.jpg)
លោក Khalid al-Falih រដ្ឋមន្ត្រីក្រសួងប្រេងអារ៉ាប៊ីសាអូឌីត ថ្លែងក្នុងកិច្ចប្រជុំកាលពីម្សិលមិញ។ រូបថត AFP
ក្រុងអាប៊ុយដាប៊ីៈ ប្រទេសអារ៉ាប៊ីសាអូឌីត បានឲ្យដឹងថា ខ្លួននឹងកាត់បន្ថយការនាំចេញប្រេងឆៅចំនួន ៥ សែនបារ៉ែលក្នុងមួយថ្ងៃនៅខែធ្នូ ខណៈក្រុមប្រទេសផលិតប្រេងធំៗបានជួបប្រជុំកាលពីថ្ងៃអាទិត្យ ដើម្បីពិចារណាអំពីការកាត់បន្ថយទិន្នផល ដើម្បីជំរុញតម្លៃប្រេងដែលកំពុងធ្លាក់ចុះ។
លោក Khalid al-Falih រដ្ឋមន្ត្រីក្រសួងប្រេងអារ៉ាប៊ីសាអូឌីត បានប្រាប់ក្រុម អ្នកយកព័ត៌មាននៅក្នុងកិច្ចប្រជុំក្នុងទីក្រុងអាប៊ុយដាប៊ីកាលពីម្សិលមិញនេះថា៖ «ការនាំចេញប្រេងឆៅរបស់អារ៉ាប៊ីសាអូឌិតសម្រាប់ខែធ្នូ នឹងទាបជាងបរិមាណការនាំចេញខែវិច្ឆិកាចំនួន ៥ សែនបារ៉ែល»។
ប្រទេសនាំចេញប្រេងច្រើនបំផុតរបស់ពិភពលោកមួយនេះកំពុងបូមប្រេងចំនួន ១០,៧ លានបារ៉ែលក្នុងមួយថ្ងៃចាប់ពីខែតុលាមក។ នេះបើយោងតាមលោក Falih៕ AFP/KC
