The Phnom Penh Post Search

Search form




Logo of Phnom Penh Post newspaper Phnom Penh Post - អាមេរិក​ស៊ើប​អង្កេត ​ផែនការ​ហូត​ពន្ធ​ឌីជីថល​របស់​បារាំង

អាមេរិក​ស៊ើប​អង្កេត ​ផែនការ​ហូត​ពន្ធ​ឌីជីថល​របស់​បារាំង

Content image - Phnom Penh Post
ឡូហ្គោ​​ក្រុមហ៊ុន​បច្ចេកវិទ្យា​ទាំង ៤ របស់​អាមេរិក​ដែល​ប្រឈម​ច្បាប់​នេះ​​។ AFP

អាមេរិក​ស៊ើប​អង្កេត ​ផែនការ​ហូត​ពន្ធ​ឌីជីថល​របស់​បារាំង

ក្រុង​វ៉ាស៊ីនតោនៈ ក្រុម​មន្ដ្រី​អាមេរិក​បាន​ឲ្យ​ដឹង​កាល​ពី​ថ្ងៃ​ពុធ​ថា​ លោក​ប្រធានាធិបតី​អាមេរិក ដូណាល់ ត្រាំ បាន​ចេញ​បញ្ជា​ឲ្យ​ស៊ើប​អង្កេត​លើ​ផែនការ​របស់​ប្រទេស ​បារាំង ​ក្នុង​ការ​ដក​ហូត​​ពន្ធ​លើ​ក្រុមហ៊ុន​អ៊ីនធឺណិត និង​ឌីជីថល​ ដែល​នឹង​ធ្វើ​ឲ្យ​ប៉ះពាល់​យ៉ាង​ខ្លាំង​ជា​ពិសេស​ដល់​​បចេ្ចកវិទ្យា​ឈាន​មុខ​គេ​របស់​អាមេរិក។

ការ​ស៊ើប​អង្កេត​​ការ​​អនុវត្ត​ពាណិជ្ជកម្ម​មិន​ស្មើភាព​អាច​បើក​ផ្លូវ​ឲ្យ​​ទីក្រុង​វ៉ាស៊ីនតោន​ ចាត់​វិធានការ​ដក​​ហូត​ពន្ធ​នាំចូល​ពិន័យ ជា​អ្វី​ដែល​លោក ​ត្រាំ បាន​ធ្វើ​ម្ដង​ហើយ​ម្ដង​ទៀត​ចាប់​​​ពី​​ពេល​ឡើង​កាន់​អំណាច។​

ហើយ​វា​បន្ថែម​ការ​បន្ត​ខ្វែង​គំនិត​គ្នា​មួយ​ផ្សេង​ទៀត​ក្នុង​ជម្លោះ​ពាណិជ្ជកម្ម​អន្តរ​អាត្លង់ទិក​របស់​អាមេរិក​ និង​ទ្វីប​អឺរ៉ុប ដែល​នៅ​ពេល​នេះ​ក៏​រួមមាន​ជម្លោះ​​ពាណិជ្ជកម្ម​ដែក​ថែប អាលុយមីញ៉ូម រថយន្ត​ យន្តហោះ និង​កសិកម្ម​ផង​ដែរ​។​

លោក Robert Lighthizer តំណាង​ពាណិជ្ជកម្ម​អាមេរិក​បាន​​ឲ្យ​ដឹង​​ក្នុង​សេចក្ដី​ប្រកាស​ព័ត៌មាន​មួយ​ថា​៖ «​អាមេរិក​មាន​​ការ​បារម្ភ​យ៉ាង​ខ្លាំង​ថា ពន្ធ​លើ​សេវា​ឌីជីថល​​ដែល​ត្រូវ​បាន​រំពឹង​ថា នឹង​ឆ្លង​ផុត​​ព្រឹទ្ធសភា​​​បារាំង​នៅ​ថ្ងៃ​ស្អែក [ថ្ងៃ​នេះ] កំណត់​ទិសដៅ​​ដោយ​​មិន​ស្មើភាព​លើ​​ក្រុមហ៊ុន​អាមេរិក​»។​

