The Phnom Penh Post Search

Search form

Logo of Phnom Penh Post newspaper Phnom Penh Post - សហគមន៍​ទេសចរណ៍ ​បង្ហាញ​សក្តានុពល​អេកូទេសចរណ៍

សហគមន៍​ទេសចរណ៍ ​បង្ហាញ​សក្តានុពល​អេកូទេសចរណ៍

Content image - Phnom Penh Post
តំបន់ទេសចរអន្លង់ខៀវ របស់​សហគមន៍​ទេសចរណ៍​​ព្រែកតោ្នត ឬ​អន្លង់ធំ ក្នុង​ឃុំ​ក្តាត ស្រុក​ទឹកឈូ ខេត្ត​កំពត។ ផា លីណា

សហគមន៍​ទេសចរណ៍ ​បង្ហាញ​សក្តានុពល​អេកូទេសចរណ៍

ភ្នំពេញៈ ក្រុម​សហគមន៍​អេកូទេសចរណ៍ ជួបជុំ​គ្នា​កាលពី​ម្សិលមិញ​នៅ​ទីក្រុង​ភ្នំពេញ ដើម្បី​បង្ហាញ​អំពី​សក្ដានុពល​នៅក្នុង​សហគមន៍​របស់​ពួកគេ​ក្នុង​ការ​ទាក់ទាញ​ភ្ញៀវទេសចរ ដែល​ពួកគេ​នឹង​ចូលរួម​ការប្រកួតប្រជែង​លើ​វិស័យ​អេកូទេសចរណ៍​ដែល​ត្រូវ​បាន​រៀបចំ​ដោយ​រដ្ឋមន្ដ្រី​ក្រសួង​ទេសចរណ៍​។

ក្នុង​ព្រឹត្តិការណ៍​នេះ​ក្រសួង​បាន​ជំរុញ​ឲ្យ​សហគមន៍​ទាំងអស់​ត្រូវ​ចូលរួម​ការប្រកួត​ប្រជែង​លើក​ដំបូង​លើ​សហគមន៍​អេកូទេសចរណ៍​ល្អ​បំផុត ដើម្បី​លើក​កម្ពស់​ឧស្សាហកម្ម​ទេសចរណ៍​។ នេះ​បើ​យោង​តាម​លោក ជា បូរ៉ា រដ្ឋលេខាធិការ​ក្រសួង​ទេសចរណ៍​។

លោក​ បូរ៉ា បាន​ថ្លែង​ថា​នេះ​ជា​យុទ្ធនាការ​ដើម្បី​លើក​កម្ពស់​ទីក្រុង​ស្អាត និង​សេវា​មាន​គុណភាព​នៅក្នុង​ឧស្សាហកម្ម​ទេសចរណ៍​។

លោក​បាន​ថ្លែង​ថា​៖ «​ផលិតផល​ទេសចរណ៍​គឺជា​អ្នកដើរ​តួនាទី​ដ៏សំខាន់ ក្នុង​ការ​ទាក់ទាញ​ភ្ញៀវទេសចរ ដូច្នេះ​ការប្រកួតប្រជែង​នេះ​នឹង​ធ្វើឲ្យ​មាន​សកម្មភាព​កាន់តែ​ច្រើន​នៅ​ក្នុង​វិស័យ​ទេសចរណ៍ វា​នឹង​ធានា និង​លើក​កម្ពស់​ទេសចរណ៍​មាស​បៃតង​»​។

បច្ចុប្បន្ន​នៅ​ក្នុង​ប្រទេស​កម្ពុជា​មាន​កន្លែង​កម្សាន្ត​ ៤០០ កន្លែង ខណៈ​មាន​សហគមន៍​ទេសចរណ៍ និង​អេកូទេសចរណ៍​មាន​ចំនួន​ ៥៦ ដែល​បាន​ទទួល​អាជ្ញាប័ណ្ណ​ពី​ក្រសួង​ទេសចរណ៍​។

លោក ទិត្យ លី ប្រធាន​អេកូទេសចរណ៍​នៅ​សហគមន៍​អារ៉ែង ដែល​បាន​បង្ហាញ​ពី​សហគមន៍​ខ្លួន​កាលពី​ម្សិលមិញ ហើយ​ក៏​នឹង​ចូលរួម​ការប្រកួតប្រជែង​របស់​សហគមន៍​អេកូទេសចរណ៍​នេះ​ជឿជាក់​ថា ការប្រកួត​ប្រជែង​នេះ​នឹង​ធ្វើឲ្យ​ភ្ញៀវទេសចរ​កាន់តែ​ច្រើន​មក​សហគមន៍​នេះ និង​នាំ​យក​ប្រាក់​ចំណូល​សម្រាប់​អ្នកភូមិ​៕LA

