The Phnom Penh Post Search

Search form




Logo of Phnom Penh Post newspaper Phnom Penh Post - សហភាព​អឺរ៉ុប​ពិន័យ​ Qualcomm ២៧១ ​លាន​ដុល្លារ

សហភាព​អឺរ៉ុប​ពិន័យ​ Qualcomm ២៧១ ​លាន​ដុល្លារ

Content image - Phnom Penh Post
សហភាព​អឺរ៉ុប​កាលពី​ថ្ងៃ​ម្សិលមិញ​បាន​ពិន័យ​​ក្រុមហ៊ុន​ផលិត​បន្ទះ​ឈីប​អាមេរិក​ Qualcomm នូវ​​​ទឹក​ប្រាក់​​ចំនួន ២៤២ លាន​អឺរ៉ុប (២៧១ លាន​ដុល្លារ) ​ពី​បទ​ធ្វើ​អាជីវកម្ម​ផ្តាច់​មុខ។ AFP

សហភាព​អឺរ៉ុប​ពិន័យ​ Qualcomm ២៧១ ​លាន​ដុល្លារ

ក្រុង​ប៊្រុចសែលៈ សហភាព​អឺរ៉ុប​កាលពី​ថ្ងៃ​ម្សិលមិញ​បាន​ពិន័យ​​ក្រុមហ៊ុន​ផលិត​បន្ទះ​ឈីប​អាមេរិក​ Qualcomm នូវ​​​ទឹក​ប្រាក់​​ចំនួន ២៤២ លាន​អឺរ៉ុប (២៧១ លាន​ដុល្លារ) ​ពី​បទ​ធ្វើ​អាជីវកម្ម​ផ្តាច់​មុខ ​ដែល​ជា​​ការ​វាយ​ប្រហារ​មួយ​ផ្សេង​ទៀត​​ប្រឆាំង​នឹង​ក្រុមហ៊ុន​បច្ចេកវិទ្យា​មួយ​ដែល​កំពុង​ស្ថិត​ក្នុង​សមរភូមិ​ប្រកួត​ប្រជែង​ក្នុង​តំបន់​អាស៊ី​ និង​នៅ​អាមេរិក។

ការ​ពិន័យ​នេះ ​គឺ​ជា​ការ​ពិន័យ​លើក​ទី២ ហើយ​ដែល​ធ្វើ​ឡើង​ប្រឆាំង​នឹង​ក្រុមហ៊ុន Qualcomm ដោយ​ទីក្រុង​ប៊្រុចសែល​​ចំនួន​ ៩៩៧ លាន​អឺរ៉ូ ​នៅ​ខែ​មករា ​ឆ្នាំ ២០១៨។

សេចក្តី​ថ្លែងការណ៍​មួយ​របស់​​សហភាព​អឺរ៉ុប​បាន​ឲ្យ​ដឹង​ថា៖ «ការ​ស៊ើប​អង្កេត​របស់​យើង​បាន​រក​ឃើញ​ថា ក្រុមហ៊ុន Qualcomm បាន​រំលោភ (ភាព​​គ្រប​ដណ្តប់​លើស​លប់​លើ​​ទីផ្សារ)​ របស់​ខ្លួន​​នៅ​ចន្លោះ​​​ពាក់​កណ្តាល​ឆ្នាំ ២០០៨ ដល់​ពាក់​កណ្តាល​ឆ្នាំ ២០១១ តាមរយៈ​ការ​ពាក់ព័ន្ធ​នឹង​ការ​កំណត់​តម្លៃ​ទាប​ខ្លាំង»។

លោកស្រី Margrethe Vestager ស្នងការ​គណៈកម្មការ​ប្រឆាំង​ការ​ធ្វើ​អាជីវកម្ម​ផ្តាច់​មុខ បាន​ឲ្យ​ដឹង​ក្នុង​សេចក្តី​ថ្លែងការណ៍​មួយ​ថា បន្ទះ​ឈីប​​ដែល​ស្ថិត​ក្នុង​បញ្ហា​ក្នុង​សំណុំ​រឿង​របស់​សហភាព​អឺរ៉ុប​នេះ «គឺ​ជា​គ្រឿង​ផ្គុំ​សំខាន់ ដើម្បី​ឲ្យ​សេវា​ចល័ត​អាច​ភ្ជាប់​ទៅ​នឹង​អ៊ីនធឺណិត​បាន»។

លោកស្រី​បន្ថែម​ថា៖ « Qualcomm បាន​លក់​ផលិតផល​ទាំង​​នេះ​ក្នុង​តម្លៃ​ទាប​​មួយ​ក្រោម​​ថ្លៃ​ដើម​ទៅ​ឲ្យ​អតិថិជន​សំខាន់ៗ​ក្នុង​គោល​បំណង​​ជម្រុះ​​ចោល​គូ​ប្រកួត​ប្រជែង»។

សហភាព​អឺរ៉ុប​បាន​ឲ្យ​ដឹង​ថា ក្រុមហ៊ុន Qualcomm បាន​លក់​បន្ទះ​ឈីប​ទៅ​ឲ្យ​ក្រុមហ៊ុន​ចិន Huawei និង ZTE ដែល​ជា​អតិថិជន​យុទ្ធសាស្រ្ត​របស់​ខ្លួន «ក្នុង​គោល​បំណង​ជម្រុះ​ចោល​ក្រុមហ៊ុន Icera ដែល​ជា​គូ​ប្រជែង​ចម្បង​របស់​ខ្លួន​នៅ​ពេល​នោះ»។