ការិយាល័យ​ពាណិជ្ជកម្ម​មួយ​​នេះ​បាន​ឲ្យ​ដឹង​ថា សំណើ​ច្បាប់​ដក​ហូត​​ពន្ធ​ក្នុង​អត្រា​ ៣ ភាគរយ ​​លើ​ប្រាក់​ចំណូល​ប្រចាំ​ឆ្នាំ​សរុប​របស់​ក្រុមហ៊ុន​ដែល​ផ្ដល់​សេវា​ដល់អតិ​ថិជន​បារាំង​ អនុវត្ត​​ចំពោះ​តែ​​​ក្រុមហ៊ុន​បច្ចេកវិទ្យា​​ឈាន​មុខ​គេ​ធំៗ​​​ប៉ុណ្ណោះ​ «ដែល​​​ក្រុមហ៊ុន​អាមេរិក​គឺ​ជា​​ក្រុមហ៊ុន​នាំ​មុខ​គេ​លើ​ពិភព​​លោក​»។​

ក្រុមហ៊ុន​អ៊ីនធឺណិត​ធំៗ​មួយ​ចំនួន​ បាន​ទទួល​អត្ថ​ប្រយោជន៍​​​ពី​ច្បាប់​ពន្ធ​ទាប​ដែល​កំពុង​ចូល​ជា​ធរមាន​នៅ​តាម​ប្រទេស​មួយ​ចំនួន​​ ដូចជា​ប្រទេស ​អៀរឡង់ ​ជា​ដើម ខណៈ​ដែល​​បង់​ពន្ធ​តិចតួច​បំផុត​ទៅ​ឲ្យ​ប្រទេស​​ផ្សេង​ទៀត​ ជា​ទី​ដែល​ក្រុមហ៊ុន​ទាំង​នោះ​ទាញ​យក​ប្រាក់​ចំណេញ​​​ក្នុង​ចំនួន​ដ៏​ច្រើន​។​

ស៊ើប​អង្កេត​តាម​មាត្រា ​៣០១ គឺ​ជា​ឧបករណ៍​ដ៏​សំខាន់​ដែល​រដ្ឋបាល​លោក ត្រាំ បាន​ប្រើប្រាស់​​នៅ​ក្នុង​សង្គ្រាម​ពាណិជ្ជកម្ម​ជាមួយ​ប្រទេស ​ចិន ដើម្បី​បង្ហាញ​ពី​ភាព​ត្រឹមត្រូវ​ក្នុង​ការ​អនុវត្ត​ការ​ដក​ហូត​ពន្ធ​លើ​ទំនិញ​​នាំចូល​ប្រឆាំង​នឹង​អ្វី​ដែល​​អាមេរិក​ឲ្យ​ដឹង​ថា គឺ​ជា​ការ​អនុវត្ត​ពាណិជ្ជកម្ម​មិន​​ស្មើភាព​។​

ការិយាល័យ​តំណាង​ពាណិជ្ជកម្ម​អាមេរិក នឹង​​បើក​សវនាការ​ ដើម្បី​អនុញ្ញាត​ឲ្យ​មាន​ការ​ផ្ដល់​យោបល់​ជា​សាធារណៈ​ស្ដីពី​​បញ្ហា​នេះ​ក្នុង​រយៈពេល ​២-៣ ​សប្ដាហ៍ ​មុន​ពេល​ការ​ចេញ​របាយការណ៍​ចុង​ក្រោយ​ជាមួយ​នឹង​អនុសាសន៍​ស្ដីពី​វិធានការ​ណាមួយ​ត្រូវ​ធ្វើ​ឡើង​។​

ទោះជា​យ៉ាង​ណា ទោះ​ជា​មាន​ការ​ជំទាស់​នឹង​សំណើ​ច្បាប់​ដក​ហូត​ពន្ធ​របស់​ប្រទេស ​បារាំង ​ក្តី​ ក៏​សេចក្ដី​ថ្លែងការណ៍​នេះ​​​បាន​ឲ្យ​ដឹង​ថា អាមេរិក​នឹង​បន្ត​ធ្វើ​ការងារ​ជាមួយ​បណ្ដា​ប្រទេស​អភិវឌ្ឍន៍​ ​ដើម្បី​ដោះស្រាយ​​បញ្ហា​​​ពី​របៀប​ហូត​ពន្ធ​លើ​​ក្រុមហ៊ុន​បច្ចេកវិទ្យា​៕ AFP/​LA

