The Phnom Penh Post Search

Search form




Logo of Phnom Penh Post newspaper Phnom Penh Post - អាមេរិក​ដក​ប្រទេស ​ចិន ​ចេញពី​ឈ្មោះ​អ្នក​កេងចំណេញ​តម្លៃ​រូបិយប័ណ្ណ

អាមេរិក​ដក​ប្រទេស ​ចិន ​ចេញពី​ឈ្មោះ​អ្នក​កេងចំណេញ​តម្លៃ​រូបិយប័ណ្ណ

Content image - Phnom Penh Post
បុគ្គលិក​ធនាគារ​កំពុង​រាប់​ប្រាក់​ដុល្លារ​ដែល​នៅ​ជិត​ប្រាក់​យន់​។ រូបថត AFP

អាមេរិក​ដក​ប្រទេស ​ចិន ​ចេញពី​ឈ្មោះ​អ្នក​កេងចំណេញ​តម្លៃ​រូបិយប័ណ្ណ

ក្រុងវ៉ាស៊ីនតោនៈ សហរដ្ឋអាមេរិក​កាលពី​ថ្ងៃ​ចន្ទ​បាន​លុប​ប្រទេស​ចិន​ចេញពី​ឈ្មោះថា​ជា​ប្រទេស​កេងចំណេញ​តម្លៃ​រូបិយប័ណ្ណ (currency manipulator) ដែល​ប្រទេស​មហាអំណាច​ពិភពលោក​មួយ​នេះ​បាន​ដល់​មកលើ​ចិន​កាលពី​រដូវក្តៅ​ឆ្នាំមុន​ក្នុង​សញ្ញា​មួយ​នៃ​ការធូរស្រាល​ភាពតានតឹង​រវាង​ប្រទេស​ទាំងពីរ​បន្ទាប់ពី​មាន​ជម្លោះ​អស់​រយៈពេល​ជិត ២ ​ឆ្នាំ​។

ត្រឹមតែ ២ ​ថ្ងៃ​ បន្ទាប់ពី​លោក​ប្រធានាធិបតី​អាមេរិក ដូណាល់ ត្រាំ គ្រោង​នឹង​ចុះហត្ថលេខា​លើ​កិច្ចព្រមព្រៀង​ពាណិជ្ជកម្ម «​ដំណាក់កាល​ទី​ ១» ជាមួយ​ប្រទេស​ ចិន រដ្ឋមន្ត្រី​ក្រសួង​ហិរញ្ញវត្ថុ​អាមេរិក​បាន​ឲ្យ​ដឹង​នៅក្នុង​របាយការណ៍​ពាក់កណ្តាល​ឆ្នាំ​របស់ខ្លួន​ដែល​ផ្ញើ​ទៅកាន់​សភា​ថា ប្រាក់​យន់​បាន​ឡើងថ្លៃ ហើយ​ទីក្រុង​ប៉េកាំង​លែង​ត្រូវបាន​ចាត់ទុកថា​ជា​ប្រទេស​កេងចំណេញ​តម្លៃ​រូបិយប័ណ្ណ​ទៀតហើយ​។

អាជ្ញាធរ​ចិន​កាលពី​ខែសីហា​បានអនុញ្ញាត​ឲ្យ​ប្រាក់​យន់​ធ្លាក់​ចុះថ្លៃ​ដល់​ក្រោម ៧ យន់​ ក្នុង​មួយ​ដុល្លារ​ដោយ​បាន​បង្ក​ឲ្យ​មាន​ភាពរញ្ជួយ​ដល់​ទីផ្សារ​ភាគហ៊ុន​នៅពេល​នោះ និង​បាន​ជំរុញ​ឲ្យ​លោក ត្រាំ ខឹងសម្បា​។

ក្រសួង​ហិរញ្ញវត្ថុ​អាមេរិក​បាន​ឲ្យ​ដឹងថា «​កាលពី​រដូវក្តៅ ប្រទេស​ចិន​បាន​ចាត់វិធានការ​រឹងមាំ ដើម្បី​ទម្លាក់​ថ្លៃ​រូបិយប័ណ្ណ​របស់ខ្លួន​» ហើយ​វិធានការ​ទាំងនោះ​បាន​ធ្វើឲ្យ​ប្រាក់​យន់​ធ្លាក់ចុះ​ដល់​កម្រិត​ទាប​បំផុត​របស់ខ្លួន​ក្នុង​រយៈពេល​ ១១ ​ឆ្នាំ​ធៀប​នឹង​ប្រាក់​ដុល្លារ​។

ទោះយ៉ាងណា​ថ្មីៗ​បំផុត​នេះ រូបិយប័ណ្ណ​នេះ​បាន​ឡើងថ្លៃ​វិញ​ដល់ ៦,៩៣ ​យន់​ក្នុង​ ១ ​ដុល្លារ​។ ក្រសួង​បាន​បន្តថា កិច្ចព្រមព្រៀង​ពាណិជ្ជកម្ម​ថ្មី​នេះ​ដោះស្រាយ​បញ្ហា​រូបិយប័ណ្ណ​៕ KC

