The Phnom Penh Post Search

Search form

Logo of Phnom Penh Post newspaper Phnom Penh Post - ស្មាត​ទទួល​បាន​សិទ្ធិ​ផ្តាច់​មុខ​ក្នុង​ការ​ចែក​ចាយ​តន្ត្រី UMG




ស្មាត​ទទួល​បាន​សិទ្ធិ​ផ្តាច់​មុខ​ក្នុង​ការ​ចែក​ចាយ​តន្ត្រី UMG

លោក Sandy Monteiro ប្រធានក្រុមហ៊ុន Universal Music Group។ រូបថត ផា លីណា
លោក Sandy Monteiro ប្រធានក្រុមហ៊ុន Universal Music Group។ ផា លីណា

ស្មាត​ទទួល​បាន​សិទ្ធិ​ផ្តាច់​មុខ​ក្នុង​ការ​ចែក​ចាយ​តន្ត្រី UMG

ភ្នំពេញៈ ក្រុម​ហ៊ុន Universal​ Music​ Group ​កាល​ពី​ម្សិល​មិញ​បាន​ចុះ​ហត្ថលេខា​លើ​កិច្ច​ព្រម​ព្រៀង​ផ្ដាច់​មុខ​មួយ​ជាមួយ Smart ជា​ក្រុមហ៊ុន​ផ្ដល់​សេវា​ទូរស័ព្ទ​ចល័ត​ក្នុង​ស្រុក​ដើម្បី​​ចែក​ចាយ និង​សិទ្ធិ​លក់​ឡើង​​វិញ​សម្រាប់​កម្មវិធី​តន្រ្ដី​អាមេរិក​ទាំងអស់​នៅ​ក្នុង​ប្រទេស​កម្ពុជា​នៅ​លើ​ទូរស័ព្ទ​ចល័ត។

លោក Sandy ​Monteiro ប្រធាន​ក្រុមហ៊ុន Universal ​Music ​Group ​ប្រចាំ​តំបន់​អាស៊ីបូព៌ា​បាន​ថ្លែង​ថា កម្ពុជា​គឺជា​ប្រទេស​ទី៦ ហើយ​ដែល​ក្រុម​ហ៊ុន UMG បាន​ចុះ​ហត្ថលេខា​លើ​កិច្ច​ព្រម​ព្រៀង​ដូច​គ្នា។

ខាងក្រោម​នេះ​ជា​ការ​លើក​ឡើង​របស់​លោក ​ពី​ភាព​ជាដៃ​គូ​ជាមួយ​ក្រុមហ៊ុន SMART និង​ផែន​ការ​របស់​ក្រុមហ៊ុន UMG ​នៅ​ក្នុង​ឧស្សាហកម្ម​តន្ដ្រី​នៅ​ក្នុង​ប្រទេស​កម្ពុជា។

តើ​កិច្ច​ព្រម​ព្រៀង​នេះ​និយាយ​អំពី​អ្វី?

កិច្ច​ព្រម​ព្រៀង​នេះ​មាន​ច្រើន។ ដូច្នេះ​យើង​​នឹង​​ផ្ដល់​ឲ្យ​ពួក​គេ​នូវ​សិទ្ធិ​ផ្ដាច់​មុខ​ចំពោះ​កម្មវិធី​តន្រ្ដី​របស់​ក្រុម​ហ៊ុន Universal ​Music។ ពួកគេ​ទទួល​បាន​អ្វី​ៗ​គ្រប់​យ៉ាង​ទោះ​បីជា​វាត្រូវ​បាន​គេ​ទាញ​យក សំឡេង​រោទ៍ សំឡេង​រោទ៍​ពេល​ទូរស័ព្ទ​ទៅ​នរណា​ម្នាក់​វិញ។ ក្រុម​ហ៊ុន​ Smart ​មាន​សិទ្ធិ​គ្រប់​យ៉ាង​ដែល​មាន​ន័យ​ថា បើ​ក្រុមហ៊ុន Cellcard ​ចង់​លក់​តន្ដ្រី​ក្រុម​ហ៊ុន Universal ​music ​ពួក​គេ​ត្រូវ​តែ​ស្នើ​សុំ​ការ​អនុញ្ញាត​ពី​ក្រុម​ហ៊ុន ​Smart​ ជាមុន។

