.jpg)
លោក Hossein Kazempour Ardebili (ឆ្វេង) ប្រេសិតរបស់ប្រទេសអុីរ៉ង់ ដែលបានចូលរួមក្នុងកិច្ចប្រជុំអង្គការ OPEC នៅទីក្រុងអាល់ហ្សេកាលពីម្សិលមិញ។ រូបថត AFP
ក្រុងតេហេរ៉ង់ៈ ប្រទេសអុីរ៉ង់ កាលពីថ្ងៃអាទិត្យបានអំពាវនាវឲ្យដៃគូក្នុងអង្គការប្រទេសនាំចេញប្រេង OPEC របស់ខ្លួនកុំអោនក្បាលចំពោះការ «គំរាម» របស់លោកប្រធានាធិបតីអាមេរិក ដូណាល់ ត្រាំ ខណៈអង្គការនេះបានរៀបចំប្រជុំដើម្បីពិភាក្សាពីកម្រិតផលិតប្រេង។
លោក Bijan Namdar Zanganeh រដ្ឋមន្ត្រីក្រសួងប្រេងអុីរ៉ង់ បានប្រាប់ទីភ្នាក់ងារព័ត៌មាន SHANA របស់ក្រសួងប្រេងរបស់លោកថា៖ «ខ្ញុំសង្ឃឹមថា លទ្ធផលនៃការកិច្ចប្រជុំនេះនឹងមិនទទួលរងឥទ្ធិពលពីការគំរាមរបស់លោកប្រធានាធីបតី ត្រាំ ទេ»។
មុនកិច្ចប្រជុំរបស់អង្គការ OPEC កាលពីថ្ងៃអាទិត្យនៅទីក្រុងអាល់ហ្សេ ប្រទេសអាល់ហ្សេរី លោក ត្រាំ បានសរសេរលើ Tweeter ថា៖ «អង្គការ OPEC ត្រូវធ្វើឲ្យតម្លៃប្រេងធ្លាក់ចុះឥឡូវនេះ!» តាមរយៈការដំឡើងទិន្នផលប្រេង។
កាលពីថ្ងៃព្រហស្បតិ៍ លោកប្រធានាធិបតីបានសរសេរផងដែរថា បណ្តាលរដ្ឋនៅមជ្ឈិមបូព៌ា «នឹងមិនមានសុវត្ថិភាពរយៈពេលវែងទេ» បើគ្មានសហរដ្ឋអាមេរិក៕ AFP/KC
