The Phnom Penh Post Search

Search form




Logo of Phnom Penh Post newspaper Phnom Penh Post - សិង្ហបុរី​ ទម្លាក់​ការព្យាករ​កំណើន​សេដ្ឋកិច្ច​ដល់ ០%

សិង្ហបុរី​ ទម្លាក់​ការព្យាករ​កំណើន​សេដ្ឋកិច្ច​ដល់ ០%

Content image - Phnom Penh Post
កប៉ាល់​ដឹក​កុងតឺន័រ​កំពុង​បើកបរ​នៅ​ជិត​ឆ្នេរ​សិង្ហបុរី​។ រូបថត AFP

សិង្ហបុរី​ ទម្លាក់​ការព្យាករ​កំណើន​សេដ្ឋកិច្ច​ដល់ ០%

ក្រុងសិង្ហបុរីៈ ប្រទេស​សិង្ហបុរី​បាន​កាត់បន្ថយ​បន្ថែមទៀត​ការព្យាករ​កំណើន​ប្រចាំឆ្នាំ​របស់ខ្លួន​កាលពី​ថ្ងៃ​អង្គារ ដោយសារ​សង្គ្រាម​ពាណិជ្ជកម្ម​រវាង​អាមេរិក និង​ចិន​ដែល​កើនឡើង​កាន់តែ​ខ្លាំង រារាំង​ការនាំ​ចេញ​ដែល​ជា​សញ្ញា​គំរាម​មួយ​ផ្សេងទៀត​សម្រាប់​បណ្ដា​ប្រទេស​ដែល​ពឹង​ផ្អែកលើ​ពាណិជ្ជកម្ម​របស់​អាស៊ី​។

រដ្ឋាភិបាល​សិង្ហបុរី​បាន​ឲ្យ​ដឹងថា ខ្លួន​បាន​រំពឹងថា សេដ្ឋកិច្ច​នឹង​កើនឡើង​ពី ០ ទៅ ១ ភាគរយ​នៅ​ឆ្នាំនេះ ធ្លាក់ចុះ​យ៉ាង​ខ្លាំង​ពី​ចំនួន ១,៥ ទៅ ២,៥ ភាគរយ​ដែល​បាន​ព្យាករ​ពី​ពេលមុន ដែល​បង្ហាញ​ការកែតម្រូវ​ការធ្លាក់ចុះ​លើក​ទី ២ នៅ​ឆ្នាំនេះ​។ សេដ្ឋកិច្ច​សិង្ហបុរី​បាន​កើនឡើង​ ៣,២ ភាគរយ​កាលពី​ឆ្នាំ​ ២០១៨​។

សិង្ហបុរី​ដែល​មជ្ឈមណ្ឌល​ការនាំចេញ​មួយ​ងាយ​ទទួលរង​ភាព​រសើប​ខ្លាំង​ដោយសារ​វិបត្តិ​ខាងក្រៅ ហើយ​ជាធម្មតា​ប្រទេស​នេះ​ស្ថិតក្នុង​ទីតាំង​ដំបូង​គេ​ក្នុងចំណោម​ផ្សេងៗ​នៅ​អាស៊ី​ជាច្រើន ដែល​ត្រូវ​បាន​រង​ផលប៉ះពាល់​ក្នុងអំឡុង​ធ្លាក់ចុះ​សេដ្ឋកិច្ច​ពិភពលោក មុន​ពេល​រលក​ផលប៉ះពាល់​នេះ​ជះ​ឥទ្ធិពល​ទៅដល់​ប្រទេស​ផ្សេងទៀត​ក្នុង​តំបន់​។

ការនាំ​ចេញពី​ប្រទេស​សិង្ហបុរី​បាន​ធ្លាក់ចុះ ខណៈ​ដែល​សេដ្ឋកិច្ច​បានទទួល​រង​ការធ្លាក់ចុះ​គួរ​ឲ្យ​ភ្ញាក់ផ្អើល​កាលពី​ត្រីមាស​ទី ២ ធៀប​នឹង​ត្រីមាស​ទី​ ១ ដោយសារ​តែ​ជម្លោះ​របស់​ទីក្រុង​ប៉េកាំង​ជាមួយ​ទីក្រុង​វ៉ាស៊ីនតោន ដែល​បាន​ប៉ះពាល់​ដល់​ប្រព័ន្ធ​ពាណិជ្ជកម្ម​ពិភពលោក​ដ៏​ស្មុគស្មាញ​។

