ទីក្រុងប៉េកាំងៈ ការិយាល័យជាតិស្ថិតិ (NBS) បានឲ្យដឹងកាលពីថ្ងៃអង្គារថា សន្ទស្សន៍តម្លៃទំនិញប្រើប្រាស់ (CPI) របស់ប្រទេសចិនដែលជាការវាស់វែងអតិផរណាដ៏សំខាន់មួយបានកើនឡើង ០,៩ ភាគរយធៀបនឹងរយៈពេលដូចគ្នាកាលពីឆ្នាំមុនកាលពីខែមេសា ធៀបនឹងកំណើន ០,៤ ភាគរយកាលពីខែមីនា។
កម្រិតនៃតម្លៃបានធ្លាក់ចុះ CPI ០,៣ ភាគរយធៀបនឹងរយៈពេលដូចគ្នាកាលពីខែមុន។ ជាមួយនឹងការផលិតសាច់ជ្រូកកើនឡើង តម្លៃសាច់ជ្រូកបន្តធ្លាក់ចុះ ១១ ភាគរយកាលពីខែមេសាធៀបនឹងខែមីនា ដែលបណ្ដាលឲ្យតម្លៃអាហារជារួមធ្លាក់ចុះ ២,៤ ភាគរយ។
កាលពីខែមេសា កំណើន CPI ស្នូល ដែលមិនរាប់បញ្ចូលតម្លៃអាហារ និងថាមពលបានកើនឡើង ០,៧ ភាគរយធៀបនឹងរយៈពេលដូចគ្នាកាលពីឆ្នាំមុន កើនឡើងពី ០,៣ ភាគរយធៀបនឹងរយៈពេលដូចគ្នាកាលពីខែមីនា។
កម្រិតនៃតម្លៃមិនមែនអាហារភាគច្រើនត្រូវបានជំរុញដោយកំណើនដ៏រឹងមាំផ្នែកទេសចរណ៍ក្នុងអំឡុងថ្ងៃឈប់សម្រាក។ ដោយសារតែជំងឺកូវីដ១៩ត្រូវបានគ្រប់គ្រងប្រកបដោយប្រសិទ្ធភាព ប្រជាជនកាន់តែច្រើនបានចេញធ្វើដំណើរ ដែលបណ្ដាលឲ្យតម្លៃកើនឡើងសម្រាប់សំបុត្រយន្តហោះកើនឡើង ២១,៦ ភាគរយ សេវាទីភ្នាក់ងារធ្វើដំណើរ កើនឡើង ៥,៣ ភាគរយការជួលរថយន្ត កើនឡើង ៤,៣ ភាគរយ និងការស្នាក់នៅក្នុងសណ្ឋាគារ កើនឡើង ៣,៩ ភាគរយ។
NBS បានឲ្យដឹងថា ការកើនឡើងតម្លៃទំនិញប្រើប្រាស់អន្តរជាតិក៏បានជំរុញសន្ទស្សន៍តម្លៃក្រុមហ៊ុនផលិតរបស់ប្រទេសចិនផងដែរ ដែលវាស់វែងតម្លៃទំនិញនៅច្រកទ្វាររោងចក្រ។ PPI បានកើនឡើង ៦,៨ ភាគរយធៀបនឹងរយៈពេលដូចគ្នាកាលពីឆ្នាំមុនកាលពីខែមេសា កើនឡើង ០,៩ ភាគរយធៀបនឹងរយៈពេលដូចគ្នាកាលពីខែមុន៕China Daily/LA