The Phnom Penh Post Search

Search form




Logo of Phnom Penh Post newspaper Phnom Penh Post - វៀតណាម​យល់ព្រម​ការបង្កើត​ក្រុមហ៊ុន​អាកាសចរណ៍​ទី​ ៦

វៀតណាម​យល់ព្រម​ការបង្កើត​ក្រុមហ៊ុន​អាកាសចរណ៍​ទី​ ៦

វៀតណាម​យល់ព្រម​ការបង្កើត​ក្រុមហ៊ុន​អាកាសចរណ៍​ទី​ ៦

ទីក្រុង​ហាណូយៈ នាយករដ្ឋមន្ត្រី​វៀតណាម​លោក Nguyen Xuan Phuc ក្នុងពេល​ថ្មីៗ​នេះ​បាន​យល់ព្រម​ដល់​ការចេញ​អាជ្ញាប័ណ្ណ​ដល់​ក្រុមហ៊ុន​អាកាសចរណ៍ Vietravel ថ្មី​របស់​ប្រទេស​នេះ​សម្រាប់​ការដឹកជញ្ជូន​តាមផ្លូវ​អាកាស​ដែល​ធ្វើឱ្យ​ក្រុមហ៊ុន​នេះ​កា្លយ​ជា​ក្រុមហ៊ុន​អាកាសចរណ៍​ទី​ ៦ ​នៅ​វៀតណាម​។

នាយករដ្ឋមន្ត្រី​បាន​ប្រគល់​ភារកិច្ច​ដល់​ក្រសួង​ដឹកជញ្ជូន​ (MoT) ​ដើម្បី​បញ្ជាក់​សមត្ថភាព​ផ្នែក​ហិរញ្ញវត្ថុ​នៃ​ក្រុមហ៊ុន​ថ្មី​នេះ ដើម្បី​ធានា​មាន​ទុន​អតិបរមា​ដែល​ច្បាប់​តម្រូវ​សម្រាប់​ប្រតិបត្តិការ​ក្រុមហ៊ុន​អាកាសចរណ៍ Vietravel នេះ​។

ផ្អែក​តាម​សេចក្តី​ណែនាំ​នោះ​ក្រសួង​ដឹកជញ្ជូន​វៀតណាម​នឹង​សម្រេច​ថា តើ​ពេលណា​ត្រូវ​ចេញ​នូវ​អាជ្ញាប័ណ្ណ​អាជីវកម្ម​ដឹកជញ្ជូន​ផ្លូវអាកាស​ដល់​ក្រុមហ៊ុន​អាកាសចរណ៍ Vietravel​។

ការសម្រេច​នេះ​ធ្វើឱ្យ​អាកាសចរណ៍ Vietravel ក្លាយជា​ក្រុមហ៊ុន​អាកាសចរណ៍​ទី​ ៦ ​របស់​ប្រទេស​នេះ បន្ទាប់ពី​ក្រុមហ៊ុន​អាកាសចរណ៍ Vietnam Airlines, Vietjet Air, Jetstar, VASCO និង Bamboo Airways ដោយ​កំពុង​ប្រតិបត្តិ​ការហោះហើរ​។

ថ្មីៗ​នេះ​លោក Nguyen Quoc Ky ប្រធាន​នៃ​ក្រុមហ៊ុន​អាកាសចរណ៍ Vietravel បាន​និយាយថា ក្រុមហ៊ុន​នេះ​មាន​ផែនការ​ដើម្បី​ហោះហើរ​លើក​ដំបូង​នៅ​ថ្ងៃទី​ ១៨ ​ខែ​ធ្នូ​ឆ្នាំនេះ ហើយ​ក្នុង​រយៈពេល​ខ្លី ក្រុមហ៊ុន​អាកាសចរណ៍​នេះ​នឹង​បម្រើ​ការហោះហើរ​ក្នុង​ស្រុក​ជាមុនសិន ដោយ​បម្រើ​សេវាកម្ម​ជូន​ដល់​ក្រុមហ៊ុន​ទេសចរណ៍​ផ្សេងៗ ហើយ​លើស​ពី​នេះ​ទៀត គឺ​ការបម្រើ​សេវា​ហោះហើរ​ដល់​ក្រុម​ពាណិជ្ជកម្ម​។

កាលពី​ខែ​មេសា​លោក​ឧបនាយករដ្ឋមន្ត្រី Trinh Dinh Dung បាន​ចុះហត្ថលេខា​លើ​សេចក្តី​សម្រេចចិត្ត​មួយ​ដោយ​អនុម័ត​នូវ​គោលនយោបាយ​វិនិយោគ​របស់​ក្រុមហ៊ុន​អាកាសចរណ៍​ Vietravel ជាមួយ​ទុនវិនិយោគ​សរុប ៧០០ ​ពាន់​លាន​ដុង​ ($៣០,២ ​លាន​)​។

លោក Nguyen Quoc Ky បាន​ឱ្យដឹង​ទៀតថា ដោយមាន​មូលដ្ឋាន​ក្នុង​អាកាសយានដ្ឋាន​អន្តរជាតិ Phu Bai ក្នុង​ខេត្ត Thua Thien Hue ក្រុមហ៊ុន​អាកាសចរណ៍ Vietravel នឹង​ផ្តល់នូវ​សេវាកម្ម​ដឹកជញ្ជូន​តាម​ផ្លូវ​អាកាស​ទាំង​ក្នុងប្រទេស​ និង​អន្តរជាតិ​ដែល​នឹងចូលរួម​ធ្វើឱ្យ​ប្រសើរ​ឡើង​នូវ​សមត្ថភាព​ដឹកជញ្ជូន​តាម​ផ្លូវ​អាកាស​របស់​ប្រទេស​វៀតណាម និង​ការអភិវឌ្ឍ​ឧស្សាហកម្ម​ដឹក​អ្នកដំណើរ​ និង​ទេសចរណ៍​ព្រម​ជាមួយ​នឹង​ការអភិវឌ្ឍ​សេដ្ឋកិច្ច​សង្គម​របស់​ប្រទេស​នេះ​ផងដែរ​៕ VNS_ANN/RR

