.jpg)
លោក ឈា ឆាយហេង/ប្រធានផ្នែកប្រឹក្សាយោបល់ហិរញ្ញវត្ថុនៃក្រុមហ៊ុន ហ្គោលដេន អេហ្វអិកស៍ លីង ឃែភីថល។
អត្រាប្រជាជនគ្មានការងារធ្វើនៅក្នុងប្រទេសអូស្ដ្រាលី បានកើនឡើងក្នុងរង្វង់ ០,៣% ពី ៧,១% នៅក្នុងខែឧសភា ដល់ ៧,៤% ឬ ៩៩២.៣០០ នាក់ នៅក្នុងខែមិថុនា នេះបើយោងតាមទិន្នន័យពីការិយាល័យស្ថិតិនៃប្រទេសអូស្ដ្រាលី (Australian Bureau of Statistics)។
បម្រែបម្រួលនេះបានបង្ហាញថា វិបត្ដិដែលបណ្ដាលមកពីវីរុសកូរ៉ូណានៅតែមានឥទ្ធិពល ស្របពេលដែលរលកទី២ នៅក្នុងរដ្ឋ Victoria កំពុងគំរាមកំហែងយ៉ាងធ្ងន់ធ្ងរទៅលើវិស័យការងារ ដែលអាចជំរុញឱ្យមានតម្រូវការបន្ថែមលើជំនួយសារពើពន្ធ ដើម្បីទប់ស្កាត់នូវផលប៉ះពាល់អវិជ្ជមាននៃរលកទី២ នេះ។
ស្ថានភាពកាន់តែធ្ងន់ធ្ងរ អាចនឹងកើតមានឡើងផងដែរ ខណៈអត្រាប្រជាជនគ្មានការងារធ្វើត្រូវបានគេរំពឹងថា នឹងអាចកើនឡើងដល់ ៨% នៅក្នុងទីផ្សារការងារក្នុងត្រីមាសទី៤ នៃឆ្នាំ ២០២០ ដោយសារការបន្តនៃឥទ្ធិពលរបស់វីរុសកូរ៉ូណា។ ជាលទ្ធផល សេដ្ឋកិច្ចអូស្ត្រាលី អាចនឹងចុះខ្សោយ ហើយវិនិយោគិន អាចនឹងបង្វែរទិសដៅទៅស្វែងរកឱកាសវិនិយោគនៅក្នុងប្រទេសដទៃទៀត ដែលនឹងជាហេតុនាំឱ្យតម្លៃនៃប្រាក់ដុល្លារអូស្ត្រាលីធ្លាក់ចុះ។
ចាប់តាំងពីខែមិថុនាមក តម្លៃនៃគូរូបិយប័ណ្ណដុល្លារអូស្ដ្រាលីធៀបនឹងដុល្លារអាមេរិក (AUD/USD) ប្រែប្រួលក្នុងចន្លោះពី ០,៦៨ ទៅ ០,៧០ ហើយតម្លៃបច្ចុប្បន្នរបស់វាស្ថិតនៅ ០,៦៩។
ដោយយោងតាមទិន្នន័យ និងសូចនាករសេដ្ឋកិច្ចខាងលើក៏ដូចជាបទពិសោធជាច្រើនឆ្នាំរបស់ខ្ញុំនៅក្នុងទីផ្សារហិរញ្ញវត្ថុ ខ្ញុំអាចមើលឃើញថា នេះគឺជាឱកាសដ៏ល្អមួយសម្រាប់ការជួញដូរគូរូបិយប័ណ្ណដុល្លារអូស្ដ្រាលីធៀបនឹងដុល្លារអាមេរិក ស្របពេលដែលប្រាក់ដុល្លារអូស្ត្រាលីអាចនឹងបន្តធ្លាក់ចុះ។
ប្រសិនបើលោកអ្នកត្រូវការព័ត៌មានលម្អិតអំពីរបៀបជួញដូរគូរូបិយប័ណ្ណដុល្លារអូស្ដ្រាលីធៀបនឹងដុល្លារអាមេរិក និងផលិតផលផ្សេងៗទៀត លោកអ្នកអាចទាក់ទងមកក្រុមហ៊ុន ហ្គោលដេន អេហ្វអិកស៍ លីង ឃែភីថល របស់យើងខ្ញុំ៕
