.jpg)
សិង្ហបុរីដែលជាប្រទេសមានសេដ្ឋកិច្ចប្រកួតប្រជែងខ្លាំងបំផុត បើយោងតាមរបាយការណ៍ឆ្នាំ ២០១៩ របស់វេទិកាសេដ្ឋកិច្ចពិភពលោក (WEF)។ AFP
សិង្ហបុរីៈ សេដ្ឋកិច្ចរបស់អាស៊ីខាងកើត និងប៉ាស៊ីហ្វិក គឺជាកន្លែងដែលធ្វើបានល្អជាងតំបន់ផ្សេងៗទៀតនៅក្នុងពិភពលោកដោយពិន្ទុព័ត៌មានខ្ពស់បំផុត (Highest media score) ត្រូវនាំមុខដោយសិង្ហបុរីដែលជាប្រទេសមានសេដ្ឋកិច្ចប្រកួតប្រជែងខ្លាំងបំផុត។ នេះបើយោងតាមរបាយការណ៍ឆ្នាំ ២០១៩ របស់វេទិកាសេដ្ឋកិច្ចពិភពលោក (WEF)។
សន្ទស្សន៍វាស់វែងសមត្ថភាពប្រកួតប្រជែងប្រចាំឆ្នាំដែលបានកម្រិតកតា្តជំរុញផលិតភាព និងកំណើនរយៈពេលវែងសម្រាប់ការវាយតម្លៃប្រចាំឆ្នាំលើកទី ៤០ បានមើលឃើញចំណុច ៨ ក្នុងចំណោម ១៩ ដែលធ្វើឲ្យចំណាត់ថ្នាក់របស់ប្រទេសក្នុងតំបន់ឥណ្ឌូប៉ាស៊ីហ្វិកមានភាពល្អប្រសើរ។
ចិនដែលជាប្រទេសមានសេដ្ឋកិច្ចឈានមុខគេទី ២ លើពិភពលោកបានរក្សាចំណាត់ថ្នាក់ទី ២៨។
ដោយសារការកើនឡើងពិន្ទុជារួមរបស់ខ្លួនស្របពេលដែលប្រតិបត្តិការរបស់អាមេរិកធ្លាក់ចុះបានរុញឲ្យប្រទេសសិង្ហបុរី វ៉ាដាច់អាមេរិកក្លាយជាប្រទេសមានសេដ្ឋកិច្ចប្រកួតប្រជែងខ្លាំងបំផុតលើពិភពលោក។
WEF ក៏បានបង្ហាញពីភាពរឹងមាំរបស់ប្រព័ន្ធហិរញ្ញវត្ថុប្រទេសសិង្ហបុរីតាមរយៈប្រសិទ្ធភាពទីផ្សារ និងស្ថិរភាពម៉ាក្រូសេដ្ឋកិច្ច។ ទោះជាយ៉ាងណាប្រទេសនេះទទួលបានពិន្ទុទាបនៅពេលគេកត់សម្គាល់ពីសញ្ញាមួយចំនួនដូចជា សេរីភាពសារព័ត៌មានដែលនៅចំណាត់ថ្នាក់ទី ១២៤។
ទីក្រុងហុងកុងបានជាប់ចំណាត់ថ្នាក់ទី ៣ ដោយកើនឡើង ៤ ចំណាត់ពីឆ្នាំមុនពោលតាមពីក្រោយប្រទេសសិង្ហបុរី និងអាមេរិក។ លក្ខណៈពិសេសរបស់ទីក្រុងហុងកុងនៅក្នុងប្រទេសឈានមុខគេទាំង ១០ លើសសរស្ដម្ភ ៨ ជាកំណត់ត្រាថ្មីមួយ។
ប្រទេសជប៉ុនបានស្ថិតនៅចំណាត់ថ្នាក់ទី ៦ ធ្លាក់ចុះ ១ ចំណាត់ថ្នាក់ពីឆ្នាំ ២០១៨។ ទោះបីជាការធ្លាក់ចុះបន្តិចលើពិន្ទុជារួមនេះក៏ដោយ ក៏ប្រតិបត្តិការរបស់សេដ្ឋកិច្ចនៅក្នុងសសរស្ដម្ភ ១២ ដែល WEF ផ្ដល់ចំណាត់ថ្នាក់លើការរក្សាស្ទើរតែមិនផ្លាស់ប្តូរនោះទេ។ WEF បានចុះបញ្ជីសមត្ថភាពបច្ចេកវិទ្យារបស់ប្រទេសជប៉ុនជា «ប្រទេសមួយក្នុងចំណោមប្រទេសដែលមានចំណេះដឹងបច្ចេកវិទ្យាខ្លាំងបំផុតនៅលើពិភពលោក»។
កោះតៃវ៉ាន់បានកើនឡើង ១ ចំណាត់ថ្នាក់មកនៅលេខ ១២ ក្នុងឆ្នាំនេះ។
កូរ៉េខាងត្បូងបានឡើង ២ ចំណាត់ថ្នាក់ដល់លេខ ១៣។ ប្រទេសនេះមានលក្ខណៈពិសេសក្នុងការឈានមុខគេទាំង ១០ ផ្នែកសសរស្ដម្ភសមត្ថភាពប្រកួតប្រជែង ៥ និងដឹកនាំពិភពលោកក្នុងការទទួលយកព័ត៌មានវិទ្យា និងទូរគមនាគមន៍ (ICT)។
ប្រទេស វៀតណាម លេចធ្លោជាងគេលើពិភពលោក។ នេះបើតាមរបាយការណ៍។ ប្រទេសនេះបានកើនឡើង ១០ ចំណាត់ថ្នាក់ ដើម្បីបញ្ចប់ក្នុងចំណាត់ថ្នាក់ទី ៦៧ នៅឆ្នាំនេះ។
ប្រទេស ម៉ាឡេស៊ី ដែលជាថ្មីម្ដងទៀតទទួលបានចំណាត់ថ្នាក់ទី ២ នៅអាស៊ាន ក្នុងរយៈពេល ៣ ឆ្នាំជាប់គ្នា ប៉ុន្តែបានធ្លាក់ចុះ ២ លេខមកនៅត្រឹម ២៧។
ប្រទេស ថៃ ដែលជាប់ចំណាត់ថ្នាក់ទី ៣ នៅអាស៊ានបានធ្លាក់ចុះ ២ ចំណាត់ថ្នាក់មកនៅលេខ ៤០ ដោយសារប្រទេសនេះមិនអាចរក្សាបានល្បឿនកំណើនដូចប្រទេសផ្សេងទៀត៕ ANN/LA