បើ​នរណា​ម្នាក់​ផ្សេង​ទៀត​ចង់​ប្រើ​ប្រាស់​តន្ដ្រី​ក្រុមហ៊ុន Universal ​Music ​ពួកគេ​ត្រូវ​តែ​ស្នើ​សុំ​ការ​អនុញ្ញាត​ពី​ក្រុម​ហ៊ុន ​SMART ​ ទោះ​បី​ការ​ស្តុក​ ឌីជីថល ស្តុក​ទាញ​យក​ សេវា​អ៊ីនធឺណិត​នៅ​ក្នុង​ប្រទេស​កម្ពុជា​ក៏​ដោយ។ ពួកគេ​ត្រូវ​តែ​សួរ​ក្រុម​ហ៊ុន ​Smart​ ជា​មុន។ វា​គឺជា​កិច្ច​ព្រម​ព្រៀង​ដ៏ធំ​មួយ។ ពួកគេ​មាន​សិទ្ធិ​ផ្ដាច់​មុខ​ចំពោះ​កម្ម​វិធី​របស់​យើង។

ហេតុ​អ្វី​បាន​ជា​អ្នក​មាន​ចំណាប់​អារម្មណ៍​ធ្វើ​ជា​ដៃ​គូ​ជាមួយ​ក្រុមហ៊ុន​ Smart ដើ​ម្បី​លក់​ផលិត​ផល​របស់​អ្នក?

យើង​កំពុង​ប្រតិ​បត្តិ​ការ​ក្រុមហ៊ុន​នៅ​ក្នុង​ប្រទេស​ចំនួន​៩។ យើង​ចាប់ផ្ដើម​ពី​ប្រទេស​ថៃ សិង្ហបុរី​ ម៉ាឡេស៊ី ឥណ្ឌូនេស៊ី ​ហ្វីលីពីន កោះតៃវ៉ាន់ ទី​ក្រុង​ហុង​កុង​ កូរ៉េ ​និង​ចិន។ យើង​ធ្វើ​ការងារ​ដើម្បី​ធានា​ឲ្យ​មាន​កំណើន​អាជីវកម្ម​របស់​យើង​សម្រាប់​តន្រ្ដី​របស់​យើង។ យើង​​មាន​វិចិត្រករ​ក្នុង​ស្រុក​នៅ​ក្នុង​បណ្ដា​ប្រទេស​ទាំង​នោះ​ផង​ដែរ។ ដូច្នេះ ក្រុមហ៊ុន Universal Music ​មិន​គ្រាន់​តែ​លក់​តន្ដ្រី​អន្តរជាតិ​ប៉ុណ្ណោះ​ទេ ប៉ុន្តែ​ថែម​ទាំង​​បង្កើត​តន្ដ្រី​ក្នុង​ស្រុក​ផង​ដែរ​នៅ​ក្នុង​បណ្ដា​ប្រទេស​ជា​ច្រើន​ដែល​យើង​មាន​ប្រតិបត្តិ​ការ​របស់​យើង។

រហូត​មក​ដល់​ពេល​នេះ​​វា​មាន​ការ​ខុស​ប្លែក​គ្នា​បន្តិច។ ក្រុមហ៊ុន​ Universal ​មិន​មាន​ការិយា​ល័យ​នៅ​កម្ពុជា​នោះ​ទេ​ ដូច្នេះ​សម្រាប់​ពួក​យើង​ អ្វី​ដែល​យើង​​កំពុងធ្វើ​កាល​ពី​អតីតកាល​គឺ​ដើម្បី​រក​អាជ្ញា​ប័ណ្ណ​លើ​មូល​ដ្ឋាន​រយៈពេល​ខ្លី។ ប្រសិន​បើ​នរណា​ម្នាក់​ចង់​លក់​សំឡេង​រោទ៍​ពេល​ទូរស័ព្ទ ឬ​ចង់​ទាញ​យក​បទ​ចម្រៀង ពួកគេ​នឹង​មក​ជួប​យើង​ និង​ដាក់​ពាក្យ​សុំ​អាជ្ញា​ប័ណ្ណ​រយៈពេល​ខ្លី​សម្រាប់​ការ​ធ្វើ​អាជីវកម្ម រយៈពេល​ខ្លី ហើយ​នៅ​ពេល​អាជ្ញា​ប័ណ្ណ​អស់​​សុពល​ភាព​ ពួក​គេ​ត្រូវ​ចរចា​ជា​មួយ​ពួក​យើង​ជាថ្មី​ម្ដង​ទៀត។