ក្នុង​ឆ្នាំ ២០១១ Icera ត្រូវ​បាន​ទិញ​យក​ដោយ​ក្រុមហ៊ុន​ Nvidia ដែល​ក្នុង​ឆ្នាំ ២០១៥ បាន​​សម្រេច​បែង​ចែក​ទ្រព្យ​របស់​ក្រុមហ៊ុន​នេះ ​ដើម្បី​សង​បំណុល ជា​ករណី​ដែល​​ស្ថិត​ក្នុង​ការ​ស៊ើប​អង្កេត​​របស់​គណៈកម្មការ​នេះ៕ AFP/KC

អត្ថបទគួរចាប់អារម្មណ៍

  • ជនជាតិ​ភាគតិច និង​សង្គម​ស៊ីវិល​ប្ដឹង​ជំទប់​ឃុំ និង​អភិបាលរង​ខេត្ត ​រឿង​ចេញ​បណ្ណ​សម្គាល់​ដី​ជាន់​លើ​ដី​ព្រៃ

    មណ្ឌលគិរី: ពលរដ្ឋ​សហគមន៍​ជនជាតិ​ដើម​ភាគតិច និង​សង្គម​ស៊ីវិល​ចំនួន ៦ ​នាក់​ បាន​ដាក់​ពាក្យបណ្ដឹង​ចំនួន ២ ​ដាច់​ ដោយឡែក​ពី​គ្នា​ប្ដឹង​មនុស្ស ៤ ​នាក់ ​ទៅ​តុលាការខេត្ត​ក្នុង​នោះ​មាន​ជំទប់​ទី​ ១ ​ឃុំ​ប៊ូស្រា​ម្នាក់ និង​អភិបាលរង​ខេត្តមណ្ឌលគិរី​ម្នាក់​ដោយ​ចោទ​ពាក់ព័ន្ធ​ការចេញ​បណ្ណ​សម្គាល់​ម្ចាស់​ដីធ្លី​ជាន់​លើដី​គម្រប​ព្រៃឈើ និង​បទ​ចោទ​ពាក់ព័ន្ធ​លួច​គាស់​យក​ថ្ម​ធម្មជាតិ​

  • កាណាដា​ពិន័យ VW ១៥០ ​លាន​ដុល្លារ

    ក្រុងតូរ៉ុនតូៈ តុលាការ​ក្នុង​ទីក្រុង​តូរ៉ុនតូ​កាលពី​ថ្ងៃ​ពុធ​បាន​បញ្ជា​ឲ្យ​ក្រុមហ៊ុន Volkswagen (VW) បង់ប្រាក់​ពិន័យ ១៩៦,៥ លាន​ដុល្លារ​កាណាដា (១៥០ ​លាន​ដុល្លារ​អាមេរិក​) បន្ទាប់ពី​ក្រុមហ៊ុន​ផលិត​រថយន្ត​មួយ​នេះ​បាន​សារភាព​កំហុស​ចំពោះ​ការរំលោភច្បាប់​បរិស្ថាន​ក្នុង​រឿងអាស្រូវ​បោក​បន្លំ​ការបញ្ចេញ​កាបូន​។

  • សហជីព​បារាំង​​ព្យាយាម​បន្ត​ការ​តវ៉ា​ប្រឆាំង​ការ​កែ​ទម្រង់​ប្រាក់​សោធននិវត្តន៍​​ ដើម្បី​ដាក់​សម្ពាធ​លើ​រដ្ឋាភិបាល​​

    ក្រុង​ប៉ារីស៖ ក្រុម​សហជីព​បារាំង​កាល​ពី​ថ្ងៃ​ពុធ​ បាន​បន្ត​ធ្វើ​​កូដកម្ម​ជា​ច្រើន​ ដោយ​​មាន​​បំណង​បង្កើន​សម្ពាធ​​​​ទៅ​លើ​រដ្ឋាភិបាល​មុន​នឹង​រដ្ឋាភិបាល​នេះ​ ធ្វើ​ការ​បង្ហាញ​ការ​កែ​ទម្រង់​ប្រាក់​សោធននិវត្តន៍​ចុង​ក្រោយ ​ដែល​បាន​​​ជំរុញ​ឲ្យ​មាន​ការ​តវ៉ា​ពី​បញ្ហា​ការងារ​ធំ​បំផុត​នៅ​បារាំង​ជា​ច្រើន​ទសវត្សរ៍​នោះ​​។ ​

  • លាភ ​រដ្ឋា ​និង ​ផាន់ ​គ្រាន់ ​ប៉ះ​ថៃ​ចំណូល​ថ្មី​

    ភ្នំពេញ៖ ​អ្នក​លេង​កណ្តាប់​ដៃ​របស់​កម្ពុជា​ចំនួន ​២ ​នាក់ គឺ ​លាភ ​រដ្ឋា និង​ ផាន់ ​គ្រាន់​ ​នឹង​​ត្រូវ​បង្ហាញ​ខ្លួន​រួមគ្នា នៅ​​លើ​សង្វៀន​ SEATV នា​រសៀល​ថ្ងៃ​សៅរ៍​ស្អែក​នេះ ​ដោយ​ពួក​គេ​ត្រូវ​ជួប​ជាមួយ​​កីឡាករ​ថៃ​​ចំណូល​ថ្មី​ មិន​ធ្លាប់​មក​ប្រកួត​ក្នុង​សង្វៀន​នៅ​​ប្រទេស ​កម្ពុជា ​នោះ​ទេ​​។