ទីក្រុងប៉េកាំងៈ ទិន្នន័យផ្លូវការបង្ហាញកាលពីថ្ងៃព្រហស្បតិ៍ឱ្យដឹងថា ការឡើងថ្លៃទំនិញនៅចិនយឺតៗសម្រាប់ ២ ខែជាប់គ្នាដល់ខែកញ្ញា ពេលការផ្គត់ផ្គង់សាច់ជ្រូកងើបឡើងវិញពីជំងឺជ្រូកអាហ្វ្រិក ពេលដែលកសិដ្ឋានជាច្រើនបានធូរស្រាលពីគ្រោះទឹកជំនន់។
សន្ទស្សន៍ថ្លៃទំនិញជាការវាស់វែងសំខាន់មួយនៃអតិផរណាលក់រាយកើនឡើង ១,៧ ភាគរយកាលពីខែមុនធៀបនឹងរយៈពេលដូចគ្នាកាលពី ១ ឆ្នាំមុន ប្រៀបធៀបជាមួយ ២,៤ ភាគរយធៀបនឹងខែសីហា។ នេះបើយោងតាមការិយាល័យជាតិស្ថិតិ NBS។ ការកើនឡើងក៏តិចជាងការរំពឹងទុកដែរ។
តម្លៃស្បៀងអាហារបានចាប់ផ្តើមមានស្ថិរភាព បន្ទាប់ពីរយៈពេលច្រើនខែនៃការកើនឡើងខ្លាំងបណ្តាលមកពីជំងឺជ្រូកដែលបំផ្លាញហ្វូងសត្វជ្រូកពាសពេញប្រទេស និងបានធ្វើឱ្យថ្លៃសាច់ជ្រូកឡើងថ្លៃជាហេតុធ្វើឱ្យមានតម្រូវការសាច់ផ្សេងៗទៀត។
ទឹកជំនន់ក៏បានកើតមានឡើងទូទាំងប្រទេសចិនកាលពីចុងខែមិថុនា ដោយបំផ្លាញផលដំណាំ និងការដឹកជញ្ជូន។
លោក Julian Evans-Pritchard អ្នកជំនាញសេដ្ឋកិច្ចចិនជាន់ខ្ពស់នៃក្រុមហ៊ុន Capital Economics បានឱ្យដឹងថា៖ «ដោយក្រឡេកមើលភាពប្រែប្រួលនៃតម្លៃម្ហូបអាហារ ផលប៉ះពាល់អតិផរណាកាន់តែធំពីការធ្លាក់ចុះដោយសារកូវីដ១៩បានបន្តធូរស្រាលឡើងវិញ»។
លោកបានកត់សម្គាល់ថា អតិផរណាតម្លៃទំនិញគោលដែលបណ្តាលឱ្យតម្លៃអាហារ និងថាមពលបានកើនឡើង ០,២ ភាគរយ ក្នុង ១ ខែ ពោលគឺជាល្បឿនលឿនបំផុតចាប់តាំងពីការផ្ទុះឡើងនៃកូវីដ ១៩។
សន្ទស្សន៍តម្លៃផលិតកម្មដែលវាស់វែងការចំណាយនៃទំនិញនៅរោងចក្រ បានធ្លាក់ចុះ ២,១ ភាគរយធៀបឆ្នាំមុនពោលគឺ ការព្យាករបានធ្លាក់ចុះជាង ១,៨ ភាគរយក្នុងការស្ទង់មតិរបស់អ្នកវិភាគនៅ Bloomberg។
Evans-Pritchard បានកត់សម្គាល់ថា៖ «ប៉ុន្តែដូចសន្ទស្សន៍តម្លៃទំនិញគោលតម្លៃនៅតាមរោងចក្របន្តងើបឡើងវិញកាលពីខែមុនដោយសារតម្រូវការឧស្សាហកម្មខ្លាំងកើនឡើង ០,១ ភាគរយ ធៀបពី ១ ខែទៅ ១ ខែទៀត»។
មូលនិធិរូបិយវត្ថុអន្តរជាតិ (IMF) ក្នុងសប្តាហ៍នេះព្យាករថា ចិននឹងជាប្រទេសមានសេដ្ឋកិច្ចធំតែ ១ គត់ដែលមានកំណើនសេដ្ឋកិច្ចក្នុងឆ្នាំនេះពេលដែលប្រទេសនេះងើបផុតពីការបំផ្លាញ បង្កដោយវីរុសកូរ៉ូណា។
លោក Zhaopeng Xing អ្នកសេដ្ឋកិច្ចទីផ្សារចិននៅក្រុមហ៊ុន ANZ Research៖ «ផលិតកម្មឧស្សាហកម្មបានឈានដល់កម្រិតសក្តានុពលរបស់ខ្លួន និង យើងរង់ចាំសម្រាប់ការងើបឡើងវិញនៃវិស័យសេវាកម្មរបស់ប្រទេសចិន»។
លោកបានបន្ថែម៖ «ខ្ញុំគិតថា ភាពរីកចម្រើនកំពុងតែដំណើរការល្អ»៕ RR