ទីក្រុងហ្សាការតា៖ ទំហំការហោះហើរក្នុងស្រុក និងអន្តរជាតិរបស់ប្រទេសឥណ្ឌូនេស៊ី ត្រូវបានរំពឹងងើបឡើងវិញពេញលេញនៅឆ្នាំ ២០២៦ ដោយសារការបន្តទប់ស្កាត់ការផ្ទុះឡើងជំងឺកូវីដ ១៩ ឲ្យបានភាគច្រើន តាមគម្រោងផែនការ។ នេះបើយោងតាមការសិក្សាថ្មី។
ការហោះហើរក្នុងស្រុករំពឹងថា នឹងងើបឡើងវិញដល់កម្រិតមុនការរីករាលដាលកូវីដ ១៩ នៅឆ្នាំ ២០២៤ ចំណែកទំហំការហោះហើរអន្តរជាតិនឹងត្រូវការពេលដល់ឆ្នាំ ២០២៦។ នេះបើយោងតាមការសិក្សាធ្វើឡើងដោយសាកលវិទ្យាល័យ Padjadjaran (UNPAD) រួមសហការដោយសមាគមអាកាសចរណ៍ជាតិឥណ្ឌូនេស៊ី (INACA)។
ក្រុមអ្នកស្រាវជ្រាវនៃ UNPAD បានពន្យល់ថា ទិន្នន័យបានបង្ហាញថា ប្រទេសឥណ្ឌូនេស៊ី បានបញ្ចប់កម្មវិធីចាក់វ៉ាក់សាំងដំណាក់កាលទី២ ដោយជោគជ័យដល់ប្រជាពលរដ្ឋ ៣៨,៨៧ លាននាក់ ត្រឹមខែមីនា ឆ្នាំ ២០២២ ហើយថា ភាគច្រើននៃប្រទេសក្នុងតំបន់អាស៊ីអឺរ៉ុប និងអាមេរិកមានសុទិដ្ឋនិយមចំពោះកម្មវិធីចាក់វ៉ាក់សាំងត្រឹមឆ្នាំនោះ ដូចដែលបានគ្រោងទុក៕ The Jakarta Post-ANN/RR