ភ្នំពេញៈ សហគ្រិនស្ដ្រីកម្ពុជាដែលមកពីគ្រឹះស្ថានហិរញ្ញវត្ថុនានា FinTechs និងគ្រឹះស្ថានបច្ចេកវិទ្យាដោយក្នុងចំណោមអ្នកទាំងនោះពេលនេះអាចដាក់ពាក្យស្នើសុំមូលនិធិស្ដារសហគ្រិនស្ដ្រី ដើម្បីជំរុញ និងពង្រីកអាជីវកម្មរបស់ពួកគេបាន។
គណៈកម្មការសេដ្ឋកិច្ច និងសង្គមអង្គការសហប្រជាជាតិទទួលបន្ទុកអាស៊ី និងប៉ាស៊ីហ្វិក (ESCAP) និងមូលនិធិអភិវឌ្ឍន៍មូលធនអង្គការសហប្រជាជាតិ (UNCDF) ដោយមានការគាំទ្រពីធនាគារអភិវឌ្ឍន៍សហគ្រិនហូឡង់ (FMO) រដ្ឋាភិបាលប្រទេសកាណាដា និងក្រុមហ៊ុន Visa Inc បានដំណើរការនូវ «មូលនិធិស្ដារសហគ្រិនស្ដ្រី» ដើម្បីជំរុញ និងលើកកម្ពស់ដំណោះស្រាយឌីជីថលក្នុងន័យលើកកម្ពស់កំណើន និងភាពធន់របស់សហគ្រិនស្ដ្រី»។
អ្នកដាក់ពាក្យស្នើសុំមូលនិធិនេះអាចមានមូលដ្ឋាននៅគ្រប់ទីកន្លែងទូទាំងពិភពលោក ប៉ុន្តែការអនុវត្តគម្រោងនេះនឹងត្រូវតែកំណត់ទិសដៅសហគ្រិនស្ដ្រីនៅក្នុងប្រទេសបង់ក្លាដែស កម្ពុជា ឥណ្ឌូនេស៊ី មីយ៉ាន់ម៉ា នេប៉ាល់ ឬវៀតណាម។ អ្នកមានសិទ្ធិដាក់ពាក្យស្នើសុំមូលនិធិនេះបានរួមមានគ្រឹះស្ថានហិរញ្ញវត្ថុដែលមានបទប្បញ្ញត្តិ FinTechs គ្រឹះស្ថានបច្ចេកវិទ្យានៅក្នុងចំណោមអ្នកផ្សេងទៀត។ នេះបើតាមសេចក្ដីប្រកាសព័ត៌មានពី ESCAP។
លោក Xavier Michon អគ្គលេខាធិការរងប្រតិបត្តិនៅ UNCDF បានឱ្យដឹងថា មូលនិធិនេះនឹងគាំទ្រដល់ដំណោះស្រាយអាជីវកម្មនវានុវត្តន៍ដែលសហគ្រិនស្ដ្រីប្រឈមនៅអាស៊ីខាងត្បូង និងអាស៊ីអាគ្នេយ៍។
លោកស្រី Limsan Pong អគ្គនាយក Peth Yoeung ដែលជាកម្មវិធីសូហ្វវែរមន្ទីរពេទ្យ ដើម្បីជំរុញប្រព័ន្ធអេកូស៊ីស្ដែមថែរក្សាសុខភាព បានប្រាប់ថា ផលប៉ះពាល់ដោយសារការរីករាលដាលជំងឺពិភពលោកមួយនេះគឺស្ដ្រី។ លោកស្រីថ្លែងថា៖ «ខ្ញុំដឹងថា មូលនិធិនេះជាគំនិតផ្តួចផ្ដើមដ៏សំខាន់ ដើម្បីជួយ SMEs និងសហគ្រិនស្ត្រីកម្ពុជា ដោយសារផលប៉ះពាល់ពីជំងឺកូវីដ១៩៕ LA