អត្ថបទគួរចាប់អារម្មណ៍

  • អាជ្ញាធរ​ហាម​កប់​សព ឬ​ធ្វើ​ម៉ុង​នៅ​តាម​ជើងភ្នំ​ស្វាយ

    បន្ទាយមានជ័យៈ អាជ្ញាធរ​ខេត្ត​បន្ទាយមានជ័យ​បាន​ចេញ​បម្រាម​មិន​ឲ្យ​មាន​ការ​សាងសង់​ផ្នូរ​កប់​សព ធ្វើ​ចេតិយ​ ឬ​ធ្វើ​ម៉ុង​នៅ​តាម​ជើងភ្នំ​ស្វាយ​ក្នុង​ក្រុង​សិរីសោភ័ណ​ទៀត​ឡើយ ដោយសារ​តែ​វា​ធ្វើឲ្យ​ខូច​ដល់​សោភណភាព​ភ្នំ​ធម្មជាតិ​ដែល​ជា​ទី​ទៅ​កម្សាន្ត​សម្រាប់​ភ្ញៀវទេសចរ​ជាតិ និង​អន្តរជាតិ​។ ការសម្រេច​នេះ​ត្រូវ​បាន​ធ្វើ​ឡើង​នៅក្នុង​កិច្ចប្រជុំ​មួយ​នៅ​សាលាខេត្ត​កាលពី​ថ្ងៃទី​ ១៤ ខែ​សីហា​ឆ្នាំ​ ២០១៨​។

  • ចិន​នឹង​បញ្ជូន​ក្រុម​អ្នកចរចា​ទៅ​អាមេរិក

    ក្រុងប៉េកាំងៈ ក្រសួង​ពាណិជ្ជកម្ម​ចិន​បាន​ឲ្យ​ដឹង​កាលពី​ថ្ងៃ​ព្រហស្បតិ៍​ថា ចិន​នឹង​បញ្ជូន​អ្នកចរចា​ជាន់​ខ្ពស់​ទៅ​សហរដ្ឋអាមេរិក​នៅ​ចុង​ខែ​សីហា​នេះ ដើម្បី​បន្ត​ការចរចា​ពាណិជ្ជកម្ម​ឡើង​វិញ ដែល​ជា​កិច្ចប្រជុំ​សាធារណៈ​លើកដំបូង​ក្នុង​រយៈពេល​ជាច្រើន​សប្ដាហ៍​ទាក់ទង​នឹង​ប្រធានបទ​នេះ ខណៈ​ជម្លោះ​ពាណិជ្ជកម្ម​មាន សភាព​កាន់តែ​ខ្លាំង​ឡើង​។

  • បរទេស​ និង​ខ្មែរ​ ៥៣ ​នាក់​ត្រូវ​បាន​ចាប់​ខ្លួន​ពាក់ព័ន្ធ​នឹង​គ្រឿងញៀន

    ព្រះសីហនុៈ ជនបរទេស និង​ខ្មែរ​ចំនួន​ ៥៣ ​នាក់​ត្រូវ​បាន​ចាប់ខ្លួន​កាលពី​ម្សិលមិញ​នៅក្នុង​សង្កាត់​លេខ​ ៤ ក្រុង​ព្រះសីហនុ​ពេល​កំពុង​ប្រព្រឹត្ត​បទល្មើស ជួញដូរ និង​ប្រើប្រាស់​គ្រឿងញៀន​នៅក្នុង​រង្គសាល​ស្កាយឡាញ​ ១ ​កន្លែង​។

  • CPP ការពារ​លទ្ធផល​បោះឆ្នោត ហើយ​ថា​រាល់​ការរិះគន់​គឺជា​ការប្រមាថ​ប្រជាជន​កម្ពុជា​យ៉ាង​ធ្ងន់ធ្ងរ

    ភ្នំពេញៈ បន្ទាប់ពី​ទទួល​បាន​ជ័យជម្នះ​ក្ដោប​ក្ដាប់​យក​អាសនៈ​ទាំង​ ១២៥ នៅក្នុង​រដ្ឋសភា មន្ត្រី​ជាន់ខ្ពស់​នៃ​គណបក្ស​ប្រជាជន​កម្ពុជា​កាលពី​ម្សិលមិញ​បាន​ចេញ​មុខ​នៅ​ចំពោះ​ប្រព័ន្ធ​ផ្សព្វផ្សាយ​ជាតិ និង​អន្តរជាតិ​ដើម្បី​ការពារ​ជ័យជម្នះ​ដែល​ទទួល​បាន​ពី​ការបោះឆ្នោត​កាលពី​ថ្ងៃទី​ ២៩ ខែ​កក្កដា​កន្លង​មក​នេះ ហើយ​ក៏​បាន​វាយបក​ធ្ងន់ៗ​ប្រឆាំង​បណ្ដា​ប្រទេស​ប្រជាធិបតេយ្យ​ខ្លះ និង​អតីត​គណបក្ស​ប្រឆាំង​ដែល​រិះគន់​ខ្លួន​ថា​បាន «​ប្រមាថ​យ៉ាងធ្ងន់ធ្ងរ​» ដល់​ឆន្ទៈ​ប្រជាជន​កម្ពុជា ហើយ «​ឧបាយកល​ដ៏ពិសពុល​» របស់​ពួកគេ​បាន​ទទួល​បរាជ័យ​ជា​អ្វី​ដែល​អតីត​មន្ត្រី​ជាន់ខ្ពស់​គណបក្ស​ប្រឆាំង និង​អ្នកវិភាគ​ជំទាស់​។