អត្ថបទគួរចាប់អារម្មណ៍

  • ភ្នំពេញៈ ប្រទេស​ កាតា បាន​ចុះ​អនុស្សរណៈ​ជាមួយ​ក្រសួង​អប់រំ យុវជន និង​កីឡា​លើ​គម្រោង​អភិវឌ្ឍន៍​ដើម្បី​កុមារ​ដំណាក់កាល​ទី​២ ដោយ​ផ្ដល់​មូលនិធិ​ជា​ថវិកា​ជាង​ ១៣ ​លាន​ដុល្លារ​អាមេរិក ដើម្បី​រួមចំណែក​ពង្រឹង​វិស័យ​អប់រំ​កម្ពុជា​ដោយ​ផ្ដោតលើ​កុមារ​ងាយ​រងគ្រោះ​ក្នុង​ការសិក្សា​នៅ​កម្រិត​បឋមសិក្សា ស្របតាម​គោលដៅ​អភិវឌ្ឍន៍​ប្រកប​ដោយ​ចីរភាព​ឆ្នាំ​ ២០៣០​។

  • ភ្នំពេញៈ ក្រុមហ៊ុន Asiatic Group (Holdings) Ltd ដែលមាន​មូលដ្ឋាន​នៅ​ប្រទេស​សិង្ហបុរី​កំពុង​ស្វែងរក​ការទាមទារ​ទឹកប្រាក់​ចំនួន​ ១៤,៤ ​លាន​ដុល្លារ​ ពី​ក្រុមហ៊ុនតំបន់​សេដ្ឋកិច្ច​ពិសេស​ភ្នំពេញ (PPSP) ​ដែល​ចុះបញ្ជី​នៅ​ក្រុមហ៊ុន​ផ្សារមូលបត្រ​កម្ពុជា (CSX) ចំពោះ​ការចោទប្រកាន់​ដែល​ថា​បាន​រំលោភ​លើ​កិច្ចព្រមព្រៀង​វិនិយោគ​រួម (JV) នៃ​រោងចក្រ​ថាមពល​មួយ​។

  • ភ្នំពេញៈ មន្ត្រី​នៃ​ក្រសួង​ការងារ និង​បណ្តុះបណ្តាល​វិជ្ជាជីវៈ​បាន​អះអាង​ថា កម្ពុជា និង​សិង្ហបុរី​បាន​ប្តេជ្ញា​បន្ត​កិច្ចសហការ​គ្នា​ឱ្យ​កាន់តែ​រឹងមាំ​ថែមទៀត ក្នុង​ការពង្រីក​លើ​វិស័យ​ការងារ និង​បណ្តុះបណ្តាល​ធនធាន​មនុស្ស​របស់​កម្ពុជា​ជាពិសេស​នៅក្នុង​បរិបទ​នៃ​ជំងឺ​​កូវីដ ​១៩​។

  • ភ្នំពេញ៖ ត្រឹមតែ​រយៈពេល ​១០ ​ខែ​ ភោជនីយដ្ឋាន ​Uncle Fu បាន​ធ្វើ​ឱ្យ​ភ្ញៀវ​​ចម្រុះ​ជាតិ​សាសន៍​ជាប់​ចិត្ត​នឹង​រសជាតិ​​ម្ហូប​ម៉ាឡេស៊ី​ និង​សិង្ហបុរី​។

  • កំពតៈ រោងចក្រ​ផលិត​ឥដ្ឋ​ដ៏ធំ​មួយ​ក្នុង​ខេត្តកំពត ដែល​មាន​ទុនវិនិយោគ ៩ ​លាន​ដុល្លារ​ជា​ការវិនិយោគ​រួមគ្នា​រវាង​វិនិយោគិន​ក្នុងស្រុក និង​វិនិយោគិន​មកពី​ប្រទេស​ចិន​បាន​សម្ពោធ​បើក​ដំណើរការ​ជា​ផ្លូវការ​ហើយ​កាលពី​ថ្ងៃអាទិត្យ ដោយ​អាចមាន​សមត្ថភាព​ផលិត​ឥដ្ឋ​បាន​ប្រមាណ ៨០ ​ម៉ឺន​ដុំ​ក្នុង​ ១ ​ថ្ងៃ​។

  • ភ្នំពេញៈ អគ្គស្នងការរង​នគរបាល​ជាតិ លោក ស ថេត ជំរុញ​ឱ្យ កងកម្លាំង​ប្រដាប់អាវុធ និង​មន្ត្រីរាជការ​ត្រូវ​ធ្វើជា​គំរូ​ដ៏ល្អ​សម្រាប់​ប្រជាពលរដ្ឋ​ទូទៅ​ក្នុង​ការគោរព​ច្បាប់​ចរាចរណ៍​នៅលើ​ដងផ្លូវ ដោយ​លោក​ប្រាប់​ឱ្យ​មន្ត្រី​នគរបាល​ចរាចរណ៍​កុំ​ភ័យខ្លាច​ក្នុង​ការអនុវត្ត​ច្បាប់​លើ​មន្ត្រី​ជាន់ខ្ពស់​ណា​ដែល​ប្រព្រឹត្ត​ខុស ខណៈ​ការបើកបរ​ល្មើសច្បាប់​នៅតែ​ជា​បញ្ហា​សម្រាប់​កម្ពុជា​។