The Phnom Penh Post Search

Search form




Logo of Phnom Penh Post newspaper Phnom Penh Post - អាល្លឺម៉ង់​ អាច​ធ្លាក់​ចូលក្នុង​ការដើរ​ថយក្រោយ​នៃ​សេដ្ឋកិច្ច

អាល្លឺម៉ង់​ អាច​ធ្លាក់​ចូលក្នុង​ការដើរ​ថយក្រោយ​នៃ​សេដ្ឋកិច្ច

Content image - Phnom Penh Post
លោកស្រី​អធិការបតី​អាល្លឺម៉ង់​ក្នុងពេល​ចុះ​ពិនិត្យ​មើល​រោងចក្រ​ក្រុមហ៊ុន Siemens​។ AFP

អាល្លឺម៉ង់​ អាច​ធ្លាក់​ចូលក្នុង​ការដើរ​ថយក្រោយ​នៃ​សេដ្ឋកិច្ច

ក្រុងហ្វ្រេងហ្វឺតៈ ទិន្នន័យ​បឋម​បានបង្ហាញ​កាលពី​ថ្ងៃ​ពុធ​ថា សេដ្ឋកិច្ច​របស់​ប្រទេស​អាល្លឺម៉ង់​បាន​ធ្លាក់ចុះ​នៅ​ត្រីមាស​ទី ២ ដោយសារ​ប្រទេស​ដែល​ពឹង​ផ្អែកលើ​ការនាំចេញ​នេះ​ជួបប្រទះ​នឹង​បញ្ហា​ពាណិជ្ជកម្ម និង​សេដ្ឋកិច្ចពិភពលោក​។

អាជ្ញាធរ​ស្ថិតិ​សហព័ន្ធ Destatis របស់​អាល្លឺម៉ង់​បាន​ឲ្យ​ដឹងថា ផលិតផល​ក្នុងស្រុក​សរុប (GDP) នៅ​ត្រីមាស​ទី​ ២ បាន​ធ្លាក់ចុះ ០,១ ភាគរយ​ធៀប​នឹង​ត្រីមាស​ទី​ ១ ឆ្នាំនេះ​។ តួលេខ​នេះ​ស្រប​ជាមួយ​នឹង​ការ​ព្យាករ​របស់​ក្រុមអ្នកវិភាគ​ដែល​ស្ទង់​មតិ​ដោយ​ក្រុមហ៊ុន Factset​។

ការធ្លាក់ចុះ​នេះ​មាន​ន័យ​ថា ប្រទេស​អាល្លឺម៉ង់​នៅពេល​នេះ​កំពុង​ស្ថិតនៅ​ពីក្រោយ​ប្រទេស​ឈានមុខ​គេ​ផ្សេងទៀត​នៅក្នុង​តំបន់​ចាយប្រាក់​អឺរ៉ូ បន្ទាប់ពី​ត្រីមាស​ទី ២ បាន​មើលឃើញ​ថា​ប្រទេស​អ៊ីតាលី​មាន​អត្រាកំណើន​សេដ្ឋកិច្ច​ថេរ និង​ប្រទេស​បារាំង​កើនឡើង ០,២ ភាគរយ​។

ខណៈ​ទិន្នន័យ​រឹង និង​សូចនាករ​ទន់​ដូចជា​ការស្ទង់មតិ​អាជីវកម្ម វិនិយោគិន និង​ទំនុកចិត្ត​អតិថិជន​បាន​ធ្លាក់ចុះ​ក្នុង​រយៈពេល​ប៉ុន្មាន​សប្ដាហ៍ និង​ប៉ុន្មាន​ខែ​ថ្មីៗ​នេះ ក្រុម​សេដ្ឋវិទូ​ព្រមាន​ថា ប្រទេស​មហាអំណាច​អឺរ៉ុប​នេះ​អាច​ទទួលរង​ការធ្លាក់ចុះ​ទិន្នផល និង​ថែមទាំង​ធ្លាក់​ចូល​ក្នុង​ការដើរថយក្រោយ​នៃ​សេដ្ឋកិច្ច (Recession) ទៀត​ផង​ដែល​តាមន័យ​បច្ចេកទេស​មានន័យថា​ជាការ​ធ្លាក់ចុះ​សេដ្ឋកិច្ច​ចូល​ដែន​អវិជ្ជមាន​រយៈពេល​ ២ ​ត្រីមាស​ជាប់​គ្នា​។

អាជ្ញាធរ​ស្ថិតិ​សហព័ន្ធ Destatis បាន​ឲ្យ​ដឹងថា ការចំណាយ​កាន់តែ​ខ្ពស់​ដោយ​គ្រួសារ​ឯកជន និង​រដ្ឋ​ព្រមទាំង​ការបង្កើន​ការវិនិយោគ​បាន​ជួយ​គាំទ្រ​សេដ្ឋកិច្ច​នៅក្នុង​ប្រទេស​។

ប៉ុន្តែ​ក្រុម​អ្នក​ស្ថិតិ​បាន​ឲ្យ​ដឹងថា «​ការវិនិយោគ​ពាណិជ្ជកម្ម​បរទេស​បាន​ធ្វើឲ្យ​កំណើន​សេដ្ឋកិច្ច​ថមថយ ដោយសារ​តែ​ការនាំចេញ​បាន​ថមថយ​ខ្លាំង​ជាង​ការនាំចូល​ធៀប​នឹង​ត្រីមាស​ទី​ ១»​។