ហេតុ​អ្វី​បានជា​អ្នក​គិត​ថា​ តាម​រយៈ​ទូរគមនាគមន៍​ ជា​ទីផ្សារ​ដ៏​ល្អ​បំផុត​ក្នុង​ការ​លក់​ផលិត​ផល​របស់អ្នក?​

កាល​ពី​រយៈ​ពេល​១០ឆ្នាំ​មុន​ អាជីវ​កម្ម​ទូរ​គមនាគមន៍​មាន​វិស័យ​មួយ​ក្នុង​ចំណោម​វិស័យ​សំខាន់​ៗជា​ច្រើន​​ដែល​យើង​​ចូលរួម​ជាមួយ​ក្រុម​អ្នក​គាំទ្រ​តន្ដ្រី។ ដូច្នេះ​សម្រាប់​ពួក​យើង​ត្រូវ​ទៅ​រក​​ទូរ​គមនាគមន៍​គឺជា​រឿង​ធម្មតា។

ទី២​ បញ្ហា​គឺថា​ចាប់​ពីអ្វី​ដែល​យើង​បានធ្វើ​ជាមួយ​ក្រុម​ហ៊ុន​ទូរគមនាគមន៍​មួយ​ចំនួន ពួកគេ​ពិត​ជា​យល់​ពី​របៀប​ធ្វើទី​ផ្សារ​ជា​មួយ​តន្ដ្រី។ តន្ដ្រី​បាន​ក្លាយជា​ផ្នែក​មួយ​ដ៏​សំខាន់​នៅ​ក្នុង​ទីផ្សារ​របស់​ពួកគេ​ផងដែរ​ ដូច្នេះ​​ការពិត​ដែល​ថា​ពួកគេ​ចង់​ធ្វើ​ការ​ជាមួយ​ក្រុមហ៊ុន​តន្រ្ដី​គឺជា​ការ​ល្អមួយ​សម្រាប់​ពួក​យើង។

ទី៣​ ដែល​ជា​ផ្នែក​មួយ​​ដ៏​សំខាន់​បំ​ផុត គឺ​ជា​បញ្ហា​ដែល​ថា​យើង​មាន​នៅ​ក្នុង​ទីផ្សារ​នៅ​ពេល​យើង​ចង់​ដំណើរ​ការ​ទី​ផ្សារ​ស្រប​ច្បាប់។

តើ​ប្រជាជន​បង់​ប្រាក់​សម្រាប់​តន្ដ្រី​ដូច​ម្ដេច?​

ក្រុម​ហ៊ុន​ទូរ​គមនា​គមន៍​​មាន​​ការ​បង់​ប្រាក់​តាម​ផ្ទះ​រួច​ហើយ​ជាមួយ​នឹង​អាជីវកម្ម​បង់​ប្រាក់​ជា​មុន​ទាំង​អស់​ដែល​ពួកគេ​ធ្វើ​ ដូច្នេះ​ការ​មាន​ទូរ​គមនាគមន៍​មួយ​ដែល​មាន​ប្រព័ន្ធ​ទូទាត់​ប្រាក់​ងាយ​ស្រួល​អនុញ្ញាត​ឲ្យ​អាជីវកម្ម​តន្រ្ដី​ស្រប​ច្បាប់​មួយ​នេះ​រីក​ចម្រើន​យ៉ាង​ឆាប់​រហ័ស។​ ក្រុមហ៊ុន Smart ​មាន​ការ​ទូទាត់​​ប្រាក់​ងាយ​ស្រួល​ ហើយ​សម្រេច​បាន​យ៉ាង​ល្អ​ប្រសើរ។ ពួកគេ​មាន​អតិ​ថិជន​​ប្រហែល ៥,៨ លាន​នាក់។ ​សម្រាប់​ពួក​យើង​វា​គឺជា​ទីផ្សារ​ចាប់​ផ្ដើមរួច​ហើយ។

ប៉ុន្តែ​មាន​បញ្ហា​មួយ​នៃ​ការ​ទាញ​យក​ខុស​ច្បាប់​កំពុង​កើត​ឡើង​នៅ​កម្ពុជា​នៅពេល​នេះ​ តើ​អ្នក​យល់​យ៉ាង​ណា?​