អត្ថបទគួរចាប់អារម្មណ៍

  • ជនជាតិ​ភាគតិច និង​សង្គម​ស៊ីវិល​ប្ដឹង​ជំទប់​ឃុំ និង​អភិបាលរង​ខេត្ត ​រឿង​ចេញ​បណ្ណ​សម្គាល់​ដី​ជាន់​លើ​ដី​ព្រៃ

    មណ្ឌលគិរី: ពលរដ្ឋ​សហគមន៍​ជនជាតិ​ដើម​ភាគតិច និង​សង្គម​ស៊ីវិល​ចំនួន ៦ ​នាក់​ បាន​ដាក់​ពាក្យបណ្ដឹង​ចំនួន ២ ​ដាច់​ ដោយឡែក​ពី​គ្នា​ប្ដឹង​មនុស្ស ៤ ​នាក់ ​ទៅ​តុលាការខេត្ត​ក្នុង​នោះ​មាន​ជំទប់​ទី​ ១ ​ឃុំ​ប៊ូស្រា​ម្នាក់ និង​អភិបាលរង​ខេត្តមណ្ឌលគិរី​ម្នាក់​ដោយ​ចោទ​ពាក់ព័ន្ធ​ការចេញ​បណ្ណ​សម្គាល់​ម្ចាស់​ដីធ្លី​ជាន់​លើដី​គម្រប​ព្រៃឈើ និង​បទ​ចោទ​ពាក់ព័ន្ធ​លួច​គាស់​យក​ថ្ម​ធម្មជាតិ​

  • កាណាដា​ពិន័យ VW ១៥០ ​លាន​ដុល្លារ

    ក្រុងតូរ៉ុនតូៈ តុលាការ​ក្នុង​ទីក្រុង​តូរ៉ុនតូ​កាលពី​ថ្ងៃ​ពុធ​បាន​បញ្ជា​ឲ្យ​ក្រុមហ៊ុន Volkswagen (VW) បង់ប្រាក់​ពិន័យ ១៩៦,៥ លាន​ដុល្លារ​កាណាដា (១៥០ ​លាន​ដុល្លារ​អាមេរិក​) បន្ទាប់ពី​ក្រុមហ៊ុន​ផលិត​រថយន្ត​មួយ​នេះ​បាន​សារភាព​កំហុស​ចំពោះ​ការរំលោភច្បាប់​បរិស្ថាន​ក្នុង​រឿងអាស្រូវ​បោក​បន្លំ​ការបញ្ចេញ​កាបូន​។

  • សហជីព​បារាំង​​ព្យាយាម​បន្ត​ការ​តវ៉ា​ប្រឆាំង​ការ​កែ​ទម្រង់​ប្រាក់​សោធននិវត្តន៍​​ ដើម្បី​ដាក់​សម្ពាធ​លើ​រដ្ឋាភិបាល​​

    ក្រុង​ប៉ារីស៖ ក្រុម​សហជីព​បារាំង​កាល​ពី​ថ្ងៃ​ពុធ​ បាន​បន្ត​ធ្វើ​​កូដកម្ម​ជា​ច្រើន​ ដោយ​​មាន​​បំណង​បង្កើន​សម្ពាធ​​​​ទៅ​លើ​រដ្ឋាភិបាល​មុន​នឹង​រដ្ឋាភិបាល​នេះ​ ធ្វើ​ការ​បង្ហាញ​ការ​កែ​ទម្រង់​ប្រាក់​សោធននិវត្តន៍​ចុង​ក្រោយ ​ដែល​បាន​​​ជំរុញ​ឲ្យ​មាន​ការ​តវ៉ា​ពី​បញ្ហា​ការងារ​ធំ​បំផុត​នៅ​បារាំង​ជា​ច្រើន​ទសវត្សរ៍​នោះ​​។ ​

  • លាភ ​រដ្ឋា ​និង ​ផាន់ ​គ្រាន់ ​ប៉ះ​ថៃ​ចំណូល​ថ្មី​

    ភ្នំពេញ៖ ​អ្នក​លេង​កណ្តាប់​ដៃ​របស់​កម្ពុជា​ចំនួន ​២ ​នាក់ គឺ ​លាភ ​រដ្ឋា និង​ ផាន់ ​គ្រាន់​ ​នឹង​​ត្រូវ​បង្ហាញ​ខ្លួន​រួមគ្នា នៅ​​លើ​សង្វៀន​ SEATV នា​រសៀល​ថ្ងៃ​សៅរ៍​ស្អែក​នេះ ​ដោយ​ពួក​គេ​ត្រូវ​ជួប​ជាមួយ​​កីឡាករ​ថៃ​​ចំណូល​ថ្មី​ មិន​ធ្លាប់​មក​ប្រកួត​ក្នុង​សង្វៀន​នៅ​​ប្រទេស ​កម្ពុជា ​នោះ​ទេ​​។