.jpg)
ខ្មោចរថយន្ត និងផ្ទះដែលឆេះម៉ត់បន្ទាប់ពីកើតមានភ្លើងឆេះព្រៃ Woolsey Fire កាលពីខែមុន។ រូបថត AFP
ក្រុងឡូអែនជឺឡែសៈ ការទាមទារសំណងធានារ៉ាប់រងពីគ្រោះមហន្តរាយភ្លើងឆេះព្រៃនាពេលថ្មីៗនេះនៅរដ្ឋកាលីហ្វ័រញ៉ា ដែលបានសម្លាប់មនុស្សយ៉ាងហោចណាស់ ៨៩ នាក់ និងបំផ្លាញលំនៅឋាន ១៩ ០០០ ខ្នងនិងអាជីកម្មនានា បានកើនឡើងដល់យ៉ាងហោចណាស់ ៩ ពាន់លានដុល្លារ។ នេះបើយោងតាមគណៈកម្មការធានារ៉ាប់រង់របស់រដ្ឋនៅថ្ងៃពុធនេះ។
លោក Dave Jones ស្នងការធានារ៉ាប់រងរដ្ឋកាលីហ្វ័រញ៉ា បានថ្លែងថា៖ «ភ្លើងឆេះព្រៃដ៏មហន្តរាយនៅឆ្នាំ ២០១៨ គឺជាគ្រោះមហន្តរាយភ្លើងឆេះព្រៃដែលបង្កឲ្យមនុស្សស្លាប់ និងខាងបង់ច្រើនបំផុតក្នុងប្រវត្តិសាស្រ្តរបស់រដ្ឋកាលីហ្វ័រញ៉ា»។
លោកមានប្រសាសន៍ថា៖ «ការស្លាប់ដ៏រន្ធត់នានា និងការខងបង់ទឹកប្រាក់ពីការធានារ៉ាប់ជាង ៩ ពាន់លានដុល្លាររហូតមកដល់ពេលនេះ កឺជាតួលេខដ៏រន្ធត់។ ពីក្រោមការខាតបង់ធានារ៉ាប់ងនេះ មនុស្សរាប់ពាន់នាក់បានប៉ះទង្គិចផ្លូវចិត្តដោយសារការបាត់បង់ដែលពិបាកនឹងពណ៌នានេះ»។
តួលេខដែលត្រូវបានចេញផ្សាយពាក់ព័ន្ធនឹងភ្លើងឆេះព្រៃចំនួនបីលើក គឺភ្លើងឆេះព្រៃ Camp Fire ភ្លើងឆេះព្រៃ The Woolsey Fire និងភ្លើងឆេះព្រៃ Hill Fire គឺជាតួលេខបឋម៕ AFP/KC
