.jpg)
សៀវភៅ «ការបង្កើតអាជីវកម្មនៅកម្ពុជា» (Cambodia Startup Handbook)។ Cambodia Startup Adviser
ភ្នំពេញៈ ប្រឹក្សាអាជីវកម្មបង្កើតថ្មីកម្ពុជា គ្រោងចេញផ្សាយសៀវភៅស្តីពី «ការបង្កើតអាជីវកម្មនៅកម្ពុជា» (Cambodia Startup Handbook) ជាលើកដំបូង សម្រាប់ជួយក្រុមហ៊ុនបង្កើតថ្មីផ្នែកបច្ចេកវិទ្យា ច្បាប់ ពន្ធដារ និងបញ្ហាប្រឈមនៃកម្មសិទ្ធិបញ្ញា។
សៀវភៅនេះនឹងប្រកាសដាក់ឲ្យដំណើរការនៅថ្ងៃទី ២ កក្កដា ឆ្នាំ ២០១៩។ បើតាមសេចក្តីប្រកាសព័ត៌មាន។
សៀវភៅនេះត្រូវបានសរសេររួមគ្នាដោយលោក Sreypeou Chaing, Junro Binang, Pheng Thea និងលោក David Haskel នៃសម្ព័ន្ធទីប្រឹក្សារបស់ប្រឹក្សាអាជីវកម្មបង្កើតថ្មីកម្ពុជា។
លោក David Haskel បានឲ្យដឹងនៅក្នុងសេចក្ដីប្រកាសព័ត៌មានថា ស្ថាបនិកក្រុមហ៊ុនជាច្រើននៅកម្ពុជាបានចំណាយពេលឥតប្រយោជន៍រកមើលព័ត៌មានជាមូលដ្ឋាន ដើម្បីបង្កើតក្រុមហ៊ុន ឬការបង់ពន្ធ។ លោកបន្តថា៖ «យើងចង់បញ្ជូលបច្ចុប្បន្នភាពព័ត៌មានទំាងអស់នៅកន្លែងតែមួយ ហើយវានឹងជួយចៀសវាងកំហុសជាទូទៅនៅពេលបង្កើតក្រុមហ៊ុន»។
យោងតាមការស្ទង់មតិកាលពីថ្មីនេះបានបង្ហាញថា ស្ថាបនិក ៦ នាក់ ក្នុងចំណោម ១០ នាក់ មានការពិបាកក្នុងការទទួលព័ត៌មានពីច្បាប់ និងពន្ធដារ ឬមិនអាចរកបាន។ នេះបើតាមសេចក្តីប្រកាសព័ត៌មាន។
ក្នុងសៀវភៅនេះនឹងជួយដោះស្រាយបញ្ហាទាំងនេះ ដែលមានដូចជា ច្បាប់ការងារមូលដ្ឋានគិតពន្ធ និងការលើកទឹកចិត្ត ការចាប់ផ្តើមហិរញ្ញវត្ថុ និងកម្មសិទ្ធបញ្ញា។
សៀវភៅដែលសរសេរជាភាសាអង់គ្លេសនេះ នឹងផ្តល់ភាពងាយយល់សម្រាប់អ្នកគ្មានជំនាញ សម្រាប់ការបង្ហាញផ្លូវដល់ការបើកអាជីវកម្មប្រចំាថ្ងៃរបស់ពួកគេ៕LA