អត្ថបទគួរចាប់អារម្មណ៍

  • អ៊ីរ៉ង់​រកឃើញ​អណ្តូងរ៉ែ​ថ្មី​មាន​ឧស្ម័ន​ ៥៣៨ ​ពាន់​លាន​ម៉ែត្រគុប

    ក្រុងតេអេរ៉ង់ៈ ប្រទេស​អ៊ីរ៉ង់​បាន​រកឃើញ​អណ្តូង​ឧស្ម័ន​មួយ​នៅ​ជិត​ឈូង​សមុទ្រ​ពែរ្ស៍ ដែល​មាន​កំណប់​ឧស្ម័ន​គ្រប់គ្រាន់​សម្រាប់​ការផ្គត់ផ្គង់​ដល់​ទីក្រុង​នេះ​រយៈពេល ១៦ ឆ្នាំ​។ នេះ​បើ​យោង​តាម​សេចក្តី​រាយការណ៍​របស់​ប្រព័ន្ធ​ផ្សព្វផ្សាយ​រដ្ឋ​អ៊ីរ៉ង់​កាលពី​ថ្ងៃ​អាទិត្យ​។

  • ប៉ូឡូញ និង​រុស្ស៊ី ​ឡើង​វគ្គ​បន្ត ខណៈ​អាល្លឺម៉ង់​ចាំ​អ៊ុត​សិន

    ក្រុង​ប៉ារីស៖ ជម្រើស​ជាតិ​ប៉ូឡូញ​ និង​រុស្ស៊ី​បាន​កក់​កៅអី​របស់​​​ខ្លួន​នៃ​​​ព្រឹត្តិការណ៍​ Euro ​២០២០ ក្រោយ​ពី​​ក្រុម​ប៉ូឡូញ​បាន​ឈ្នះ​​ជម្រើស​ជាតិ​ម៉ាសេដ្វាន​ខាង​ជើង​ ហើយ​ក្រុម​រុស្ស៊ី​បាន​ឈ្នះ​ជម្រើស​ជាតិ​​ស៊ីប​ ​ពី​ថ្ងៃ​អាទិត្យ​ ខណៈ​ជម្រើស​ជាតិ​អាល្លឺម៉ង់​ និង​ហូឡង់​

  • អ៊ីមរ៉ាន ខាន់​ ធ្វើ​ទស្សនកិច្ច​​​នៅ​​អ៊ីរ៉ង់​ ខណៈ​​ភាព​តានតឹង​កើន​ឡើង​នៅ​ឈូង​សមុទ្រ​

    ក្រុង​តេអេរ៉ង់៖ ​នាយក​រដ្ឋមន្ត្រី​ប៉ាគីស្ថាន​លោក​ អ៊ីមរ៉ាន ខាន់ ​បាន​ទស្សនកិច្ច​ទៅ​កាន់​ប្រទេស ​អ៊ីរ៉ង់ ​កាល​ពី​ថ្ងៃ​អាទិត្យ​ បន្ទាប់​ពី​មាន​ការ​ស្នើសុំ​មួយ​ចេញ​ពី​អាមេរិក ​និង​អារ៉ាប៊ី សាអ៊ូឌីត​ ដើម្បី​ឲ្យ​លោក​ជួយ​បន្ធូរបន្ថយ​ភាព​តានតឹង​កាន់​តែ​ខ្លាំង​ឡើង​នៅ​ឈូង​សមុទ្រ​មាន​ជម្លោះ​។​

  • ធនាគារ​កណ្តាល​សិង្ហបុរី​ បន្ធូរ​គោលនយោបាយ​រូបិយវត្ថុ

    ក្រុងសិង្ហបុរីៈ ប្រទេស​សិង្ហបុរី​កាលពី​ថ្ងៃ​ចន្ទ​បាន​បន្ធូរបន្ថយ​គោលនយោបាយ​រូបិយវត្ថុ​ជា​លើកដំបូង​ក្នុង​រយៈពេល​ជាង ៣ ​ឆ្នាំ ខណៈ​សង្គ្រាម​ពាណិជ្ជកម្ម​រវាង​អាមេរិក និង​ចិន​បញ្ចេញ​ឥទ្ធិពល ស្រប​ពេល​ដែល​ប្រទេស​មាន​សេដ្ឋកិច្ច​ពឹងផ្អែក​លើ​ការនាំចេញ​មួយ​នេះ​បាន​គេច​ផុតពី​ការដើរ​ថយក្រោយ​នៃ​សេដ្ឋកិច្ច​នៅ​ត្រីមាស​ទី​ ៣​។