វាគ្មាន​បញ្ហាទេ។ ​អ្វី​ដែល​​យើង​កំពុង​ព្យាយាម​និយាយ​គឺ​សម្រាប់​ដៃ​គូ​ខុស​ច្បាប់​ទាំង​អស់​ដែល​យើង​មាន​នៅ​ពេល​នេះ។ ​ពេល​ក្រោយ​យើង​នឹង​សហការ​ជាមួ​យ​រដ្ឋាភិបាល​កម្ពុជា​ក្នុង​ការ​ចាត់​វិធាន​ការ​ជា​មួយ​អ្នក​ទាំងនោះ​ប៉ុន្តែ​គោល​បំណង​របស់​ខ្ញុំ​មិន​បិទ​ពួកគេ​ទេ គោល​បំណង​របស់​ខ្ញុំ​នឹង​ប្រែ​ក្លាយ​ពួកគេ​ទៅ​ជា​អ្នក​ប្រើ​សេវា​ស្រប​ច្បាប់ ហើយ​នៅពេល​ពួកគេ​ក្លាយ​ជា​សេវា​ស្រប​ច្បាប់​ពួក​គេ​នឹង​ទៅ​ទទួល​យក​តន្ដ្រី​ពី​ក្រុម​ហ៊ុន Smart ក្រុមហ៊ុន​ Smart ​នឹង​ផ្ដល់​អាជ្ញា​ប័ណ្ណ​ឲ្យ​ពួកគេ។ ​ដូច្នេះ​អ្វី​ដែល​យើង​កំពុង​ព្យាយាម​ប្រាប់​ប្រជាជន​កម្ពុជា​គឺ​ថា ​អ្នក​អាច​ទាញ​យក​តន្រ្ដី ​ដូច​ដែល​អ្នក​ចង់​ ប៉ុន្តែ​​អ្នក​នឹង​​មិន​ទទួល​បាន​តន្រ្ដីនោះ​ទេ​លុះ​ត្រា​តែ​អ្នក​ទៅ​កាន់​កម្មវិធី​​ដែល​គាំទ្រ​ដោយ​ក្រុម​ហ៊ុន​ SMART​។​

បាទ​ អ្នក​អាច​ទាញ​យក​បាន​ប៉ុន្តែ​អ្នក​នឹង​មិន​មាន​បទ​ពិសោធ​ពិសេស​នេះ​ទេ។ ដរាប​ណា​អ្នក​​មិន​មាន​បទ​ពិសោធ​ពិសេស​នេះ​ អ្នក​មិន​យល់​ពី​អ្វី​ជា​ភាព​អស្ចារ្យ​បំផុត​អំពី​តន្រ្ដី​នោះទេ​។

ចាប់​តាំង​ពី​ឆ្នាំ​២០០៩ ​យើង​បាន​ចុះ​ហត្ថលេខា​លើ​កិច្ច​ព្រម​ព្រៀង​ដូច​គ្នា​នេះ​នៅ​ប្រទេស​ចំនួន​៥​ ហើយ​កម្ពុជា ជា​ប្រទេស​ទី ៦​ដែល​មាន​កិច្ច​ព្រម​ព្រៀង​ដូចគ្នា។

តើ​វា​នឹង​ទទួល​បាន​ជោគ​​ជ័យ​ឬទេ​?

វា​អា​ស្រ័យ​លើ​ប្រជាជនកម្ពុជា។ ​បើ​ពិនិត្យ​​ឲ្យ​សព្វ​គ្រប់​ទៅ​ យើង​ចង់​ចូល​រួម​ជា​មួយ​ប្រជាជន​កម្ពុជា និង​នាំយក​សេវា​ថ្នាក់​ពិភព​លោក​​មក​ឲ្យ​ប្រជា​ជន​កម្ពុជា។ ​ប៉ុន្តែ​​ប្រសិនបើ​ប្រជាជន​កម្ពុជា​មិន​ត្រូវ​ការ​វា បន្ទាប់​មក​យើង​នឹង​ត្រូវ​តែ​​គិត​ពីអ្វី​ផ្សេង​ទៀត។ ​ប៉ុន្តែ​ខ្ញុំ​ពិត​ជា​មាន​ទំនុក​ចិត្ត​ថា​វា​នឹង​ទទួល​បាន​ជោគ​​ជ័យ​៕PB

អត្ថបទគួរចាប់អារម្មណ៍