ក្រសួង​ពាណិជ្ជកម្ម​សិង្ហបុរី​ឲ្យ​ដឹងថា​៖ «​ចក្ខុវិស័យ​កំណើន​របស់​ទីផ្សារ​កំពុង​ស្ទុះ​ងើប​ខ្លាំង​សំខាន់ និង​បណ្ដា​ប្រទេស​កំពុង​អភិវឌ្ឍន៍ និង​ប្រទេស​ចិន កាន់តែ​អាក្រក់​ខ្លាំង​ឡើងៗ មួយ​ផ្នែក​ដោយសារតែ​ការកើនឡើង​ខ្លាំង​នៃ​ជម្លោះ​ពាណិជ្ជកម្ម​រវាង​អាមេរិក និង​ចិន​ក្នុង​រយៈពេល​ប៉ុន្មាន​ខែ​ថ្មីៗ​នេះ​»​។

ដោយ​លើក​ពី​សេចក្ដី​ប្រកាស​របស់លោក​ប្រធានាធិបតី​អាមេរិក ដូណាល់ ត្រាំ នៅ​ខែ​នេះ​ថា​លោក​នឹង​ហូតពន្ធ​នាំចូល​លើ​ការនាំ​ចូល​ពី​ប្រទេស​ចិន​តម្លៃ ៣០០ ពាន់​លាន​ដុល្លារ​បន្ថែម ក្រសួង​បាន​ព្រមាន​ថា​៖ «​ភាពមិន​ច្បាស់លាស់ និង​ហានិភ័យ​ធ្លាក់ចុះ​នៅក្នុង​សេដ្ឋកិច្ច​ពិភពលោក​បាន​កើនឡើង​ចាប់តាំងពី​រយៈពេល ៣ ខែ​កន្លងមក​»​។

ក្រសួង​បន្តថា​៖ «​កត្តា​នេះ​អាច​ធ្វើឲ្យ​ប៉ះពាល់​យ៉ាងខ្លាំង​លើ​ពាណិជ្ជកម្ម និង​ទំនុកចិត្ត​ពិភពលោក ដោយសារ​តែ​ផលប៉ះពាល់​អវិជ្ជមាន​លើ​ពាណិជ្ជកម្ម​ពិភពលោក និង​កំណើន​សេដ្ឋកិច្ច​ពិភពលោក​»​។

ប្រទេស​សិង្ហបុរី​បាន​រង​ផលប៉ះពាល់​យ៉ាងខ្លាំង​ជាពិសេស​ដោយ​ការធ្លាក់ចុះ​តម្រូវការ​ទំនិញ​អេឡិចត្រូនិក ដែល​ជា​ទំនិញ​នាំចេញ​ដ៏សំខាន់​មួយ​ដែលមាន​សារៈសំខាន់​ចំពោះ​វិស័យ​ផលិតកម្ម​៕ LA

អត្ថបទគួរចាប់អារម្មណ៍

  • ជនជាតិ​ភាគតិច និង​សង្គម​ស៊ីវិល​ប្ដឹង​ជំទប់​ឃុំ និង​អភិបាលរង​ខេត្ត ​រឿង​ចេញ​បណ្ណ​សម្គាល់​ដី​ជាន់​លើ​ដី​ព្រៃ