ឧស្សាហកម្ម​សម្រាប់​ការនាំចេញ​ជាច្រើន​ដូចជា​ការផលិត​រថយន្ត ឧបករណ៍​គ្រឿង​ម៉ាស៊ីន និង​គីមី​បាន​ទទួលរង​ផលប៉ះពាល់​នៅក្នុង​ប្រទេស​អាល្លឺម៉ង់ ដោយសារ​លោក​ប្រធានាធិបតី​អាមេរិក ដូណាល់ ត្រាំ បាន​ពង្រីក​ការប្រឈម​មុខ​គ្នា​ផ្នែក​ពាណិជ្ជកម្ម​ជាមួយ​ប្រទេស​ចិន និង​បាន​គំរាម​ថា​នឹង​បើក​ការប្រឈមមុខ​ថ្មី​មួយ​ប្រឆាំង​នឹង​សហភាព​អឺរ៉ុប​។

លោក Klaus Borger សេដ្ឋវិទូ​នៅ​ធនាគារ​វិនិយោគ​សាធារណៈ KfW បាន​ថ្លែងថា​៖ «​ដោយសារ​ជម្លោះ​ពាណិជ្ជកម្ម​កាន់តែ​ខ្លាំ​របស់​សហរដ្ឋអាមេរិក ភាពចលាចល​ដែល​អាច​កើតឡើង​កាន់តែ​ខ្លាំង​ដោយសារ Brexit និង​សេដ្ឋកិច្ច​ពិភពលោក​កាន់តែ​ខ្សោយ​ស្ថានការណ៍​ដ៏អាក្រក់​បាន​និង​កំពុង​កើតឡើង​ចាប់តាំង​ពី​រដូវក្ដៅ​ឆ្នាំមុន​»៕ LA

អត្ថបទគួរចាប់អារម្មណ៍

  • អាមេរិក​ផ្តល់​ជំនួយ ​៤២ ​ម៉ឺន​ដុល្លារ​ទៀត ​ដើម្បី​ស្រាវជ្រាវ​សំណល់​គ្រាប់​បែក​ចង្កោម

    ភ្នំពេញៈ រដ្ឋាភិបាល​អាមេរិក​បាន​សម្រេច​ផ្ដល់​ជំនួយ​ជាង​ ៤២​ ម៉ឺន​ដុល្លារ​បន្ថែម​ទៀត ដល់​មជ្ឈមណ្ឌល​កំចាត់​មីន​កម្ពុជា ហៅ​កាត់​ថា CMAC ដើម្បី​ស្រាវជ្រាវ​​សំណល់​គ្រាប់​បែក​ចង្កោម​ដែល​

  • ប្រាក់ចំណេញ​សុទ្ធ Qantas ធ្លាក់ ៦,៥ ​ភាគរយ

    ក្រុងស៊ីដនីៈ ក្រុមហ៊ុន​អាកាសចរណ៍ Qantas Airways កាលពី​ថ្ងៃ​ព្រហស្បតិ៍​បាន​ចេញ​ផ្សាយ​ការធ្លាក់ចុះ​ប្រាក់​ចំណេញ​សុទ្ធ​ប្រចាំ​ឆ្នាំ ៦,៥ ភាគរយ ដោយសារ​ការធ្លាក់ចុះ​ប្រាក់​ចំណេញ​ក្នុង​គ្រា​ដែល​ប្រេង​ឆៅ​មាន​តម្លៃ​កាន់តែ​ខ្ពស់ និង​ការធ្លាក់​ថ្លៃ​ប្រាក់​ដុល្លារ​អូស្ត្រាលី​កាន់តែ​ខ្លាំង​។

  • តោខៀវ​ឲ្យ Roma ខ្ចី​ជើង​ខ្សែការពារ Zappacosta

    ក្រុងមីឡានៈ ក្លិប Roma បានប្រកាស​កាលពី​ថ្ងៃ​ពុធ​ថា ខ្សែការពារ Davide Zappacosta នៅ​ក្លិប Chelsea បាន​ចូលរួម​ក្លិប Roma ក្នុង​លក្ខខណ្ឌ​ខ្ចី​ជើង ៦ ​ខែ ប៉ុន្តែ​អាច​បន្ត​រហូតដល់​ចុងរដូវកាល​នេះ​ក៏បាន​ដែរ​។ ​

  • កូរ៉េ​ខាងជើង​មិន​ចរចា​ពី​បញ្ហា​នុយក្លេអ៊ែរ​ទេ បើសិន​ US ​នៅតែ​បន្ត​វិធានការ​យោធា​បង្ក​អារិភាព​នោះ

    ក្រុងសេអ៊ូលៈ កូរ៉េ​ខាងជើង​បាន​ថ្លែង​កាលពី​ថ្ងៃ​ព្រហស្បតិ៍​ថា​ខ្លួន​ «​មិន​ចាប់អារម្មណ៍​» ​នៅក្នុង​ការចរចា​នោះទេ លុះណា​តែ​ក្រុង​វ៉ាស៊ីនតោន​ឈប់​ «​វិធានការ​យោធា​បង្ក​អរិភាព​កាន់តែ​ខ្លាំង​ឡើង​ជាមួយ​ខ្លួន​នោះ​» ខណៈ​ប្រេសិត​ពិសេស​ជាន់ខ្ពស់​អាមេរិក​ម្នាក់​បាន​ទស្សនកិច្ច​ទៅកាន់​ក្រុង​សេអ៊ូល​ដោយ​ផ្តោត​ទៅ​លើ​ការធ្វើឲ្យ​កិច្ចចរចា​ពី​បញ្ហា​នុយក្លេអ៊ែរ​ជាមួយ​ក្រុង​ព្យុងយ៉ាង ដំណើរការ​ឡើងវិញ​។