៏កើនឡើងផងដែរ។

ភាពចលាចលក្នុងពាណិជ្ជកម្មពិភពលោកស្ថិតក្នុងចំណោមមូលហេតុសំខាន់ៗ ដែលរូបិយវត្ថុអន្តរជាតិកាត់បន្ថយការព្យាករកំណើនសេដ្ឋកិច្ចពិភពលោកឆ្នាំ ២០១៩ របស់ខ្លួនជាមួយនឹង Brexit ដែលបន្ថែមដល់ការបារម្ភរបស់ខ្លួន៕AFP/LA

វិនិយោគិនបារម្ភពី សង្គ្រាមពាណិជ្ជកម្មជាថ្មីរបស់ ត្រាំ

ព័ត៌មានថ្មីៗ

វីដេអូ

វិនិយោគិន​បារម្ភ​ពី សង្គ្រាម​ពាណិជ្ជកម្ម​ជា​ថ្មី​របស់ ត្រាំ

សេដ្ឋកិច្ច

ព័ត៌មានថ្មីៗ

វីដេអូ

វិនិយោគិនបារម្ភពី សង្គ្រាមពាណិជ្ជកម្មជាថ្មីរបស់ ត្រាំ