    មណ្ឌលគិរី: ពលរដ្ឋ​សហគមន៍​ជនជាតិ​ដើម​ភាគតិច និង​សង្គម​ស៊ីវិល​ចំនួន ៦ ​នាក់​ បាន​ដាក់​ពាក្យបណ្ដឹង​ចំនួន ២ ​ដាច់​ ដោយឡែក​ពី​គ្នា​ប្ដឹង​មនុស្ស ៤ ​នាក់ ​ទៅ​តុលាការខេត្ត​ក្នុង​នោះ​មាន​ជំទប់​ទី​ ១ ​ឃុំ​ប៊ូស្រា​ម្នាក់ និង​អភិបាលរង​ខេត្តមណ្ឌលគិរី​ម្នាក់​ដោយ​ចោទ​ពាក់ព័ន្ធ​ការចេញ​បណ្ណ​សម្គាល់​ម្ចាស់​ដីធ្លី​ជាន់​លើដី​គម្រប​ព្រៃឈើ និង​បទ​ចោទ​ពាក់ព័ន្ធ​លួច​គាស់​យក​ថ្ម​ធម្មជាតិ​

  • កាណាដា​ពិន័យ VW ១៥០ ​លាន​ដុល្លារ

    ក្រុងតូរ៉ុនតូៈ តុលាការ​ក្នុង​ទីក្រុង​តូរ៉ុនតូ​កាលពី​ថ្ងៃ​ពុធ​បាន​បញ្ជា​ឲ្យ​ក្រុមហ៊ុន Volkswagen (VW) បង់ប្រាក់​ពិន័យ ១៩៦,៥ លាន​ដុល្លារ​កាណាដា (១៥០ ​លាន​ដុល្លារ​អាមេរិក​) បន្ទាប់ពី​ក្រុមហ៊ុន​ផលិត​រថយន្ត​មួយ​នេះ​បាន​សារភាព​កំហុស​ចំពោះ​ការរំលោភច្បាប់​បរិស្ថាន​ក្នុង​រឿងអាស្រូវ​បោក​បន្លំ​ការបញ្ចេញ​កាបូន​។

  • សហជីព​បារាំង​​ព្យាយាម​បន្ត​ការ​តវ៉ា​ប្រឆាំង​ការ​កែ​ទម្រង់​ប្រាក់​សោធននិវត្តន៍​​ ដើម្បី​ដាក់​សម្ពាធ​លើ​រដ្ឋាភិបាល​​

    ក្រុង​ប៉ារីស៖ ក្រុម​សហជីព​បារាំង​កាល​ពី​ថ្ងៃ​ពុធ​ បាន​បន្ត​ធ្វើ​​កូដកម្ម​ជា​ច្រើន​ ដោយ​​មាន​​បំណង​បង្កើន​សម្ពាធ​​​​ទៅ​លើ​រដ្ឋាភិបាល​មុន​នឹង​រដ្ឋាភិបាល​នេះ​ ធ្វើ​ការ​បង្ហាញ​ការ​កែ​ទម្រង់​ប្រាក់​សោធននិវត្តន៍​ចុង​ក្រោយ ​ដែល​បាន​​​ជំរុញ​ឲ្យ​មាន​ការ​តវ៉ា​ពី​បញ្ហា​ការងារ​ធំ​បំផុត​នៅ​បារាំង​ជា​ច្រើន​ទសវត្សរ៍​នោះ​​។ ​

  • លាភ ​រដ្ឋា ​និង ​ផាន់ ​គ្រាន់ ​ប៉ះ​ថៃ​ចំណូល​ថ្មី​

    ភ្នំពេញ៖ ​អ្នក​លេង​កណ្តាប់​ដៃ​របស់​កម្ពុជា​ចំនួន ​២ ​នាក់ គឺ ​លាភ ​រដ្ឋា និង​ ផាន់ ​គ្រាន់​ ​នឹង​​ត្រូវ​បង្ហាញ​ខ្លួន​រួមគ្នា នៅ​​លើ​សង្វៀន​ SEATV នា​រសៀល​ថ្ងៃ​សៅរ៍​ស្អែក​នេះ ​ដោយ​ពួក​គេ​ត្រូវ​ជួប​ជាមួយ​​កីឡាករ​ថៃ​​ចំណូល​ថ្មី​ មិន​ធ្លាប់​មក​ប្រកួត​ក្នុង​សង្វៀន​នៅ​​ប្រទេស ​កម្ពុជា ​នោះ​ទេ​​។